{"id":264720,"date":"2025-06-26T12:44:00","date_gmt":"2025-06-26T10:44:00","guid":{"rendered":"https:\/\/novanews.co.za\/vistanews\/?p=264720"},"modified":"2025-06-26T13:20:02","modified_gmt":"2025-06-26T11:20:02","slug":"swaar-reen-en-rukwinde-teister-wes-kaap","status":"publish","type":"post","link":"https:\/\/novanews.co.za\/vistanews\/swaar-reen-en-rukwinde-teister-wes-kaap\/","title":{"rendered":"Swaar re\u00ebn en rukwinde teister Wes-Kaap"},"content":{"rendered":"\n

Die Wes-Kaap, insluitend die Drakenstein is tans bedek in digte wolke, re\u00ebnbuie en sterk winde. Volgens die Suid-Afrikanse Weerdiens (SAWS) sal hi\u00e9rdie toestande tot ten minste m\u00f4re (27 Junie) voortduur. <\/p>\n\n\n\n

Dele van die provinsie wat die meeste geraak word sluit in die westelike dele, onder andere die Wynlande, Kaapstad, die Cederberge en die Overberg, het die SAWS in ‘n persverklaring ges\u00ea.<\/p>\n\n\n\n

“Nat en glibberige paaie kan gevaarlike bestuursomstandighede tot gevolg h\u00ea. Motoriste word aangeraai om versigtig te wees en veiligheidsmaatre\u00ebls na te kom, [en] sterk en rukwinde oor die binneland kan plaaslike skade aan strukture veroorsaak en bome ontwortel.”<\/p>\n\n\n\n

“Koue tot baie koue toestande word verwag, met moontlike sneeuval oor die westelike bergreekse van die Wes-Kaap [insluitend Du Toitskloof en Franschhoek-berge] wat na die suidwestelike binneland van die Noord-Kaap kan uitbrei.”<\/p>\n\n\n\n

‘n Vlak vier weerwaarskuwing vir skadelike golwe, sowel as vlak twee waarskuwings vir ontwrigtende re\u00ebnval en sterk winde in die Wes-Kaap, is ook deur die SAWS bekendgestel.<\/p>\n\n\n\n

Volgens ‘n persverklaring deur Anton Bredell, Wes-Kaapse provinsiale minister van plaaslike regering, omgewingsake en ontwikkelingsbeplanning het die “Stad Kaapstad gelokaliseerde oorstromings in beide formele en informele nedersettings aangemeld, wat gelei het tot ontwrigting van paaie en stormwaterinfrastruktuur.”<\/p>\n\n\n\n

“In die Kaapse Wynlanddistrik loop die Breederivier tans oor. Oorstromings het gelei tot die sluiting van die Slanghoek- en Scherpenheuwel-br\u00fbe, sowel as Slanghoekweg by die laagwaterdrif. Merwestraat in Worcester word noukeurig dopgehou en kan later vandag gesluit word. Die Drakenstein-gebied het ook gelokaliseerde oorstromings aangemeld.”<\/p>\n\n\n\n

\"Vragmotor
Hierdie vragmotor het gisteraand op ‘n baie nat pad in die omgewing van Wellington omgeslaan. Foto: Kaapse Wynland-distriksmunisipaliteit<\/figcaption><\/figure>\n\n\n\n

Re\u00ebnskade <\/h2>\n\n\n\n

Behalwe vir ‘n paar gelokaliseerde oorstromings, het dorpe in die wynlande nog nie veel re\u00ebnskade aangemeld nie.<\/p>\n\n\n\n

Franschhoek het oorstromings in Louis Botha-straat aangemeld voor La Cotte Inn.<\/p>\n\n\n\n

Op die R321 tussen Grabouw en Villiersdorp net voor die afrdraai na die R45, of te wel die Franschhoekpas, het ‘n rotsstorting plaasgevind wat ‘n deel van die pad bedek, en een baan versper.<\/p>\n\n\n\n

Volgens ‘n persverklaring deur die Drakenstein-munisipaliteit is “geen groot oorstromings of verkeersversteurings aangemeld nie, en het munisipale spanne verskeie probleme aangespreek, insluitend verstopte dreine en plaaslike oorstromings. Ons [die DM se] paaie- en stormwatereenhede was ook proaktief besig om stormwaterkanale en -dreine skoon te maak om ernstige oorstromings te voorkom.”<\/p>\n\n\n\n

Teen gister (25 Junie) het die munisipaliteit die volgende probleme opgelos:<\/strong><\/p>\n\n\n\n