Dit is baie belangrik om op hoogte te bly van die nodige noodnommers. Dus wil die Paarl-Oos-polisie graag gemeenskapslede in kennis stel van, of herinner aan hul telefoon- en selfoonnommers waarop die polisie bereik kan word.
Kapt. Basil Seekoei, woordvoerder vir die Paarl-Oos-polisie, versoek gemeenskapslede om hierdie nommers byderhand hou, sou hulle dringend polisiebystand benodig of in die geval van ’n noodgeval.
. Kontak die Paarl-Oos-polisie se dienssentrum by die volgende nommers: 021 877 5900, 021 877 5906 of 021 877 5907.
Daar is ’n enkele selfoonnommer wat deur die verskeie skof-bevelvoerders gebruik word wanneer hulle aan diens is. Kontak die skof-bevelvoerder by 082 469 6792.
Seekoei verduidelik ook dat Paarl-Oos in verskeie polisiëringsektore verdeel is. Die sektore en hul onderskeie selnommers is as volg:
. Sektor 1 (Groenheuwel) – 082 379 4712;
. Sektor 2 (Chicago, New Orleans, Charleston Hill) – 082 379 4563; en
. Sektor 4 (Amstelhof) – 082 379 4336.
Seekoei verduidelik die selnommer vir Sektor 3 (Lantana, Klein Nederburg, Riverside, New York, Mountain View) is op die oomblik buite werking. Dit sal binnekort herstel word en die gemeenskap sal dienooreenkomstig ingelig word.
