{"id":46984,"date":"2024-02-09T12:42:17","date_gmt":"2024-02-09T10:42:17","guid":{"rendered":"https:\/\/novanews.co.za\/worcesterstandard\/landbou-organisasies-lig-hul-menings-oor-staatsrede-20240209-3\/"},"modified":"2024-02-09T12:42:17","modified_gmt":"2024-02-09T10:42:17","slug":"landbou-organisasies-lig-hul-menings-oor-staatsrede-20240209-3","status":"publish","type":"post","link":"https:\/\/novanews.co.za\/worcesterstandard\/landbou-organisasies-lig-hul-menings-oor-staatsrede-20240209-3\/","title":{"rendered":"Landbou-organisasies lig hul menings oor staatsrede"},"content":{"rendered":"

Vanjaar se staatsrede het by verskeie Suid-Afrikaners groot afwagting gesaai oor presies w\u00e1t pres. Cyril Ramaphosa gaan s\u00ea oor die huidige droewige stand van sake in die land.<\/p>\n

Verskeie organisasies, onder andere Agri Wes-Kaap en Agbiz, wat boere en ander landbou-organisasies regoor die Wes-Kaap en Suid-Afrika verteenwoordig het hul mening oor die staatsrede uitgespreek.<\/p>\n

Volgens Agri Wes-Kaap is die president se toespraak beloftes wat moeilik sal realiseer. <\/p>\n

\u201cMens kan nie help om die politieke skouspel en beloftes wat gemaak is as \u2018n instrument vir opkomende verkiesing te beskou nie,\u201d het Jannie Strydom, uitvoerende hoof van Agri Wes-Kaap in die persverklaring ges\u00ea. <\/p>\n

\u201cTog word die erkenning wat daar aan die landbou sektor, en sy bydrae tot die ekonomie en werksgeleenthede gegee is, verwelkom,\u201d het Strydom bygevoeg.<\/p>\n

Daar is \u2019n paar voortslepende uitdagings wat die landbousektor in die gesig staar, naamlik die Eskom-krisis en ander problematiese logistieke infrastruktuur soos Transnet, en Sanral.<\/p>\n

\u201cTydens die staatsrede het President Ramaphosa weereens uitgewys dat daar oor die komende jare addisionele kragopwekkingsprojekte in plek gesit gaan word. Hoewel hierdie voorneme met \u2019n knippie sout geneem word, is dit tog verblydend om te hoor dat hernubare energieprojekte as \u2019n prioriteit beskou word. Vir di\u00e9 projekte om suksesvol te wees, moet die nasionale transmissienetwerk egter aansienlik uitgebrei word. Die voorneme om die transmissienetwerk met 14 000 km uit te brei, word daarom deur Agri Wes-Kaap as positief beskou,\u201d luidens die persverklaring.<\/p>\n

\u201cVolgens Ramaphosa het die staat \u2019n duidelike padkaart om Transnet te transformeer en die logistieke netwerk te hervorm saamgestel. Hoewel Agri Wes-Kaap die staat se vermo\u00eb om hierdie padkaart te volg en die planne daarin vervat uit te voer bevraagteken, is daar verskeie aspekte wat as positief beskou word.\u201d <\/p>\n

Van die askpekte sluit in om 25 000 km se padinfrastruktuur op te gradeer en 2 000 projekte van stapel te stuur.<\/p>\n

\u201cVerder is die internasionale terminaal-operateur se aanstelling by die hawe van Durban \u2019n stap in die regte riging en hoop Agri Wes-Kaap dat die disfunksionele houerterminaal in die Kaapstadse hawe spoedig sal volg en private operateurs toelaat om toegang tot die netwerk te kry.\u201d<\/p>\n

Ramaphosa het ook genoem dat die staat misdaad teenoor hierdie infrastruktuur gaan bekamp, maar d\u00edt is moeilik om te glo. het Agri Wes-Kaap ges\u00ea.<\/p>\n

\u201cAgri Wes-Kaap verwelkom egter steeds die aanstelling van byna 20 000 addisionele polisielede oor die afgelope twee jaar en die voorneme om \u2019n addisionele 10 000 lede in die komende jaar aan te stel.\u201d<\/p>\n

\u201cHoewel Agri Wes-Kaap van mening is dat behalwe vir die rits verskonings wat daar vir die swak prestasie van die regering gemaak is, die Staatsrede te veel gefokus het op Suid-Afrika se uitdagings en nie genoegsame planne op die tafel gel\u00ea het om die uitdagings op te los nie.\u201d<\/p>\n

Agbiz is van mening dat die president se toespraak oor die sukses van grondhervorming verfrissend is. <\/p>\n

\u201cAlhoewel Agbiz graag wou sien dat stappe geneem is om ons ekonomie te stimuleer, kan waarde van pogings tot grondhervorming nie oorbeklemtoon word nie,\u201d volgens Francois Strydom, Agbiz voorsitter.<\/p>\n

\u201cAfgesien van bemoedigende opmerkings oor grondhervorming, het die adres weinig in die pad van beleidsrigting vir die komende jaar verskaf. In plaas daarvan, het die president \u2019n opdatering verskaf oor \u2019n aantal prosesse wat aan die gang is. [Agbiz] kan dit in een van twee maniere interpreteer. Aan die een kant was die adres sonder enige nuwe idees om die ekonomie te stimuleer. Aan die ander kant kan daar geargumenteer word dat dit \u2019n bevestiging was dat die staat nie afwyk nie van verpligtinge wat in die vorige staatsrede bekendgemaak is nie, maar eerder daardie prosesse te laat voortleef.\u201d Volgesn Netwerk24<\/span> is hierdie die nege wegneem-boodskappe van vanjaar se staatsrede:<\/p>\n