Die Suid-Afrikaanse Weerdiens (SAWS) het \u2018n waarskuwing uitgereik vir inwoners om versigtig te wees gedurende die volgende paar dae se gure weer.<\/p>\n\n\n\n
Goeie re\u00ebn het wyd deur die nag (Woensdag 2 Junie) geval met verdere re\u00ebn wat tot Sondag (6 Junie) voorspel word. Die weerdiens het \u2018n vlak 4-waarskuwing uitgereik vir ontwrigtende re\u00ebnval. \u2018n Sterk koue front beweeg in wat swaar re\u00ebn, die risiko van vloede en gevaarlike toestande regoor die Wes-Kaap kan bring. In bergagtige gebiede kan tot soveel as 90mm se re\u00ebn val.<\/p>\n\n\n\n
Volgens die SAWS het dit die afgelope 24 uur (tot en met 08:00 vanoggend) 9mm in Worcester gere\u00ebn, 22mm in Tulbagh, 6mm in Robertson en 1mm in Montagu.<\/p>\n\n\n\n
Antoinette Steyn, die burgemeester van die Breedevallei-munisipaliteit<\/a>, het inwoners gewaarsku om versigtig te wees op die paaie en om nie laagwaterbruggies<\/a> oor te steek nie. Sy het ges\u00ea dat die munisipale spanne regstaan om probleme te hanteer. \u201cJulle veiligheid bly ons topprioriteit. Ek moedig alle inwoners aan, veral diegene wat in laagliggende gebiede wat maklik oorspoel woon, om die nodige voorsorgmaatre\u00ebls te tref.\u201d<\/p>\n\n\n\n Veiligheidsmaatre\u00ebls wat motoriste kan toepas is om stadiger te ry en hul ligte aan te skakel wanneer dit re\u00ebn. Hou \u2018n langer volgafstand op nat paaie en moet nie skielik en hard rem trap nie, dit kan veroorsaak dit die voertuig gly.<\/p>\n\n\n\n