{"id":46222,"date":"2023-07-26T06:06:17","date_gmt":"2023-07-26T04:06:17","guid":{"rendered":"https:\/\/novanews.co.za\/vrystaatkroon\/rooispan-triomfeer-na-katgeveg-20230725-2\/"},"modified":"2025-03-20T22:46:56","modified_gmt":"2025-03-20T20:46:56","slug":"rooispan-triomfeer-na-katgeveg-20230725-2","status":"publish","type":"post","link":"https:\/\/novanews.co.za\/vrystaatkroon\/rooispan-triomfeer-na-katgeveg-20230725-2\/","title":{"rendered":"Rooispan triomfeer n\u00e1 katgeveg"},"content":{"rendered":"\n

Die Rooikatte is die nuwe kampioene van die VKB-Platteland-rugbyweek nadat hulle die Luiperds behoorlik mak gemaak het. <\/p>\n\n\n\n

Di\u00e9 toernooi is in die Junie-Julie-skoolvakansie in Reitz beslis. <\/p>\n\n\n\n

Die span van Pretoria het met sy oortuigende sege van 44 \u2013 10 oor die Luiperds die bordjies verhang teen sy teenstander, wat verlede jaar in die eindstryd tussen di\u00e9 twee spanne met die louere weggestap het. <\/p>\n\n\n\n

Die Luiperds het toe met 24 \u2013 17 gese\u00ebvier. <\/p>\n\n\n\n

Nadat die Luiperds van Noordwes, aanvanklik druk geplaas het op die span saamgestel uit seuns van verskeie private skole in Pretoria, het Luke Sass, Rooikat-senter van St Alban\u2019s College,, se drie die momentum geswaai, en die Rooikatte kon die res van die wedstryd oorheers. <\/p>\n\n\n\n

\u2019n Driekuns aan drie\u00eb deur losskakel JJ Steenkamp; twee drie\u00eb deur haker Luke Webber; en \u2019n laaste drie om hul skitterende vertoning af te rond, aangeteken deur Zander Wessels van HeronBridge College, wat as \u2019n reserwe in die agterlyn opgekom het, was genoeg vir die Rooikatte om \u2019n gemaklike sege te behaal in die twee spanne se herontmoeting.<\/p>\n\n\n\n

Anru Cronje, die Rooikatte se flank van Midstream College, is as speler van die wedstryd aangewys. <\/p>\n\n\n\n

Met nog \u2019n driekuns op die eerste dag, en \u2019n enkele drie op die tweede, was JJ se sewe drie\u00eb die meeste wat deur \u2019n enkele speler in die toernooi gedruk is. <\/p>\n\n\n\n

Jaedon de Leeuw, heelagter, was ook deurlopend betrokke met die aanval en kon \u2019n verdere nege punte met sy stelskoppe bydra. <\/p>\n\n\n\n

Hoewel die Luiperds verbete, 46 minute lank, alles wat hulle het teen die Rooikatte se verdedigingslyn gegooi het, was PW Smit, die groot slot van Koster, die enigste speler wat \u2019n drie vir die span kon druk. <\/p>\n\n\n\n

Dries Scheepers, een van die Luiperds se sterkste baldraers die week en die agtsteman van Lichtenburg, was weens \u2019n beserig afwesig in die eindstryd en dit het definitief \u2019n leemte gelaat. Met vyf drie\u00eb in die eerste twee wedstryde het Dries \u2019n groot rol gespeel in sy span se veldtog om \u2019n plek in die eindstryd te kry. <\/p>\n\n\n\n

Benewens die span se sukses op die Platteland-week het die Rooikatte die Spar-sewestoernooi gewen. In die eindstryd van di\u00e9 toernooi het die Rooikatte die Luiperds met 35 \u2013 17 geklop. <\/p>\n\n\n\n

Die Luiperds was ook verlede jaar se sewes-kampioene \u2013 die Rooikatte het vanjaar dus altwee titels voor di\u00e9 span se neus weggeraap. <\/p>\n\n\n\n

Die enigste ander span wat in di\u00e9 toernooi onoorwonne was, is die Barbarians, wat die week op \u2019n hoogtepunt afgesluit het deur die Griekwas met 67 \u2013 0 pak slae te gee. <\/p>\n\n\n\n

Sakkie Brits, die Barbarians se flank van die Ho\u00ebrskool Witteberg, kon \u2019n driekuns aan drie\u00eb in daardie wedstryd aanteken. Slot Lodie van Dyk van die Goudveld-Ho\u00ebrskool en Daniel Meintjies van Witteberg, agtsteman, het twee drie\u00eb elk gedruk.<\/p>\n\n\n\n

Daniel en Urban Pienaar, vleuel van die Goudveld, is die twee spelers wat in elke wedstryd van die rugbyweek ten minste een drie vir die Barbarians kon druk.<\/p>\n\n\n\n

Puntemakers<\/h6>\n\n\n\n