Geurige muffins gebak deur Karla Taljaart. Foto: Verskaf
Probeer gerus hierdie resep vir geurige muffins, deur Karla Taljaart
Bestanddele:
500ml meel
15ml bakpoeier
5ml sout
2,5ml koeksoda
2,5ml paprika
2,5ml mosterdpoeier
5ml tiemie
15ml grasuie
15ml fyngesnyde groenpeper
1 murgpampoentjie, gerasper
2 koppies gerasperde kaas
250ml bulgaarse jogurt
2 eiers
60ml gesmelte botter
Metode:
Sif meel, bakpoeier, sout, koeksoda en speserye saam.
Voeg tiemie by, ook kaas, grasuie, groenpeper en pampoentjie.
Meng jogurt, eiers en gesmelte botter.
Meng liggies met droë bestanddele tot net aangeklam.
Skep lepelsvol in muffinpanne en bak by 200° C vir 25 minute tot gaar en bruin.
Geniet dit met botter of soetrissie- roomkaas.
