\u2019n Brand wat Vrydagmiddag by die Fairy Glen-wildreservaat in Worcester ontstaan het, het groot skade aan verskeie strukture op die reservaat aangerig. <\/p>\n
Volgens Marianne Nielsen, \u2019n trustee van die Fairy Glen-wildreservaat, het die brand by Brandwacht ontstaan en vinnig na die reservaat beweeg.<\/p>\n
\u201cTragiese gebeure het afgespeel toe die brand na die afgekampte gedeelte van die leeus versprei het. Die diere is onmiddellik in \u2019n veilige kleiner kamp losgelaat, wat gedurig natgehou moes word. Die mannetjie het geringe brandwonde aan sy pote opgedoen en sterk mooi aan n\u00e1 mediese behandeling,\u201d verduidelik Nielsen.<\/p>\n
Sy verduidelik ook dat die vlamme vinnig na die chalets op die reservaat beweeg het.<\/p>\n
\u201cTen spyte van alle pogings om die vlamme onder beheer te kry, het dit baie vinnig na die chalets versprei. Feitlik al die strukture is in \u2019n kort tydjie verwoes, asook twee van die drie permanente wonings op die reservaat. Die vlamme het na die kloof versprei, waar die Kliphuis naby die Fairy Glen-dam afgebrand het. Geweldige groot skade is aan die veld en fynbos aangerig en dit het \u2019n groot invloed op die voeding vir diere.\u201d<\/p>\n
Die Kaapse Wynland-distriksmunisipaliteit (KWDM) het Vrydag, kort nadat die brand begin het, ges\u00ea hulle het twee helikopters na die toneel ontbied.<\/p>\n
Die Fairy Glen-bestuur wil graag almal bedank wat hulle te hulp gesnel het. Ons is baie dankbaar dat almal veilig uitgekom het en dat geen diere in die brand dood is nie. Fairy Glen wil graag sy dank en waardering uitspreek teenoor die gemeenskap van Worcester en omgewing en almal wat onmiddellik saamgespan het om te help, asook ook alle brandbestryders. Elke skenking \u2013 groot of klein \u2013 en alle projekte wat gere\u00ebl word vir kos vir die diere, word opreg waardeer. <\/p>\n
\u201cDankie ook aan die personeel van Fairy Glen wat so hard gewerk het om alles tydens die brand onder beheer te kry en wat hul beste vir die diere gee. Ons dink ook aan almal in die omgewing wat deur die brande geraak word.\u201d<\/p>\n