Alle handelaars, kunsvlyt-entoesiaste, entrepreneurs, bakkers, brouers en ander kundige skeppers kan nou aansoek doen om ’n stalletjie by die 28ste KKNK in Oudtshoorn om jou produkte aan die tienduisende feesgangers, wat Oudtshoorn vir dié fees besoek, te verkoop.
’n Verskeidenheid opsies vir algemene stalletjies en geleenthede om handel te dryf, is beskikbaar. Stalletjies word reg deur die Feesmark (die feesterrein) versprei, sowel as ander fees-gebiede, wat hoë besoekerstalle lok, waaronder Baron van Reedestraat en Queenslaan.
Vir meer inligting oor die uitleg van die fees, laai gerus die terreinplanne op die feeswebblad (hieronder) af.
Besoek www.kknk.co.za vir nog inligting en digitale aansoekvorms.
