Hannes Slabbert (86), een van Despatch se bekendste inwoners, is Maandag 22 Augustus oorlede.<\/p>\n\n\n\n
Slabbert was \u2019n lid van die destydse Suid-Afrikaanse Spoorwegpolisie en het as brigadier uit di\u00e9 diens getree.<\/p>\n\n\n\n
\u201cMy pa het in 1957 by die spoorwegpolisie-kollege in Kroonstad aangemeld vir diens. Hy was die laaste van daardie peleton wat nou gegroet het,\u201d s\u00ea Louwtjie Slabbert, oom Hannes se oudste seun.<\/p>\n\n\n\n
\u201cWat ek van hom sal mis, is sy ongelooflike kennis oor so baie dinge. En ons koffiedrink op die stoep elke middag om vieruur.\u201d <\/p>\n\n\n\n
Slabbert het in 2019 \u2019n boek, Despatch Stories oor die Dorp en sy Mense<\/em>,<\/span> saamgestel en uitgegee. In die voorwoord het Slabbert geskryf: \u201cDit is nie \u2019n wetenskaplike studiestuk nie, maar eerder net \u2019n beskrywing vir die bewaring van ons dorp se geskiedenis.\u201d <\/p>\n\n\n\n Frans Swanepoel, raadslid van Despatch s\u00ea, \u201cAl was oom Hannes, of Brigadier soos ek hom genoem het, reeds op \u2019n ho\u00eb ouderdom, was hy steeds betrokke op die dorp en altyd bereid gewees om te help waar hy kon. Hy was iemand waarna ek opgekyk het. Brigadier was \u2019n toonbeeld van \u2018jy moet jou naaste liefh\u00ea soos jouself\u2019.\u201d <\/p>\n\n\n\n Tot en met sy afsterwe was Slabbert en sy vrou, Margery, die oudste getroude paar op Despatch. Oom Hannes, soos hy onder joernaliste bekend was, was \u2018n gereelde briefskrywer aan Die Burger Oos-Kaap<\/em>. Hy het ook artikels oor sy reise na en belewenisse van klein en vergete Oos-Kaapse spoorwegdorpies vir die Oos-Kaap Buite geskryf.<\/p>\n\n\n\n Slabbert word oorleef deur sy vrou, drie kinders Louwrens Slabbert, Charles Slabbert en Rina Janse van Vuuren, sowel as vier kleinkinders en twee agterkleinkinders.<\/p>\n\n\n\n Sy roudiens is vandag, 25 Augustus 15:00 vanuit NGK Despatch-Suid en kan ook gevolg word by: https:\/\/www.youtube.com\/watch?v=yBqIpguOtiM<\/a><\/p>\n\n\n\n