WIID Bruwer, eienaar van die Selfhelp-tuis-nywerheid op Somerset-Oos, is nie suinig met sy resepte nie. Hy deel graag ’n skonsresep omdat die meeste mense altyd kla dat hulle nie skons kan bak nie.
Dié oulike winkel is al vanaf 1 Mei 2000 aan die gang en Wiid sê hulle kan nie voorbly om lekkernye aan die publiek te verskaf nie. Saam met hom is daar nog vyf ander dames wat help om die rakke vol te hou.
Skons in kolwyntjiepan
Bestanddele
Sif saam:
3 koppies bruismeel
1 teelepel bakpoeier
1 teelepel sout
1 teelepel suiker
Klits saam:
1 koppie joghurt (ongegeur) of maaskaas
½ koppie olie
2 eiers
Meng alles saam – sny nie roer nie
Skep holtetjies ¾ vol
Bak in oond teen 180°C tot ligbruin bo-op
Die resep lewer 12 skons.
