{"id":316382,"date":"2026-04-21T11:22:16","date_gmt":"2026-04-21T09:22:16","guid":{"rendered":"https:\/\/novanews.co.za\/tygerburger\/?p=316382"},"modified":"2026-04-21T11:55:15","modified_gmt":"2026-04-21T09:55:15","slug":"bracken-natuurreservaat-van-vullishoop-tot-natuur-reservaat","status":"publish","type":"post","link":"https:\/\/novanews.co.za\/tygerburger\/bracken-natuurreservaat-van-vullishoop-tot-natuur-reservaat\/","title":{"rendered":"Bracken-natuurreservaat: van vullishoop tot natuur-reservaat"},"content":{"rendered":"\n

KAAPSTAD:<\/strong> Die Vriende van Bracken-natuurreservaat<\/a> vier hierdie jaar hul 20ste bestaansjaar om die merkwaardige transformasie van `n voormalige stortingsterrein tot `n biodiversiteitstoevlugsoord in Kaapstad te benadruk.<\/p>\n\n\n\n

Die organisasie, wat in 2006 gestig is om die 36-hektaar-reservaat te help bestuur, speel `n belangrike rol in die bewaring van bedreigde Swartland Graniet Renosterveld en die endemiese Kraaifontein-spinnekopprotea, terwyl dit die publiek opvoed oor die gebied se ryk geskiedenis.\n<\/p>\n\n\n\n

Waardevolle fynbos<\/h2>\n\n\n\n

Ten spyte van sy transformasie van `n granietsteengroef in die 1800’s tot `n stortingsterrein vanaf 1970, het die Kanonkop-heuwel steeds waardevolle kolle inheemse Renosterveld en fynbos behou. \n<\/p>\n\n\n\n

Dit was juis hierdie oorblywende natuurlike skoonheid wat inwoners ge\u00efnspireer het om vir die gebied se beskerming te veg. Hul pogings het vrugte afgewerp toe die gebied op 16 Junie 1978 as `n 36-hektaar-natuurreservaat geproklameer is. Die volgende twee dekades het `n geleidelike ontwikkelingsproses ingelui, met verbeterings wat in die 1990`s momentum gekry het met die omheining van die reservaat en die ontwikkeling van die eerste omgewingsbestuursplan in 2002.<\/p>\n\n\n\n

Op aanbeveling van die voormalige raadslid van Brackenfell, Marian Nieuwoudt, is die Vriende van Bracken onder voorsitterskap van Thea Weyers op 6 Maart 2006 tot stand gebring. Die volgende jaar het `n belangrike mylpaal gevolg toe die stortingsterrein op 2 Januarie 2007 amptelik gesluit is omdat dit n\u00e1 drie dekades vol was. \n<\/p>\n\n\n\n

Die rehabilitasieproses het behels dat die terrein met grond bedek is, ventilasiepype ge\u00efnstalleer is om die veilige vrystelling van ondergrondse gasse te verseker wat vorm namate die afval ontbind, en inheemse plantegroei in die gebied hervestig is.\n<\/p>\n\n\n\n

Bedreigde protea aangeplant<\/h2>\n\n\n\n

Nes vandag nog die geval is, het die eertydse groep omgewingsgesprekke aangebied, stapgroepe begelei en met die verwydering van indringerspesies gehelp. En met geld van die Rowland & Leta Hill Trust en die stadsraad het die groep banke by uitkykpunte ge\u00efnstalleer, tafels en stoele vir die omgewingsentrum gekoop en `n inheemse tuin by die ingang gevestig. \n<\/p>\n\n\n\n

Bewaringspogings het in die 2010’s uitgebrei. `n Biodiversiteitsopname het byna 300 plantspesies in die reservaat onthul. `n Grysbok is ingebring en die kritiek bedreigde Kraaifontein-spinnekopprotea (Serruria furcellata) is in die reservaat geplant. \n<\/p>\n\n\n\n

Aangesien die plant endemies is aan slegs Bracken en `n enkele ander plek in Northpine, speel die natuurreservaat tot vandag toe nog ‘n belangrike rol in die beskerming daarvan.\n<\/p>\n\n\n\n

LEES OOK: <\/strong>New buildings in Bracken Nature Reserve in Brackenfell aim for net zero<\/a><\/p>\n\n\n\n

In 2013 is ‘n seinkanon wat deur Tygerberg-natuurreservaat geskenk is, deur Neville Smith ge\u00efnstalleer. Die kanon is tydens die Lentedagviering van die jaar vir die eerste keer afgevuur, `n gebeurtenis wat die VOC-era tradisie laat herleef het, en sedertdien `n jaarlikse hoogtepunt geword het. <\/p>\n\n\n\n