Die alombekende Suid-Afrikaanse kunstenaar Portchie (62) is vanoggend oorlede.

Die nuus is op die Facebook-blad Portchie Gallery in ‘n inskrywing op Vrydagoggend 12 Junie bevestig.

“Dis met ‘n diepe hartseer dat ons die afstewe van ons geliefde broer, mentor en vriend deel. He touched countless lives through his faith, his art, his kindness, his wisdom, and his unwavering passion for life,” lui die inskrywing.

Hy is ná ‘n siekte in ‘n hospitaal in Stellenbosch oorlede.

Dié geliefde kunstenaar, wie se doopname Jan Hendrik Viljoen was, se kunswerke was bekend om hul kleurrykheid en vrolikheid, waarby wyd aanklank gevind is. Sy werk is tuis in talle huishoudings oor die land heen, met dié dat nie net die kunswerke nie, maar ook gebruiksartikels met sy kuns daarop, uiters gewild is.