{"id":99104,"date":"2018-07-10T14:23:15","date_gmt":"2018-07-10T12:23:15","guid":{"rendered":"https:\/\/novanews.co.za\/rooirose\/?p=99104"},"modified":"2018-07-12T09:07:19","modified_gmt":"2018-07-12T07:07:19","slug":"die-ene-vrede-moontide-guest-lodge-wildernis","status":"publish","type":"post","link":"https:\/\/novanews.co.za\/rooirose\/die-ene-vrede-moontide-guest-lodge-wildernis\/","title":{"rendered":"Die ene vrede: Moontide Guest Lodge, Wildernis"},"content":{"rendered":"

Teks deur Mariette Snyman. Foto\u2019s Gerhard B\u00fcchner en verskaf.<\/em><\/p>\n

Wildernis, een van Suid-Afrika se vredigste kusdorpies, is \u2019n uitspanplek vanwaar jy \u00e1l die lieflikhede van die Tuinroete<\/strong> en Klein Karoo<\/strong> kan verken. Knysna l\u00ea 25 minute ver, Plettenbergbaai sowat 50 minute, en binne \u2019n uur kan jy Oudtshoorn of die manjifieke Swartbergpas bereik. Die dorpie word deur die Tuinroete Nasionale Parke omring en waar jy ookal gaan, verwonder jy jou aan mere, see-uitsigte of bosryke berghange.<\/p>\n

Moontide Guest Lodge<\/strong> wag in \u2019n stil cul-de-sac aan die oewer van die Touw-rivier. As die wind reg waai, hoor jy die see \u2013 dis net twee minute se stap vanaf die strand. Op di\u00e9 lappie aarde bedryf Maureen Mansfield<\/strong> \u2019n atmosfeerryke grasdaklodge met die klem op luukse verblyf, \u2019n lekker ontbyt en uitstekende diens.<\/p>\n

\"Guest-Lodge-Wildernis-boot-ontbyt\"

Op sonskyndae eet jy hier ontbyt<\/p><\/div>\n

Twee woorde bly my by wanneer ek aan Moontide Guest Lodge dink: \u201cmooi\u201d <\/strong>en \u201cpersoonlik\u201d<\/strong>. Maureen is \u2019n selferkende versamelaar van mooigoed, en van die kleinste gebruiksartikel tot die grootste meubelstuk is iets besonders. Tog voel dit nooit na \u2019n museumuitstalling nie \u2013 die stemming is ontspanne en huislik.<\/p>\n

\u201cPersoonlik\u201d dui op die natuurlike manier waarop gaste se wense<\/strong> en behoeftes in ag geneem word. Waar kry jy \u2019n lodge wat met graagte vir jou \u2019n tafel dek as jy \u2019n wegneemete saambring? Of \u2019n drukstuk in die kamer wat \u2019n realistiese beskrywing van die restaurante in die omgewing gee?<\/p>\n

\"Guest-Lodge-Wildernis-boot\"

Die aluminiumbootjie op die Touw-rivier<\/p><\/div>\n

So het Maureen en Janet van Ginkel, die bestuurder, byvoorbeeld tydens ons eerste onbyt kom hoor of ons saam met twee ander Moontide-gaste op \u2019n vo\u00eblkykbootrit<\/strong> wou gaan. Die lodge se tuin strek tot by die waterkant, en \u2019n halfuur later gly ons in \u2019n aluminiumbootjie oor die spie\u00eblgladde water van die Touw-rivier. Die skoonheid van die rietomsoomde moerasland in hierdie woudryke vallei kan nie in woorde vasgevang word nie. Dit vorm deel van die Wildernis-seksie van die Tuinroete Nasionale Parke, en die twee uurlange rit is net so ontspannend soos \u2019n daglange bederf by \u2019n spa. En ons het soveel by ons gids geleer! (Besoek Eco Wilderness River Safaris\u00a0 by www.wildriversafaris.co.za<\/a> \u2013 die fooi is baie redelik.)<\/p>\n

\"Wildernis-boot-weerkaatsing\"

Weerkaatsing tydens ons riviertog<\/p><\/div>\n

<\/h4>\n

Drama!<\/h4>\n

Moontide Guest Lodge se onteenseglike romantiek<\/strong> – die jawoord word hier gevra, huweliksvierings vind hier plaas en dis \u2019n gewilde wittebroodbestemming \u2013 het egter ook \u2019n donkerder kant. Die oorspronklike huis, gebou in die jare twintig, was een van die eerste huise in Wildernis. Luisterryke gaste het hier aangedoen, totdat \u2019n liefdesdriehoek tot \u2019n tragiese moord gelei het (nie op die gronde nie.) Daarna is die huis eenvoudig aan sy lot oorgelaat totdat Maureen dit in 1983 gekoop, herstel en uitgebrei het.<\/p>\n

\"dide-Guest-Lodge-Wildernis-stone-cottage\"

Stone Cottage se hoofslaapkamer<\/p><\/div>\n

Vandag is daar agt slaapeenhede<\/strong>, sommige met meer as een kamer. Elk het \u2019n eie persoonlikheid; kyk gerus na die foto\u2019s onder “The Rooms”<\/em> by www.moontide.co.za<\/a> Ons het in Stone Cottage gebly, \u2019n kliphuisie met honderd somers agter die rug. Dis smaakvol ingerig met antieke meubels en kunswerke met \u2019n Egiptiese tema. Elk van die twee slaapkamers het toegang tot die badkamer en \u2019n buitedeur. Die tuintjie is privaat, en jy kan onder \u2019n 400 jaar oue melkbosboom sit en koffie drink met die strelende geluid van die waterfonteintjie in die agtergrond. Daardie einste koppie koffie smaak heerlik met die vars melk uit die yskassie, en natuurlik die komplement\u00eare tuisgebakte beskuit en gemmerkoekies!<\/p>\n

 <\/p>\n

Toekennings en spesiale aanbod<\/h4>\n

Moontide Guest Lodge se toewyding aan goeie diens en aandag aan detail gaan nie ongesiens verby nie. In 2017 is die lodge met die LTG Luxury Lodge of the Year-toekenning<\/strong> vereer: \u201cThe Luxury Travel Awards recognise and celebrate excellence across all sectors of the affluent travel and tourism industry. The winners are chosen for their unique interior design, innovation, rooms and facilities, location, employee satisfaction and most importantly their service excellence.\u201d<\/em><\/p>\n

\"Guest-Lodge-Wildernis-boot-saans\"<\/p>\n

Moontide is reeds verskeie kere as een van die top vyf gastehuise in die Wes-Kaap uitgesonder en met die AA Awards<\/strong> Superior<\/strong>-endossement bekroon. Sedert TripAdvisor die Tripadvisor Certificate of Excellence<\/strong> begin toeken het, het Moontide Guest Lodge dit nog elke jaar ontvang.<\/p>\n

Moenie Moontide se spesiale winteraanbiedinge<\/strong> (van Mei tot September) misloop nie. Lees meer oor die Romance Special, Three Night Special, en New Experience Specials<\/em> op www.moontide.co.za<\/a> \u2013 klik op “Specials.<\/em>”<\/p>\n

Onthou om enige spesiale behoeftes<\/strong> te noem wanneer jy bespreek, soos hoe oud jou kinders is, of \u2019n bejaarde jou vergesel, en of julle baie bagasie het. Die personeel sal die mees gepaste akkommodasie daarvolgens kies.<\/p>\n

\"dide-Guest-Lodge-Wildernis-strand\"

Strand onder die Views Hotel<\/p><\/div>\n

Doendinge<\/h4>\n