{"id":97939,"date":"2023-07-28T11:00:00","date_gmt":"2023-07-28T09:00:00","guid":{"rendered":"https:\/\/novanews.co.za\/rooirose\/?p=97939"},"modified":"2023-07-28T11:00:05","modified_gmt":"2023-07-28T09:00:05","slug":"kry-jou-kinders-uit-jou-sak","status":"publish","type":"post","link":"https:\/\/novanews.co.za\/rooirose\/kry-jou-kinders-uit-jou-sak\/","title":{"rendered":"Kry jou kinders uit jou sak"},"content":{"rendered":"

Kry jou kinders uit jou sak deur Anet Schoeman<\/em><\/p>\n

 <\/p>\n

 <\/p>\n

So maak jy met ses kinders<\/h4>\n

Martie Buys (50) van Randburg is \u2019n tuisblyma van vyf kinders: Kobus (26), Div (24), Mar\u00ed (22), Douw (21) en Sof\u00ed (17). Asof dit nie genoeg was nie, het sy en haar man, Peet, ook vir Willem (22) n\u00e1 matriek \u201caangeneem\u201d nadat hy van graad 10 af hul naweek- en vakansiekind van die Abraham Kriel-kinderhuis was.<\/p>\n

\u201cOns het te veel kinders,\u201d lag Martie, \u201cmaar ek sou dit nie anders wou h\u00ea nie. Ek was nog altyd \u2019n voltydse ma en die kinders was van vroeg af aan \u2019n klimaat van spaar blootgestel.<\/p>\n

\u201cVir die oudste het ons R30 000 vir \u2019n rekenaarkursus betaal, maar toe die res kort op sy hakke volg, het ons besef dat hulle lenings sal moet kry wat hulle self moet afbetaal. Die eerste is n\u00e1 sy rekenaarkursus Londen toe en het vir \u2019n jaar daar gewerk. Toe hy terugkom, het hy met \u2019n lening aan die Potchefstroomse Universiteit gaan swot. Toe sy geld opraak, het hy sy studie onderbreek en eers weer in Londen gaan werk.<\/p>\n

\u201cDiv het met \u2019n lening B.Com. op Potch gaan swot en toe vir twee jaar in Londen gaan werk om sy studieskuld af te betaal – en selfs met spaargeld teruggekom.<\/p>\n

\u201cMar\u00ed het toerisme op Potch gaan swot en Douw is nou in sy derde jaar B.Com. ook op Potch en verdien ekstra geld deur papierherwinning by groot ondernemings te doen.<\/p>\n

\u201cWillem het \u2019n post-matriekjaar gedoen om sy punte te verbeter en universiteitsvrystelling te kry. Hy is ook op die Puk en kry vanjaar sy B.Ed.-graad. Hy het \u2019n beurs van die Abraham Kriel-kinderhuis gekry vir sy studie en verblyf, maar hy kry nes die ander kinders sakgeld.<\/p>\n

\u201cDie drie op universiteit kry sakgeld elke maand en hieruit moet hulle petrol, klere, toiletware, hul selfone en vermaak betaal. Hulle deel ook \u2019n ou Toyota wat hulle net gebruik om huis toe en terug te ry.<\/p>\n

\u201cMar\u00ed en Div is tydelik terug by die huis en betaal losies tot hulle \u2019n geskikte blyplek kry. Sof\u00ed is vanjaar in matriek, werk Saterdae en wil volgende jaar met \u2019n studentelening soos die res op die Puk gaan studeer.<\/p>\n

\u201cHoewel my moederhart hulle soms jammer kry omdat hulle met minder moet klaarkom, sou ek dit nie anders wou doen nie, al kon ons. Hulle is toegewyd en volwasse omdat hulle weet dat hulle self verantwoordelikheid moet aanvaar. As ons meer geld gegee het, sou ons dit dalk aanvanklik vir die kinders makliker gemaak het, maar dan het hulle later swaargekry omdat hulle nie verantwoordelik is nie.\u201d<\/p>\n

Lees ook: Nuwe grense: Wanneer volwasse kinders en hul ouers saamwoon<\/a><\/p>\n

 <\/p>\n

 <\/p>\n

Dis lekker om te gee<\/h4>\n

Zita* (57) van Pretoria is vroeg uit die skool om te gaan werk. Sy het haar later in die eiendomsmark begewe en was buitengewoon suksesvol.<\/p>\n

\u201cIn my jong dae was dit juis ons armoede wat my gemotiveer het om ambisieus en suksesvol te wees. Tog is dit ook my swaarkryjare wat maak dat ek dit vir my kinders maklik wil maak.\u201d<\/p>\n

Hulle het twee dogters, Ansie* (30) en Ina* (27). \u201cOns het die geld en dit is vir my lekker om my kinders so \u2019n bietjie met geskenke te bederf.<\/p>\n

\u201cOns het ons kinders se studie ten volle betaal (al het die een van kursus verander) en ruim voorsien in al hul behoeftes. Hulle het my ou motor gekry as hulle 18 geword het en op 21 het ons vir elkeen \u2019n nuwe motor gekoop.<\/p>\n

\u201cNoudat die kinders getroud is, is my man streng. Hy wil nie h\u00ea dat ons die skoonseuns die voorreg ontneem om vir hul eie gesinne te sorg nie. Dis vir my sleg, want dis vir my heerlik om te gee. Ek koop nou nog vir hulle lekkerruikgoedjies en betaal vir gesigsbehandelings en manikure. Ons leen wel vir hulle geld vir groot aankope wat hulle sonder rente afbetaal.<\/p>\n

\u201cEk weet ek is geneig om te veel te gee en my vriendinne vertel my heeldag dat ek die kinders bederf, tog het ek sulke goeie dogters dat dit lekker is om die lewe vir hulle plesierig en gemaklik te maak.\u201d<\/p>\n

 <\/p>\n

 <\/p>\n

Net een kans<\/h4>\n

Adelle* (44), \u2019n spysenier van Randburg, het twee kinders; Andr\u00e9* (22) en Nico* (17). Sy en haar man het albei groot studielenings gehad wat hulle moes terugbetaal. Vir hul kinders is die re\u00ebl: \u201cOns sal vir die duur van een kursus betaal. As jy vakke dop, moet jy self daarvoor betaal, as jy opskop, is die volgende kursus vir jou eie rekening.\u201d<\/p>\n

Toe Andr\u00e9 n\u00e1 \u2019n jaar en \u2019n half aankondig dat hy sy studierigting wil verander, het hy reeds \u2019n werk gekry sodat hy vir sy volgende kursus kon betaal. N\u00e1 ses maande het hy genoeg geld gehad vir sy eerste jaar (nou aan \u2019n plaaslike universiteit sodat hy by die huis kan bly) sowel as die maandelikse paaiemente op \u2019n voertuig. \u2019n Bonus was dat die maatskappy hom gevra het om in sy vrye tyd en vakansies daar te werk. Na gelang van sy rooster kry hy dit reg om twee of drie dae per week te werk en sy klasse in die ander dae te groepeer.<\/p>\n

\u201cAs dit \u2019n krisis was, sou ons vir sy studie kon betaal,\u201d s\u00ea Adelle, \u201cmaar ons moes baie hard werk vir ons geld en ek voel dat hy ie-wers verantwoordelikheid vir sy eie lewe moet aanvaar. \u201cAndr\u00e9 (nou al in sy tweede jaar) is baie verantwoordeliker en volwasse en kry onderskeidings vir sy hoofvakke. Ek vermoed dis omdat hy weet die geld kom uit sy eie beursie.<\/p>\n

\u201cOns sal vir Nico dieselfde geleentheid bied en sy studie betaal, maar hy weet dat hy net een kans op ons rekening kry \u2026 \u201d<\/p>\n

 <\/p>\n

 <\/p>\n

Kom werk, boetie<\/h4>\n

My man (een van sewe kinders) was skrander op skool en daar was groot opwinding in die gesin toe hy universiteitsvrystelling kry, s\u00ea Joanne Kisbey-Green (42) van Fourways. \u201cSy pa (wat by \u2019n myn gewerk het) het onderneem om sy studie aan Wits te betaal. Maar toe die partytjies te jolig raak en hy \u2019n paar vakke in sy eerste jaar dop, het sy pa hom teruggeroep huis toe en vir hom \u2019n werk by die myn gekry. Hy moes \u2019n jaar werk tot hy al sy pa se geld terugbetaal het en \u2019n beurs by die myn gekry het om aan \u2019n technikon ingenieurswese te studeer. Vandag is hy suksesvol, en glo dat sy vroe\u00eb lewenslesse daartoe bygedra het.\u201d<\/p>\n

 <\/p>\n

 <\/p>\n

\u2019n Ekonomiese uitdaging<\/h4>\n

Lourinda* (51) van Kaapstad doen marknavorsing van die huis af en haar man is in die boubedryf. Hulle het drie kinders: \u2019n tweeling van 22, Sun\u00e9* en Mitchel* en Anja* 20.
\n\u201cDrie kinders wat gelyk op verskillende plekke studeer, is vir ons \u2019n ekonomiese uitdaging. Hoewel ons die eerste twee jaar van die tweeling se studie en losies betaal het, moes ons vanjaar vir hulle studentelenings uitneem.<\/p>\n

\u201cOns sal ook die jongste se eerste twee jaar betaal, maar daarna moet sy \u2019n lening kry.<\/p>\n

\u201cOns wil graag h\u00ea die kinders moet hul studentejare geniet, maar dis belangriker dat ons vir ons oudag beplan. Ons kan nie nou ons uitkeerpolisse gebruik om studieskuld te delg nie. Die kinders is jonk en aan die begin van hul loopbane met die potensiaal om genoeg geld te verdien.<\/p>\n

\u201cOndanks die lenings moes ons ook ons lewenstyl afskaal om hul uitgawes te dek. Die kinders het elk \u2019n goeie tweedehandse motor gekry en kry een tenk petrol per maand. Selfoonkoste, kos en klere word betaal. Hulle kry steeds elkeen\u00a0 sakgeld elke maand en het rekeninge vir boeke en die apteek. Dan is daar nog die koste van vliegkaartjies om hulle vakansies by die huis te kry.<\/p>\n

\"Kry

Kry jou kinders uit jou sak<\/p><\/div>\n

 <\/p>\n

Wat s\u00ea \u2019n sielkundige?<\/h4>\n

Dr. Elzette Frits,<\/strong> \u2019n senior lektor in die Departement Opvoedkundige Sielkunde aan die Universiteit van Johannesburg glo die boompie moet jonk gebuig word.<\/p>\n

\u201cDit help nie ouers begin eers in matriek om kinders iets oor geld en onafhanklikheid te leer nie, hulle moet voorskools al begin.\u201d<\/p>\n

In haar beroep sien sy dat kinders wat beter presteer, di\u00e9 is wat van vroeg af self moes dink en verantwoordelikheid moes aanvaar. \u201cHulle is die mense wat die waarde van geld besef en nie verkwisters is nie.\u201d<\/p>\n

Ouers moet van vroeg af vir kinders die verband tussen geld en harde werk verduidelik. \u201cS\u00ea vir hulle as jy geld by die kitsbank trek dat jy of jou man hard werk vir die geld en dat die werk dit in die bank inbetaal. Anders dink hulle die geld verskyn soos \u2019n towerslag uit die masjien.<\/p>\n

\u201cEk sien baie ouerpare wat arm was en hard moes werk vir hul geld wat nou wil vergoed. Hulle kweek kinders sonder ambisie omdat hulle net gee en gee. Onthou, jy is geregtig om die genot van jou eie geld te h\u00ea.\u201d<\/p>\n

Ons is geneig om ons kinders te koester en beskermd groot te maak, en daarom kan \u2019n jaar se werk voor die kinders universiteit toe gaan, baie doen vir lewenservaring.<\/p>\n

Elzette maan gegoede ouers ook teen die koop van ongepaste duur geskenke vir jong kinders. \u201cLater bly daar niks oor waarna hulle kan uitsien nie, want hulle het alles.\u201d<\/p>\n

 <\/p>\n

 <\/p>\n

Kry jou kinders uit jou sak: Wenke<\/h4>\n