{"id":43344,"date":"2024-10-30T08:00:26","date_gmt":"2024-10-30T06:00:26","guid":{"rendered":"https:\/\/novanews.co.za\/tygerburger\/bothasig-inwoners-weer-sonder-krag-20241030\/"},"modified":"2025-03-20T05:04:23","modified_gmt":"2025-03-20T03:04:23","slug":"bothasig-inwoners-weer-sonder-krag-20241030","status":"publish","type":"post","link":"https:\/\/novanews.co.za\/tygerburger\/bothasig-inwoners-weer-sonder-krag-20241030\/","title":{"rendered":"Bothasig-inwoners weer sonder krag"},"content":{"rendered":"\n

Inwoners van Bothasig is die afgelope naweek weer gedwing om sonder krag klaar te kom, nadat n\u00f3g kabels daar gevandaliseer is.<\/p>\n\n\n\n

Die gebied is die afgelope twee weke deur kragonderbrekings geteister nadat kabels langs die N7, oorkant die woonbuurt, gesteel en gevandaliseer is.<\/p>\n\n\n\n

TygerBurger<\/em> het twee weke gelede berig oor die eerste voorval (\u201cBothasig heel naweek sonder krag<\/a>\u201d, 16\/10) en weer die week daarna (\u201cKabeldiefstal \u2019n probleem<\/a>\u201d, 23\/10).<\/p>\n\n\n\n

Mario Borchards, voorsitter van die Bothasig-inwonersvereniging (BRA), het tydens \u2019n onlangse besoek saam met TygerBurger<\/em> aan die terrein ges\u00ea dat die polisie die gebied meer moet patrolleer en dat Eskom sy eiendom moet beskerm deur \u2019n heining op te rig en sekerheidsbeamptes aan te stel.<\/p>\n\n\n\n

LEES <\/strong>| <\/strong>Kabeldiefstal langs N7 in Kaapstad \u2019n probleem<\/strong><\/a><\/p>\n\n\n\n

Eskom het Saterdag in \u2019n verklaring ges\u00ea dat voorvalle van vandalisme en \u2019n oorlaaide kragnetwerk, wat tot verskeie probleme op sy netwerk gelei het, sowat 16 000 klante in onder meer Bothasig sowel as Kraaifontein geraak het. <\/p>\n\n\n\n

Die kragvoorsiener het inwoners egter daarvan verseker dat sy tegnici aan die probleem werk, en dat die kragtoevoer spoedig herstel sou word.<\/p>\n\n\n\n

In \u2019n daaropvolgende verklaring het Eskom ges\u00ea die kragtoevoer sou eers Saterdag om 19:00 herstel word.<\/p>\n\n\n\n

BRA reageer<\/h3>\n\n\n\n

Borchards het di\u00e9 week weer sy misnoe\u00eb oor die vandalisme uitgespreek.<\/p>\n\n\n\n

\u201c \u2019n Bron van kommer is dat die gebied waarin die kabels gevandaliseer is, in die Milnerton-polisie se polisi\u00ebringsgebied val, wat nie die omgewing doeltreffend patrolleer nie. <\/p>\n\n\n\n

\u201cDie kabels is gele\u00eb in \u2019n kwesbare omgewing, wat dit maklik maak vir misdadigers om di\u00e9 soort diefstal te pleeg.<\/p>\n\n\n\n

\u201cDie tekort aan patrollies verhoog die risiko vir verdere voorvalle van kabeldiefstal,\u201d s\u00ea Borchards.<\/p>\n\n\n\n

Hy s\u00ea in die laaste voorval is \u2019n gedeelte van \u2019n kabel vroeg Saterdag, omstreeks 01:30, gesteel. Die krag is eers om 20:00 weer herstel, s\u00ea hy.<\/p>\n\n\n\n

LEES | <\/strong>Bothasig hele naweek sonder krag<\/strong><\/a><\/p>\n\n\n\n

Volgens hom het die kragonderbreking groot ontwrigting vir inwoners veroorsaak. \u201cTwee weke gelede was dieselfde deel van Bothasig vir drie dae af. Dit raak nou belaglik,\u201d s\u00ea hy.<\/p>\n\n\n\n

Borchards s\u00ea die herhaalde kragonderbrekings laat inwoners gefrustreerd en kwesbaar voel. <\/p>\n\n\n\n

Tog is die BRA meegedeel dat Eskom sekerheidsbeamptes in die spesifieke gebied aangestel het om misdadigers te ontmoedig, s\u00ea hy.<\/p>\n\n\n\n

Die BRA het reeds die Bothasig-polisie en sekerheidsfirmas in die gebied geraadpleeg om \u2019n strategie daar te stel om die kabeldiefstal te stop.<\/p>\n\n\n\n

Eskom het klante Saterdag om verskoning vir die ongerief gevra.<\/p>\n\n\n\n