{"id":51527,"date":"2023-01-30T06:00:33","date_gmt":"2023-01-30T04:00:33","guid":{"rendered":"https:\/\/novanews.co.za\/worcesterstandard\/so-het-bvallei-se-matrieks-gevaar-20230125-2\/"},"modified":"2026-06-17T13:19:38","modified_gmt":"2026-06-17T11:19:38","slug":"so-het-bvallei-se-matrieks-gevaar-20230125-2","status":"publish","type":"school_article","link":"https:\/\/novanews.co.za\/worcesterstandard\/school\/so-het-bvallei-se-matrieks-gevaar-20230125-2\/","title":{"rendered":"S\u00f3 het B\u2019vallei se matrieks gevaar"},"content":{"rendered":"

Die matriekklas van 2022 se uitslae is die afgelope Vrydag (20 Januarie) n\u00e1 \u2019n lang wag bekend gemaak, en opgewonde gesigte het die Worcester Standard-<\/span><\/span>span by verskeie skole in die dorp ingewag.<\/p>\n

Talle 2022-matrieks het die pad na hul onderskeie skole aangepak en hul matriekuitslae, wat die pad na die grootmens-w\u00eareld vir hulle verder oopkerf, met opwinding afgehaal.<\/p>\n

Die Wes-Kaap het \u2019n effense styging in die slaagsyfer getoon met 81,4% teenoor 81,2% in 2021.<\/p>\n

Altesaam 70 skole het \u2019n slaagsyfer van 100% behaal, en agt skole geniet ook 100%-universiteitstoelating.<\/p>\n

Ten spyte van hierdie mylpale is die matriekuitslae vir die Kaapse Wynland nie te waffers nie, en die streek het met 77% die laagste slaagsyfer in die Wes-Kaap getoon, s\u00ea David Maynier, LUR vir onderwys. <\/p>\n

\u201cDie departement is verheug dat die Wes-Kaapse matriekklas van 2022 toegesien het dat die provinsiale matriekslaagsyfer tot 81,4% gestyg het nadat 49 102 kandidate hul eindeksamen geslaag het \u2013 die grootste getal suksesvolle kandidate wat die provinsie n\u00f3g gehad het,\u201d het Maynier verduidelik.<\/p>\n

\u201cBelangriker nog, elk van ons suksesvolle kandidate het \u2019n matriekslaagsyfer ontvang wat hulle in aanmerking bring om by tersi\u00eare instellings aansoek te doen,\u201d het Maynier verduidelik.<\/p>\n

Die Ho\u00ebr Tegniese Skool (HTS) Drostdy het \u2019n slaagsyfer aangemeld van 98,9% en \u2019n 77,8%-keuring vir tersi\u00eare onderrig. Die toppresteerder is Gerhard Burger met \u2019n 97,2%-gemiddeld. Hy was ook die skool se hoofseun.<\/p>\n

Die Ho\u00ebrskool Montana het \u2019n 97,6%-slaagsyfer aangemeld, met die toppresteerder, Edmar\u00e8 Fortuin, wat \u2019n 91,9%-gemiddelde behaal het, en sewe A\u2019s. Altesaam 84,1% van hierdie skool se leerders het ook universiteitsvrystelling behaal.<\/p>\n

Worcester Gimnasium spog met \u2019n slaagsyfer van 98,8% en 87,3% van hul leerders het ook universiteitsvrystelling. Nadia Botha en Karl Johann Kl\u00fcsmann is die skool se toppresteerders, met beide \u2019n 94%-gemiddeld en 7 A\u2019s.<\/p>\n

Verder het 40,5% van Worcester Sekond\u00eare Skool se matrieks geslaag, met 9,2% wat universiteitsvrystelling behaal het. Lucresia Sedras is die skool se topleerder met 67,5% as gemiddeld.<\/p>\n

Die Ho\u00ebrskool Zwelethemba het \u2019n 51,5%-slaagsyfer behaal, en 24,3% van die skool se leerders kwalifiseer om te studeer by \u2019n tersi\u00eare instelling. Kiara Hendricks was die skool se toppresteerder met 83,14% as gemiddeld.<\/p>\n

Die Ho\u00ebrskool Bre\u00ebrivier het \u2019n 62%-slaagsyfer, en hul toppresteerder is Jordan Louw met \u2019n gemiddelde van 65%.<\/p>\n

Die Pionierskool in Worcester het \u2019n 88,8%-slaagsyfer met 44,4% van leerders wat universiteitsvrystelling ontvang het. Adrienne Murray is aangewys as die toppresteerder met \u2019n gemiddeld van 75,4% en 4 A\u2019s.<\/p>\n

Langerugskool in Worcester vir leerders met spesifieke leerbehoeftes het \u2019n 100%-slaagsyfer en hul toppresteerder is Carel van der Merwe met \u2019n 74%-gemiddeld.<\/p>\n

Esselenpark Senior Sekond\u00eare Skool het \u2019n 57,7%-slaagsyfer behaal, en \u2019n 10,8% van leerders het keuring vir tersi\u00eare onderrig.<\/p>\n

Die Ho\u00ebrskool Hexvallei in De Doorns het \u2019n 91,1%-slaagsyfer met \u2019n 44,6%-universiteitsvrystelling.<\/p>\n

Verder het Hexvallei Sekond\u00eare Skool het \u2019n 45,4%-slaagsyfer, en 6,3% van die skool se leerders kwalifiseer om te studeer by \u2019n tersi\u00eare instelling. Die skool se topmatrikulant is Shaquile Saunders met \u2019n gemiddeld van 70% en drie B\u2019s. <\/p>\n

Volgens Shaguile het hy sy matriekeindeksamen in moeilike omstandighede geskryf weens sy geliefde ouma se afsterwe tydens die eksamen.<\/p>\n

\u201cDit was baie moeilik vir my omdat my ouma \u2019n groot rol in my lewe gespeel het, en ook as motivering vir my gedien het, maar ek het myself vertroos met die feit dat my ouma sou wou h\u00ea ek moet suksesvol wees en vandag is ek bly ek kon haar trots maak en weet sy glimlag uit die hemel na my,\u201d het Shaguile vertel.<\/p>\n

Shaguile is aanvaar by CPUT om onderwys te studeer. <\/p>\n

Ho\u00ebrskool De Villiers Graaff in Villiersdorp het \u2019n slaagsyfer van 96.3% aangemeld met 34 A-simbole in die verskeie vakke wat die skool aanbied. Carol\u00e9 Franken is die skool se toppresteerder met 87,4% en sewe A\u2019s. Altesaam 74,1% van die skool se matrikulante het ook universiteitsvrystelling behaal.<\/p>\n

Villiersdorp Sekond\u00eare Skool het \u2019n 86,6%-slaagsyfer, en vir die eerste keer in die skool se geskiedenis meer as een A-kandidaat. 2022 se toppresteerder is Jerusha Armoed met 83,4%, en haar opvolger is Yolan Dykes met \u2019n 81,8%-gemiddeld. Altesaam 22,4% van die matrieks het ook universiteitsvrystelling.<\/p>\n

Ho\u00ebrskool Tulbagh het \u2019n 35,5%-slaagsyfer, en \u2019n 10,3%-keuring vir tersi\u00eare onderrig. Die skool se toppresteerder, Naydine Swarts, het \u2019n gemiddeld van 73.88%.<\/p>\n

Ceres Sekond\u00eare Skool het \u2019n 83,6%-slaagsyfer, en 24,4% van di\u00e9 leerders het universiteitsvrystelling ontvang.<\/p>\n

Wolseley Sekond\u00eare Skool het \u2019n 83,5%-slaagsyfer ontvang, met 31,9% van die skool se leerders wat universiteitsvrystelling gekry het.<\/p>\n

Ho\u00ebrskool Charlie Hofmeyr het \u2019n 97,6%-slaagsyfer behaal met ses kandidate wat A-gemiddeldes behaal het. WD Muller was die skool se toppresteerder met 93,9% as gemiddeld. Altesaam 80,2% van die leerders het universiteitsvrystelling.<\/p>\n

\n Die distrikslaagsyfer vir 2022 is soos volg:<\/b>
\n <\/b>\n<\/p>\n