Buiten die prys vir die beste speelfilm het Corné ook die prys vir die beste regisseur gewen, terwyl Pierre van Pletzen, wat een van die hoofrolle vertolk, as die beste akteur aangewys is.
Nadat René haar skoolbaadjie opgehang het, het sy haar rolprentstudies by die kunste-organisasie Afda voltooi, en ná ’n paar jaar by Homebrew Films begin werk.
Ná ’n ruk het sy egter bedank en as ’n vryskut aangebly om haar eintlike droom as draaiboekskrywer te verwesenlik, waar sy in 2012 haar eerste silwerskermtoekenning ontvang het vir haar draaiboek en kortfilm Nantes, vervaardig deur Homebrew Films, en genoem na die plaas buite die Paarl waar sy grootgeword het en waar haar ouers steeds woon.
Hans steek die Rubikon oor verskyn van 29 September af landswyd op die grootskerm, maar Bolanders kan hulle regmaak vir ’n spesiale verskyning op 21 September om 10:00 by die Minimax-teater in die Paarl teen R35 ’n kaartjie.
Paarl Post het twee kaartjies om weg te gee aan een gelukkige wenner.
Beantwoord die volgende vraag, en SMS die antwoord nie later as Maandag 18 September om 12:00 na 066 484 3728: Wie het die boek Hans steek die Rubicon oor geskryf?
