{"id":267915,"date":"2025-10-29T09:33:50","date_gmt":"2025-10-29T07:33:50","guid":{"rendered":"https:\/\/novanews.co.za\/vrystaatkroon\/bek-ek-klouseer-hulp-nodig\/"},"modified":"2025-10-29T09:35:54","modified_gmt":"2025-10-29T07:35:54","slug":"bek-ek-klouseer-hulp-nodig","status":"publish","type":"post","link":"https:\/\/novanews.co.za\/vrystaatkroon\/bek-ek-klouseer-hulp-nodig\/","title":{"rendered":"Bek-en-klouseer tref Vrystaat se veeboere swaar"},"content":{"rendered":"\n

KROONSTAD – <\/strong>Die Vrystaat staar nou  \u2019n ernstige uitbreking van bek-en-klouseer in die gesig, met 56 bevestigde gevalle wat reeds in nege gebiede van die provinsie aangemeld is.<\/p>\n\n\n\n

Volgens Vrystaat Landbou (VL) is die toename van die siekte in verskeie streke rede tot groot kommer. In \u2019n verklaring wat die Departement van Landbou en Landelike Ontwikkeling op Donderdag  23 Oktober uitgereik het, is bevestig dat gevalle voorkom in Kroonstad, Viljoenskroon en  Vredefort (waar vier nuwe gevalle aangemeld is), Deneysville, Cornelia en Frankfort, Heilbron, Edenville, Parys, Sasolburg en Odendaalsrus.<\/p>\n\n\n\n

Departement gekritiseer oor swak beheermaatre\u00ebls<\/strong><\/p>\n\n\n\n

Vrystaat Landbou s\u00ea die situasie word vererger deur die departement se versuim om bewegingsbeperkings en kwarantynsones effektief af te dwing.<\/p>\n\n\n\n

\u201cDie siekte versprei teen \u2019n kommerwekkende tempo. Boere word toenemend ge\u00efsoleerd gelaat, sonder voldoende veeartsenykundige ondersteuning of duidelike kommunikasie van die owerhede,\u201d s\u00ea VL in hul verklaring.<\/p>\n\n\n\n

Dr. Jack Armour, kommersi\u00eble bestuurder van VL, s\u00ea boere wat deur die uitbreking geraak word, ervaar groot frustrasie.<\/p>\n\n\n\n

\u201cDaar word van boere verwag om streng kwarantynregulasies en biosekuriteitsbeheermaatre\u00ebls toe te pas, maar hulle ontvang nie die nodige leiding, hulpbronne of professionele bystand van die regering nie,\u201d s\u00ea hy.<\/p>\n\n\n\n

In \u2019n brief wat Vrystaat Landbou van boere ontvang het, word die situasie as \u2019n \u201cnasionale landbouramp\u201d beskryf.<\/p>\n\n\n\n

\"\"
Groot kommer heers onder Vrystaat boere nadat die departement van landbou en landelike ontwikkeling op Donderdag 23 Oktober, bevestig het dat die totaal van bek-en-klouseer in die Vrystaat, op 56 bevestigde gevalle staan. Boere reken dat dit nou amptelik as \u2018n nasionale ramp vir die bedryf beskou kan word. FOTO: Madli Grobbelaar<\/figcaption><\/figure>\n\n\n\n

Boere worstel met uitdagings en onsekerheid<\/strong><\/p>\n\n\n\n

Hannes Snyman, \u2019n boer tussen Viljoenskroon en Kroonstad, s\u00ea sy plaas is hard getref toe hulle vermoed hul beeste het bek-en-klouseer.<\/p>\n\n\n\n

\u201cOns het dadelik die staatsveearts ingelig en binne \u2019n week het die inentings gehelp. Die diere is \u2019n maand later weer inge\u00ebnt, maar dit bly \u2019n groot uitdaging. Ons hele beplanning is deurmekaar en ons kan nie normaal handeldryf nie,\u201d s\u00ea Snyman.<\/p>\n\n\n\n

Hy voeg by dat duidelike kommunikasie oor watter gebiede vermy moet word, noodsaaklik is.<\/p>\n\n\n\n

\u201cAs boere saamwerk en presiese inligting ontvang, kan ons help om die siekte beter te beheer,\u201d s\u00ea hy.<\/p>\n\n\n\n

Cobus van Coller, \u2019n boer van Viljoenskroon, s\u00ea sy plaas was onder kwarantyn nadat \u2019n nabygele\u00eb plaas besmet is. \u201cDie staatsveeartse en hul spanne doen uitstekende werk op grondvlak, maar daar is eenvoudig te min van hulle. As privaat veeartse toegelaat word om te help, sal dit groot verligting bring,\u201d s\u00ea Van Coller.<\/p>\n\n\n\n

\n

Ons het dadelik die staatsveearts ingelig en binne \u2019n week het die inentings gehelp. Die diere is \u2019n maand later weer inge\u00ebnt, maar dit bly \u2019n groot uitdaging. Ons hele beplanning is deurmekaar en ons kan nie normaal handeldryf nie.<\/h4>\n<\/blockquote>\n\n\n\n

Hy s\u00ea daar is vertraging by die staat se laboratorium met bloeduitslae en die vervaardiging van entstof, maar voeg by dat besmette diere binnekort by slagpale in Kroonstad en Vredefort geslag sal kan word \u2013 hulle wag net op amptelike bevestiging.<\/p>\n\n\n\n

LEES OOK: <\/strong>Bek-en-klouseer versprei in die Vrystaat<\/a><\/p>\n\n\n\n

\u2019n Bedreiging vir voedselsekerheid en die landbou-ekonomie<\/strong><\/p>\n\n\n\n

Volgens Friedl von Maltitz, vise-president van Vrystaat Landbou, is die uitbreking \u2019n ernstige bedreiging vir die Vrystaatse landbou en die land se ekonomiese stabiliteit.<\/p>\n\n\n\n

\u201cVeeboerdery is die ruggraat van die Vrystaatse landbou en \u2019n sleutelstabiliseerder van die bre\u00ebr landbou-ekonomie. Voortgesette bek-en-klouseer-infeksies bedreig nie net plaasinkomste nie, maar ook nasionale voedselsekerheid en landelike werksstabiliteit,\u201d s\u00ea Von Maltitz.<\/p>\n\n\n\n

Hy waarsku dat beide binnelandse en uitvoermarkte in gevaar verkeer, met langtermyn-implikasies vir Suid-Afrika se veewaardeketting en handelsgeloofwaardigheid.<\/p>\n\n\n\n

Dringende oproep tot optrede<\/strong><\/p>\n\n\n\n

Vrystaat Landbou doen \u2019n dringende beroep op die nasionale en provinsiale departemente van landbou om:<\/p>\n\n\n\n

Duidelike, wetenskaplik-gebaseerde kommunikasie aan alle boere te verskaf oor protokolle, toetsing en rapportering.<\/p>\n\n\n\n

Meer gekwalifiseerde veeartsenykundige spanne na geaffekteerde gebiede te ontplooi met behoorlike beskermende maatre\u00ebls.<\/p>\n\n\n\n

Plaaslike entstofproduksie by Onderstepoort te herstel vir volhoubare toegang tot entstowwe.<\/p>\n\n\n\n

Noodfinansi\u00eble verligting aan boere te bied wat groot verliese ly as gevolg van kwarantynbeperkings en besmettings.<\/p>\n\n\n\n

Von Maltitz het bevestig dat Vrystaat Landbou alle wettige bewegingsbeperkings en biosekuriteitsprotokolle ingevolge die Wet op Dieresiektes (Wet 35 van 1984) ten volle ondersteun. Hy versoek dat boere die volgende maatre\u00ebls streng nakom:<\/p>\n\n\n\n