{"id":98207,"date":"2018-06-29T09:13:23","date_gmt":"2018-06-29T07:13:23","guid":{"rendered":"https:\/\/novanews.co.za\/rooirose\/?p=98207"},"modified":"2018-10-22T13:40:36","modified_gmt":"2018-10-22T11:40:36","slug":"irshaad-ally-gesels-oor-nommer-37-onderhoud","status":"publish","type":"post","link":"https:\/\/novanews.co.za\/rooirose\/irshaad-ally-gesels-oor-nommer-37-onderhoud\/","title":{"rendered":"Irshaad Ally gesels oor Nommer 37"},"content":{"rendered":"

Deur Catherine Schenck. Foto: Fathom media | keyart.co.za<\/em><\/p>\n

Die film Nommer 37<\/strong><\/em>\u00a0(regie en draaiboek deur Nosipho Dumisa<\/strong>) is \u2019n Afrikaanse misdaadriller wat hom afspeel in \u2019n fiktiewe woonbuurt op die Kaapse Vlakte. Randal Hendricks (Irshaad Ally<\/strong>) word verlam na \u2019n ongeluk en is dus rolstoel- en woonstelgebonde. Sy meisie, Pam (Monique Rockman<\/strong>), gee vir hom \u2019n verkyker as geskenk en hy begin om sy buurt dop te hou van sy woonstelvenster af. Randal is diep in die skuld by die sosiopatiese woekeraar Emmy (Danny Ross<\/strong>) wat sy pond vleis wil eis. Dus, wanneer Randal waarneem hoe \u2019n misdaad gepleeg word in die woonstelgebou oorkant hom deur die bendeleier Lawyer (David Manuel<\/strong>), beraam hy planne om Lawyer af te pers vir geld …<\/p>\n

Klik hier om meer uit te vind oor\u00a0Nommer 37<\/a>.<\/p>\n

 <\/p>\n

\"irshaad-ally-in-nommer-37

Foto: Lindsey Appolis<\/p><\/div>\n

Kan jy ons meer vertel oor jou karakter, Randal, en sy verhouding met Pam?<\/strong><\/p>\n

Randal is \u2019n kleindief wat met min grootgeword het. Hy oorleef as \u2019n volwassene deur te steel. Pam is baie verlief op Randal en sy wil hom van sy duiwels red.<\/p>\n

Lees ook ons onderhoud met Monique Rockman<\/a> oor haar rol in Nommer 37<\/em><\/p>\n

 <\/p>\n

Nommer 37<\/em> val in die genre van voyeur-rillers, met Hitchcock se Rear Window<\/em> wat as inspirasie vir die konsep van die storielyn gedien het. Nosipho Dumisa, die regisseur, het wel genoem dat in die geval van Nommer 37<\/em> Randal, die voyeur, nie net \u2019n onskuldige kyker is nie. Kan jy hieroor uitbrei?<\/strong><\/p>\n

Nadat Randal in \u2019n rolstoel beland, maak hy soos die meeste paraple\u00eb: Hy kyk hoe die lewe gebeur terwyl hy in sy rolstoel sit. Randal sit in sy woonstel en kyk van bo af na die w\u00eareld. \u00a0Dis \u2019n hooplose gesig. Maar soos hy van sy venster af mense dophou, kan sy kriminele verstand nie anders as om \u2019n geleentheid raak te sien nie. En dit is die begin van die afwaartse spiraal \u2026<\/p>\n

\"irshaad-ally-en-monique-rockman-in-nommer-37

Foto: Lindsey Appolis<\/p><\/div>\n

 <\/p>\n

\u2019n Sterk tema wat in die fliek deurkom, is die magteloosheid wat Randal ervaar omdat hy nie kan ontsnap nie: uit sy rolstoel, sy woonstel, en sy situasie, wat hom sekere besluite laat neem. Aan die ander kant het hy \u2019n mate van mag oor sekere karakters in die fliek, en wat met hulle gebeur deur hulle dop te hou of hulle in die gebeure in te trek. Kan jy meer hieroor uitbrei? <\/strong><\/p>\n

Nadat hy verlam is, verloor Randal meer as net die gebruik van sy bene. Sy verhouding met sy meisie verswak, hy verafsku homself, maar hy kan homself nie toelaat om depressief te raak nie, want hy skuld \u2019n sadistiese woekeraar (gespeel deur Danny Ross<\/strong>) geld. Randal was nog altyd goed daarmee om mense te manipuleer. Selfs voordat hy verlam is, het hy dit reggekry dat mense goed vir hom doen \u2013 hy besit oor insig oor wat mense soek en hoe ver om die grense te druk en dis die eintlike ware hulpmiddel of mag wat hy het voordat hy rolstoelgebonde word.<\/p>\n

 <\/p>\n

Hoe het jy vir die rol van Randal voorberei en wat was die uitdagings?<\/strong><\/p>\n

Ek het begin rook vir hierdie rol. Ek het besluit om te rook, want die meeste van die paraple\u00eb met wie ek onderhoude gevoer het, is kettingrokers. Hulle is mal oor rook en ek moes hulle help om hul sigarette aan te steek terwyl ons gesels het. Ek het met omtrent vyf paraple\u00eb onderhoude gevoer. My swaer is een, so dit was makliker om van hom en sy vriende toegang tot inligting te kry. Hulle het oor baie sake openhartig gepraat. Selfs selfmoordpogings. Ek het ook vir hierdie rol omtrent sewe kilogram verloor. Dit het my maande geneem om op te hou rook. Nou, \u2019n jaar later, kan ek nie meer die reuk van sigarette verdra nie, om nie eens te praat van die rook in te trek nie.<\/p>\n

\"Irshaad

Foto: Lindsey Appolis<\/p><\/div>\n

 <\/p>\n

Nommer 37<\/em> is oorspronklik geskep as \u2019n kortfliek vir die Silwerskermfees en nadat dit goed gevaar het, is dit in \u2019n vollengte prent omskep. Hoe was dit om jou karakter van die kortfliek af na die vollengte weergawe te laat groei? <\/strong><\/p>\n

Dit kortfliek het eintlik net met my gebeur. Ek het \u2019n oudisie afgel\u00ea vir die rol van die \u00a0antagonis maar toe bied hulle vir my die hoofrol aan. Daar was nie baie tyd om vir die kortfliek voor te berei nie, hoewel ek paraple\u00eb geken het. Ek het net op \u00a0daardie punt nie tyd gehad om met hulle te gesels en daardie persoonlike vrae te vra nie.<\/p>\n

Toe ek vir die vollengte prent voorberei, het ek die nodige navorsing gedoen. Een van die beste goed van my werk is dat ek van ander mense kan leer, en ek het my verkneukel in \u00a0hierdie proses. Die draaiboek het ook heelwat verander vir die vollengte weergawe. Die verhaal het baie meer lae en Randal se karakter is propvol dimensie in die vollengte prent.<\/p>\n

 <\/p>\n

Nommer 37 is buite verfilm. By wie op die stel van Nommer 37<\/em> het jy die meeste geleer? <\/strong><\/p>\n

Elke stel waarop ek al ooit was, word op \u2019n vreemde manier my tweede tuiste. Ek het geleer van die gemeenskappe waar ons die fliek geskiet het, ek het geleer by die grimeer- en garderobe-eenhede, die grips<\/em>-departement – basies al die afdelings.<\/p>\n

Ek het verslaaf geraak aan rook en al kan ek nou nie naby \u2019n sigaret kom nie, was die klankspan altyd bereid om vir my \u2019n sigaret te gee wanneer ek in my rolstoel gesit het. (Terloops, ek het geweier om uit die rolstoel te klim.)<\/p>\n

Wat ek die meeste uit hierdie fliek geleer het, was dat \u2019n mens die beste moet maak met wat aan jou gegee is. Daar is nie altyd tyd of hulpbronne nie, maar as jy hard genoeg probeer, sal als reg uitwerk. So ek het iets by almal geleer.<\/p>\n

Nosipho Dumisa<\/strong>, die regisseur, is ongelooflik. Sy is briljant.<\/p>\n

\"irshaad-ally-nosipho-dumisa-en-monique-rockman

Irshaad Ally, Nosipho Dumisa en Monique Rockman op die stel van Nommer 37. Foto: Lindsey Appolis<\/p><\/div>\n

\u00a0<\/strong><\/p>\n

Hoe het \u2019n \u201cnormale dag\u201d op stel gelyk? <\/strong><\/p>\n

Chaos. Daar was nie plek om te sit nie, want almal het die grimeerkamer gedeel \u2013 asof dit die akteurskamer was. Maar terselfdertyd het ons daarvan gehou en ons het \u2019n familie geword. Terloops, die grimeerhoof weet regtig hoe om \u2019n akteur wat in die grimeerstoel sit te voer. Carol het vir ons soveel bederfies uit daardie sak van haar gehaal.<\/p>\n

 <\/p>\n

Waarom is dit belangrik om flieks soos Nommer 37<\/em> te maak?<\/strong><\/p>\n

Dis uiters belangrik om te wys dat ons genre-flieks kan maak en dat ons boonop bl\u00eaddie goed is daarmee! Ons het die talent. Daar is geen hubris daarin om hierdie stelling te maak nie. Dis net dat ons so lank gesmag om te wys hoe passievol en dol ons op film is. Ons is baie lief daarvoor. Om daardie rede is dit dan belangrik om flieks soos di\u00e9 te maak.<\/p>\n

Aan die ander kant moet die Suid-Afrikaanse narratief vertel word. Ons eie stories: oor ons, deur ons, vir ons. Die soort verhaalvertelling is belangrik. Ek sou selfs so ver gaan as om te s\u00ea dat dit belangrik is vir nasiebou. Ek is redelik seker dat iemand van die noorde van Suid-Afrika hierdie storie, wat hom heel aan die suidpunt afspeel, sal herken, want dis \u2019n Suid-Afrikaanse verhaal. Ons moet mekaar beter leer ken as Suid-Afrikaners en stories is \u2019n goeie manier om hierdie proses te vergemaklik. Stories, met hul eie karakters en eie w\u00earelde, skep \u2019n geleentheid vir mense om empatie te h\u00ea. Ons het dit nodig in Suid-Afrika.<\/p>\n

 <\/p>\n

Kyk hier na die amptelike lokprent van Nommer 37<\/em><\/strong><\/p>\n