{"id":297705,"date":"2026-02-26T18:16:13","date_gmt":"2026-02-26T16:16:13","guid":{"rendered":"https:\/\/novanews.co.za\/weslander\/?p=297705"},"modified":"2026-02-26T18:22:10","modified_gmt":"2026-02-26T16:22:10","slug":"drama-tydens-verkiesing-van-nuwe-burgemeester-van-saldanhabaai-laat-inwoners-onseker","status":"publish","type":"post","link":"https:\/\/novanews.co.za\/weslander\/drama-tydens-verkiesing-van-nuwe-burgemeester-van-saldanhabaai-laat-inwoners-onseker\/","title":{"rendered":"Drama tydens verkiesing van nuwe burgemeester van Saldanhabaai laat inwoners onseker"},"content":{"rendered":"\n

VREDENBURG \u2013 Die verkiesing van \u2019n nuwe uitvoerende burgemeester tydens \u2019n spesiale raadsvergadering van die Saldanhabaai-munisipaliteit op 26 Februarie 2026 het groot drama en onsekerheid veroorsaak. Die vergadering is regstreeks op YouTube uitgesaai<\/a>.<\/p>\n\n\n\n

Marius Koen van die DA het Tyrone Williams van Good met net een stem gewen, maar die uitslag het onmiddellik debat en kritiek onder raadslede en inwoners uitgelok.<\/p>\n\n\n\n

\"Die
Die nuwe burgermeesterskomitee is (voor van links) Olwene Daniels, die nuwe burgemeester Marius Koen en Heinrich Mettler, munisipale bestuurder. Agter staan Jaco Kotz\u00e9, Sinah Mamabolo, Wimpie America, Eventhia Vaughan en Michael Schaffers. Foto: SBM<\/figcaption><\/figure>\n\n\n\n

Die konflik het ontstaan toe ANC-raadslid Theresa Rossouw ges\u00ea het haar stembrief vir Williams het ‘n merk opgehad wat haar verhoed het om haar keuse korrek in te dien. <\/p>\n\n\n\n

Rossouw s\u00ea sy het herhaaldelik vir \u2019n skoon stembrief versoek, maar haar versoek is deur die munisipale bestuurder, wat die stemproses gelei het, geweier. Sy vermoed dat daar moontlik \u201cvuilspel\u201d aan die gang was.<\/p>\n\n\n\n

Volgens Rossouw sou die verkiesing moontlik \u2019n herstemmery vereis het indien haar stembrief aanvaar is. Sy beklemtoon dat \u2019n tweede bedorwe stembrief ook bygedra het tot die verwarring, hoewel dit uiteindelik as skoon verklaar is. \u201cEk het gevoel dat my stem nie behoorlik verteenwoordig is nie en dat die proses nie volledig deursigtig was nie,\u201d s\u00ea Rossouw.<\/p>\n\n\n\n

Williams stem saam dat die situasie ongelukkig is en s\u00ea dat hulle die uitslag moontlik deur regsaksie gaan betwis. <\/p>\n\n\n\n

Hy s\u00ea die gemeenskap sou \u2019n herstemmery eerder verwelkom het om die werklike wil van die raad en inwoners korrek te reflekteer. \u201cOns is almal hier om die beste vir die gemeenskap te doen, en ek glo \u2019n herstemmery sou seker gemaak het dat almal se stemme geldig en regverdig hanteer is,\u201d s\u00ea hy.<\/p>\n\n\n\n

Baie inwoners het reeds hul teleurstelling uitgespreek. Hulle s\u00ea die huidige proses het onsekerheid geskep en dat \u2019n herstemmery die enigste manier sou wees om vertroue in die raad se besluitneming te herstel. Ander het beklemtoon dat die konflik die indruk wek van politieke verdeeldheid binne die munisipaliteit, en dat dit onnodig spanning in die gemeenskap veroorsaak.<\/p>\n\n\n\n

Die pos het oopgegaan met die voormalige burgemeester, Andr\u00e9 Truter, se bedanking einde Januarie vanjaar<\/a>.<\/p>\n\n\n\n

Die drama is verder kompliseer deur verkeerde bewerings oor \u2019n junior munisipale amptenaar tydens die vergadering. Volgens Ethne Lawrence, kommunikasie- en openbare betrekkingebeampte van die munisipaliteit, het die amptenaar geen rol in die politieke stemproses gehad nie. \u201cDaar is in die openbaar ges\u00ea dat \u2019n junior amptenaar \u2019n stembrief opgeskeur het. Hierdie bewering is verkeerd, ongegrond en teenstrydig met die gevestigde prosedures en gedrag van ons personeel,\u201d s\u00ea Lawrence.<\/p>\n\n\n\n

Sy beklemtoon dat munisipale personeel streng administratief optree en dat hul werk deur wetgewing, interne beleide en etiese standaarde gereguleer word. \u201cOm \u2019n werknemer in die openbaar te beskuldig op grond van ongeverifieerde inligting is onvanpas en onbillik. Dit kan ernstige skade aan reputasie berokken aan iemand wat geen politieke rol het nie,\u201d voeg Lawrence by.<\/p>\n\n\n\n

Die Saldanhabaai-munisipaliteit het hul verbintenis tot \u2019n professionele, onpartydige administrasie en die beskerming van personeel se integriteit herbevestig. Lawrence het benadruk dat die munisipaliteit akkurate openbare inligting verskaf. <\/p>\n\n\n\n

Die raad en die gemeenskap staan egter steeds voor \u2019n uitdaging om die vertroue in die politieke proses te herstel.<\/p>\n\n\n\n

Inwoners en politieke waarnemers s\u00ea dat die hele gebeure rondom die spesiale raadsvergadering is \u2019n voorbeeld is van hoe \u2019n klein administratiewe fout, soos \u2019n bedorwe stembrief, \u2019n groot impak kan h\u00ea op die geloofwaardigheid van die munisipaliteit. \u201cDie situasie het vir almal \u2019n waardevolle les geleer oor deursigtigheid en die noodsaaklikheid van streng prosedures tydens belangrike stemprosesse,\u201d s\u00ea \u2019n plaaslike gemeenskapsleier.<\/p>\n\n\n\n

Alhoewel die nuwe burgemeester amptelik aangestel is, sal die drama en die debat oor die geldigheid van die stemme waarskynlik nog lank die gesprek in Saldanhabaai beheers. <\/p>\n\n\n\n

\u2019n Herstemmery, volgens verskeie bronne, sou moontlik die enigste manier wees om die gemeenskapsvertroue ten volle te herstel en toekomstige politieke konflik te voorkom.<\/p>\n\n\n\n