{"id":305297,"date":"2026-02-06T14:38:18","date_gmt":"2026-02-06T12:38:18","guid":{"rendered":"https:\/\/novanews.co.za\/tygerburger\/?p=305297"},"modified":"2026-02-07T08:13:18","modified_gmt":"2026-02-07T06:13:18","slug":"flashes-en-fanfare-dtbs-beloof-vuurwarm-atletiek-aksie-saterdag","status":"publish","type":"post","link":"https:\/\/novanews.co.za\/tygerburger\/flashes-en-fanfare-dtbs-beloof-vuurwarm-atletiek-aksie-saterdag\/","title":{"rendered":"Flashes en fanfare \u2013 DTBS beloof vuurwarm atletiek-aksie Saterdag"},"content":{"rendered":"\n

Die gees loop hoog by die ho\u00ebrskole DF Akademie, Tygerberg, Bellville en Stellenberg op die vooraand van die jaarlikse DTBS-atletiekbyeenkoms<\/a> (voorheen MTBS) wat op Saterdag 7 Februarie in Groenpunt plaasvind.<\/p>\n\n\n\n

Die byeenkoms se naam – ‘n samestelling van die eerste letter van elke skool se naam – staan van vanjaar af bekend as DTBS, tesame met die naamsverandering van die Ho\u00ebrskool DF Malan wat sedert die begin van 2026 as DF Akademie bekendstaan. <\/p>\n\n\n\n

LEES OOK: <\/strong>MTBS word DTBS: Grootste interskole-atletiekbyeenkoms kry nuwe naam<\/a><\/p>\n\n\n\n

Die Ho\u00ebrskool Bellville is vanjaar die gasheer en dit word vir die tweede deur STADIO<\/a> jaar geborg .<\/p>\n\n\n\n

\"Die
Die vier skoolhoofde van die skole wat aan die DTBS deelneem, is Hannes Oosthuizen (DF Akademie), Betta Nel (Tygerberg), Thea McGeer (Bellville) en Yoland\u00e9 Havinga (Stellenberg). FOTO: Carina Roux<\/figcaption><\/figure>\n\n\n\n

In haar voorwoord s\u00ea Thea McGeer, hoof van die Ho\u00ebrskool Bellville, die geleentheid vier sport as \u2019n kragtige bousteen van karakter, gemeenskap en hoop.<\/p>\n\n\n\n

“Atletiek is meer as net wen of verloor. Dit is \u2019n toets van uithouvermo\u00eb, waar \u2019n atleet leer om met fokus en selfdissipline elke tree met doelgerigtheid te neem. Dit is \u2019n viering van krag en tegniek, waar fisieke vermo\u00eb en innerlike vasberadenheid hand-aan-hand gaan. Dit is \u2019n bewys van passie en presisie, waar \u2019n atleet leer om nie net oor \u2019n dwarslat te gaan nie, maar ook oor eie twyfel en vrees. En dit is \u2019n toonbeeld van talent en kreatiwiteit, waar spoed, ritme en moed saamvloei in \u2019n enkele,
beslissende sprong.<\/p>\n\n\n\n

“Maar bo alles is atletiek ook gebaseer op spanwerk \u2013 waar elke atleet, al staan hy of sy alleen op die baan, gedra word deur die aanmoediging van spanmaats, afrigters en ouers. Hier leer ons dat ware sukses nie net in medaljes gemeet word nie, maar in groei, respek en deursettingsvermo\u00eb,” s\u00ea McGeer.<\/p>\n\n\n\n

Dr. Stan du Plessis, uitvoerende hoof van STADIO, s\u00ea hulle is besonder trots om deel te wees van geleentehede soos DTBS waar jong mense passie, spanwerk en disipline uitleef.<\/p>\n\n\n\n

“Aan die leerders van DF Akademie, Bellville, Stellenberg en Tygerberg, vandag sal julle die resultate van julle harde werk en ure van toewyding wys, en dit sal sekerlik ‘n hoogtepunt vir al die toeskouers wees. Die belangrike lesse van spanwerk, dissipline en konsekwentheid sal ‘n bate vir julle toekoms wees. Ons hoop om baie van julle in die komende jare te verwelkom. En aan die families, onderwysers en organiseerders – dankie dat julle in julle kinders en in hierdie helder toekomste bel\u00ea,” s\u00ea Du Plessis.<\/p>\n\n\n\n

Flashes<\/h2>\n\n\n\n

Die dag skop af met die uiters gewilde Flashes <\/em>in die DHL Stadion om 08:30. <\/p>\n\n\n\n

Hi\u00e9r verdedidig die Stellies hul titel n\u00e1 verlede jaar se puik vertoning onder die tema “Wanted: Dead or Alive”<\/a>. <\/p>\n\n\n\n

\"Die
Die hoofdirigente van die ho\u00ebrskole DF Akademie, Tygerberg, Bellville en Stellenberg wys op ‘n prettige manier hulle is reg om mekaar die stryd op die pawiljoen aan te s\u00ea by die DTBS-atletiekbyeenkoms wat Saterdag in Groenpunt plaasvind. Voor, van links, is Luam\u00e9 Lombard en Mica\u00e9l Laubscher (DF), Stefan Marais en Von Wielligh Louw (Bellville). Agter is Aimee Claasens (Tygerberg), Juan Marais (Stellenberg), Caylum Bessick (Tygerberg) en Carli van Wyk (Stellenberg). FOTO: Carina Roux<\/figcaption><\/figure>\n\n\n\n

Die flashes <\/em>bestaan uit ‘n mengelmoes van liedjies waartydens 627 leerlinge ‘n “menslike LCD-skerm” op die pawiljoen skep. Elke leerling funksioneer soos ‘n individuele piksel en flits met die gebruik van hul skooluniforms prentjies en woorde om ‘n spesifieke tema uit te beeld.<\/p>\n\n\n\n

Die onderskeie skole se tema’s is natuurlik die grootste geheim en word eers met die aanvang van hul vertoning bekend gemaak. <\/p>\n\n\n\n

Wie gaan vanjaar die Flashes-kroon dra? Kan Stellenberg dit ‘n 14de keer doen? Gaan DF Akademie wat in 2024 laas gewen het, of Bellville, wat dit in 2019 met DF moes deel, die mas opkom? Of is vanjaar die jaar wat Tygerberg die eerste keer koning kraai?<\/p>\n\n\n\n

Kaartjies vir die Flashes is beskikbeer by Quicket<\/a> <\/a>teen R80 elk.<\/p>\n\n\n\n

Atletiek<\/h2>\n\n\n\n

N\u00e1 die Flashes skuif die opwinding na die Groenpunt-atletiekbaan waar Stellenberg hoop om die beker vir die vierde agtereenvolgende jaar te wen.<\/p>\n\n\n\n

DF, wat oor die jare die meeste oorwinnings op die atletiekbaan behaal het, het in 2012 laas gewen. Bellville se laaste oorwinning was in 2022 en Tygerberg in 2005.<\/p>\n\n\n\n

\"Die
Die DTBS-atletiekkapteine is, van links, Ryno Higgs, Carla Hattingh (Bellville), Eben Smit, Regan Marais (DF Akademie), Micaela Sterley, Ethan van Biljon (Stellenberg), Tamryn Booysen en Jude Bailey (Tygerberg). FOTO: Carina Roux<\/figcaption><\/figure>\n\n\n\n

Altesaam 150 atlete van elke skool neem aan verskeie items deur die loop van die dag deel, insluitend kort- en langafstand baanitems, hekkies, gewigstoot, spiesgooi, verspring, diskus, hoogspring, driesprong en aflos. Punte word aan elk van die agt atlete per item toegeken volgens waar hulle eindig.<\/p>\n\n\n\n

Oor die 32 jaar wat die byeenkoms plaasgevind het, het verskeie rekords gespat.<\/p>\n\n\n\n

Slegs twee rekords staan nog sedert die byeenkoms in 1994 vir die eerste keer aagebeid is, albei aangeteken deur Tygerberg-leerders:<\/p>\n\n\n\n