{"id":316010,"date":"2026-04-10T11:32:38","date_gmt":"2026-04-10T09:32:38","guid":{"rendered":"https:\/\/novanews.co.za\/tygerburger\/?p=316010"},"modified":"2026-04-10T14:12:14","modified_gmt":"2026-04-10T12:12:14","slug":"kwetterbekkies-piet-tande","status":"publish","type":"post","link":"https:\/\/novanews.co.za\/tygerburger\/kwetterbekkies-piet-tande\/","title":{"rendered":"Piet Tande leer kleintjies by kleuterskole in Durbanville oor hul tande"},"content":{"rendered":"\n

Solidariteit Helpende Hand <\/a>(SHH) se geliefde tandgesondheidsgeluksbringer, Piet Tande, het onlangs ‘n vrolike en leersame besoek by drie Kwetterbekkies-kampusse in Durbanville afgel\u00ea.<\/p>\n\n\n\n

Die besoeke aan die kleuterskole in Uitzicht, Sonstraal en Amanda Glen vorm deel van Helpende Hand se bre\u00ebr streeksinisiatief om gesonde leefgewoontes, selfbewussyn en mondversorging reeds van kleuterouderdom af te versterk.<\/p>\n\n\n\n

Speelse manier<\/h2>\n\n\n\n

“Met sy kenmerkende humor, groot glimlag en energieke persoonlikheid het Piet Tande kinders op ‘n speelse manier bewus gemaak van die belangrikheid van tande borsel, gesonde eetgewoontes en vroe\u00eb mondsorg,” s\u00ea Mari\u00ebtte Roos, streekorganiseerder: Weskus van Solidariteit Helpende Hand.<\/p>\n\n\n\n

\"Piet
Piet Tande is hier saam met die kleingoed van Kwetterbekkies in Uitzicht en (agter van links) Elizna Brand (ondervoorsitter: Durbanville SHH), Zari Palm (voorsitter: Durbanville SHH), dr. Ruan Visagie (Visagie Dentistry), Stellie Greyling (eienaar: Kwetterbekkies) en Zurett Erasmus (lid: Durbanville SHH).<\/figcaption><\/figure>\n\n\n\n

By die Uitzicht- en Sonstraal-kampus het dr. Ruan Visagie van Visagie Dentistry in Durbanville die sessies gelei en die maats ingelig oor hoe tandbederf ontstaan, watter kos tande beskadig en hoe hulle hul glimlag oor die lange duur kan beskerm. “Sy kindervriendelike verduidelikings en praktiese voorbeelde het die kleingoed laat luister \u00e9n aktief deelneem,” s\u00ea Roos.<\/p>\n\n\n\n

By die Amanda Glen-kampus het dr. Marieke Fraenkel die leiding geneem. “Sy het op ‘n toeganklike en entoesiastiese manier verduidelik waarom gereelde mondhigi\u00ebne so belangrik is en hoe kinders met eenvoudige, daaglikse gewoontes hul tandgesondheid kan verbeter. Haar energie en warmte het die jong leerders se aandag van begin tot einde vasgevang,” s\u00ea Roos.<\/p>\n\n\n\n

\"Hier
Hier saam met die kleuters van Kwetterbekkies in Amanda Glen is (agter van links) Zari Palm (voorsitter: Durbanville SHH), Len\u00e9 van der Linde (skoolhoof), dr. Marieke Fraenkel (tandarts), Elizna Brand (ondervoorsitter: Durbanville SHH), Lizelle de Jager (maatskaplike werker: SHH) en Lynette Pistorius (lid: Durbanville SHH).<\/figcaption><\/figure>\n\n\n\n

Groot opgewondenheid oor Piet Tande<\/h2>\n\n\n\n

“Die besoeke het groot opgewondenheid onder die maats veroorsaak, en onderwysers vertel dat die kombinasie van Piet Tande se speelsheid en die kundige insette van die twee tandheelkundiges die boodskap op ‘n duidelike en prettige manier gevestig het. Vir baie kinders was dit die eerste keer dat hulle op ‘n eenvoudige, interaktiewe wyse geleer het waarom hul eie gesondheid belangrik is,” s\u00ea Roos.<\/p>\n\n\n\n

“Die besoeke in Durbanville was deel van ‘n reeks opvoedkundige sessies wat Helpende Hand aan die Weskus en in Kaapstad aanbied \u2014 alles met die doel om jong kinders te bemagtig met kennis en gewoontes wat hul welstand vir jare kan ondersteun,” sluit sy af.<\/p>\n\n\n\n

Die Helpende Hand Durbanville-tak het nog verskeie projekte wat deur die jaar beplan word. <\/p>\n\n\n\n