Van Kariega tot komponis en kunstenaar vir die Britse koningin.<\/p>\n\n\n\n
Di\u00e9 ho\u00eb eer het Anton van der Merwe, boorling van Kariega (Uitenhage) en deesdae tenoor, komponis en musiekvervaardiger in Londen, te beurt geval. <\/p>\n\n\n\n
Anton is naamlik een van twee komponiste wat gevra is om elk hul eie deel van \u201cEIIR: The Platinum Record, A Jubilee Anthem\u201d te komponeer as deel van die groter ereblyk aan koningin Elizabeth II se 70 jaar regeerperiode.<\/p>\n\n\n\n
Dit is byna ondenkbaar dat \u2018n iemand wat op Kariega (Uitenhage) grootgeword en in openbare skole, naamlik Laerskool Handhaaf en toe Ho\u00ebrskool Brandwag onderrig ontvang het, s\u00f3 kon uitstyg in Brittanje se musiekw\u00eareld.<\/p>\n\n\n\n
Om meer oor Anton uit te vind, het die UD Express<\/em> <\/span>die geleentheid aangegryp om met hom te gesels toe hy uit Brittanje by sy ma Suzette in Nelson Mandelabaai kom kuier het. <\/p>\n\n\n\n Die lagkreukels om sy o\u00eb het opgeval toe hy groet \u2013 en hy praat Afrikaans asof hy \u2018n onderwyser by \u2018n Afrikaanse skool is. <\/p>\n\n\n\n En ja, d\u00edt was hy wel as musiek-, kultuur en musiekonderwyser vir so twee jaar aan die Ho\u00ebr Tegniese Skool Daniel Pienaar op Kariega voor hy die musiekw\u00eareld letterlik ingevaar het, as sanger en vermaaklikheid kunstenaar op die gesogte Carnival UK-skepe wat regoor die w\u00eareld gereis het.<\/p>\n\n\n\n \u201cDit het my ongelooflike ondervinding in die musiekstyle van regoor die w\u00eareld gegee,\u201d vertel Anton. <\/p>\n\n\n\n \u201cEk het eerstehands ondervind hoe die mense van Indi\u00eb, Australi\u00eb, Karibiese-eilande hulle musiek maak en hoe hulle hul kultuur uitleef. <\/p>\n\n\n\n \u201cSo, dit het my baie gehelp met die skryf van ons deel van die musikale huldeblyk aan die Koningin.\u201d <\/p>\n\n\n\n Gepraat van die Platinum Jubileum lied aan Koningin Elizabeth II vir haar 70 jaar diensperiode: Anton se segment in di\u00e9 groter geheel is \u2018n indrukwekkende kruis-klassieke komposisie wat die tipiese musiek van verskeie lande, onder meer Afrika, Indi\u00eb en Australi\u00eb, omhels. Dit is getiteld We Thank You From Our Hearts<\/span>. Die lirieke vir die komposisie het hy in samewerking met Thomas Mace-Archer-Mills geskryf. Die verwerking en vervaardiging van die lied het hy in samewerking met Ettiene Lane van Song Evolution Studio.<\/p>\n\n\n\n \u201cDie woorde wat ons in die lirieke gebruik het, is die eed wat sy destyds in Kaapstad gemaak het toe sy 21 jaar oud was en ges\u00ea het sy sal haar lewe gee, maak nie saak hoe lank dit is nie, om die w\u00eareld te dien,\u201d verduidelik Anton wat deesdae in Brittanje woon.<\/p>\n\n\n\n Van skeepskunstenaar na komponis<\/strong> <\/p>\n\n\n\n In 2013 het hy die passasierskepe verlaat om die fokus skerper te trek op sy loopbaan as komponis, musiekvervaardiger en tenoor. Hy het by onder meer Andr\u00e9 Howard van Stellenbosch Universiteit en Danielle Guerra van die Royal College of Music in Londen opleiding ondergaan.<\/p>\n\n\n\n In hierdie periode het Anton \u2018n kontrak onderteken met \u2018n kunstenaarsontwikkelingsmaatskappy in Londen wat hom gehelp het om sy eerste musiek te skryf. <\/p>\n\n\n\n \u201cToe word ek raakgesien en genooi om aan die oudisies vir Brittain\u2019s Got Talent<\/em><\/span> deel te neem, maar het ongelukkig laringitis gekry.\u201d<\/p>\n\n\n\n Dit het Anton egter nie teruggesit nie, want van hier af het hy benewens sy lewe as musikus, ook vertak na die w\u00eareld van groot glansgeleenthede en die organisering daarvan.<\/p>\n\n\n\n \u201cEk moes met groot name en groot institute werk, maar gelukkig het ek ondervinding met die organisasie van sulke tipe projekte. <\/p>\n\n\n\n \u201cOp geestelike vlak sien ek \u2018n Ho\u00ebr Hand in alles, want was dit nie vir COVID-19 en die streng grendeltydperke in 2020 nie, sou ek nie soveel langer in Engeland aangebly het nie.\u201d<\/p>\n\n\n\n Dit is juis in hierdie periode dat die stigter van die British Monarchits Society Anton, vanwe\u00eb sy uitstekende komposisies, genader het om een van twee kandidate te wees wat elk gevra is om elk hul eie deel van EIIR: The Platinum Record, a Jubilee Anthem, te komponeer.<\/p>\n\n\n\n Anton se segment in di\u00e9 lied is verlede maand in Londen opgeneem en sal tydens Koningin Elizabeth II se 96ste verjaarsdag op Donderdag 21 April uitgereik word. <\/p>\n\n\n\n *Sy verhoognaam is Anton van der Mere om dit vir die Engelse maklik te maak om sy van uit te spreek.<\/p>\n\n\n\n\n
\n