{"id":97914,"date":"2025-12-12T09:36:05","date_gmt":"2025-12-12T07:36:05","guid":{"rendered":"https:\/\/novanews.co.za\/rooirose\/?p=97914"},"modified":"2025-12-12T09:36:17","modified_gmt":"2025-12-12T07:36:17","slug":"wat-jy-nou-oor-mede-afhanklike-verhoudings-moet-weet","status":"publish","type":"post","link":"https:\/\/novanews.co.za\/rooirose\/wat-jy-nou-oor-mede-afhanklike-verhoudings-moet-weet\/","title":{"rendered":"Wat jy nou oor mede-afhanklike verhoudings moet weet"},"content":{"rendered":"

Wat jy nou oor mede-afhanklike verhoudings moet weet deur Anys Rossouw<\/em><\/p>\n

 <\/p>\n

Jou liefde, vernietig dit jou?<\/h4>\n

Mede-afhanklikheid is die algemeenste vorm van verslawing. Dis die siekte van \u2019n verlore self. \u2019n Self wat die verantwoordelikheid vir jou lewe en geluk koppel aan iets of iemand buite jouself. Dis wanneer jy so fokus op dinge en mense buite jouself dat jy voeling met jou innerlike verloor: jou gedagtes, gelowe, gevoelens, ervarings, intu\u00efsie en selfs jou fisieke toestand.<\/p>\n

Mede-afhanklikheid se wortels l\u00ea dikwels diep versteek in wonde uit jou kinderdae. Die Amerikaanse psigoterapeut, prof. Charles Whitfield s\u00ea dit begin as \u2019n kind se gesonde behoeftes nie deur sy gesin en leefw\u00eareld bevredig word nie; wanneer die kind nie kry wat hy fisiek, emosioneel en spiritueel nodig het om in \u2019n aan-gepaste volwassene te ontwikkel nie.<\/p>\n

So \u2019n kind maak sy ouers se ontoereikendheid sy eie en dink sy ouers is reg en die fout l\u00ea by hom. Hy leer om sy behoeftes te misken. Dit veroorsaak oor jare emosionele onderdrukking, afsluiting en doodsheid wat soms in sielkundige toestande soos mede-afhanklikheid, aggressie, depressie, stres, verslawing, eetversteurings, angstoestande en fisieke siektetoestande na vore kom.<\/p>\n

\u2019n Valse self probeer ander tevrede stel, goedkeuring verdien, of verwerp die mense om hom in rebellie. Maar die seer, die vretende leegheid en die behoefte om beter oor homself te voel en deur ander aanvaar te word, bly. Di\u00e9 leegheid probeer hy vul met dinge van buite, en di\u00e9 futiele pogings lei dikwels tot een of ander vorm van afhanklikheid en verslawing.<\/p>\n

Lees ook: Die 10 dinge waaroor elke gelukkige paartjie praat<\/a><\/p>\n

 <\/p>\n

Melanie se storie<\/h4>\n

Die psigoterapeut, dr. Susan Forward vertel die verhaal van Melanie, een van haar kli\u00ebnte, wat haar oor depressie kom spreek het. Melanie het ges\u00ea dat sy permanent hopeloos voel. \u201cDit voel of my lewe buite beheer is. Ek voel leeg, of ek nog nooit na aan enigiemand in my lewe was nie. Ek was twee keer getroud en het met verskillende mans verhoudings gehad. Maar dis of ek altyd die verkeerde een kies. En dink ek sal hom regkry en help. Maar dit werk nooit uit nie. My eerste man het my verneuk. Die tweede een was \u2019n dronklap. En ek was goed vir hulle.\u201d<\/p>\n

D\u00eds die klassieke gedrag van iemand wat mede-afhanklik is.<\/p>\n

Die term mede-afhanklikheid is eers net gebruik vir die lewensmaat van \u2019n alkoholis of dwelmafhanklike wat die verslaafde se gedrag of probleem onwetend eintlik in stand hou, of dit vir hom moontlik maak om met die gedrag voort te gaan. Maar deesdae word die term wyer gebruik. Dit sluit alle mense in wat van hulself slagoffers maak in die proses om iemand te help, en verantwoordelikheid aanvaar vir iemand wat dinge of mense misbruik, kompulsief, verslawend, of ongesond afhanklik is.<\/p>\n

Melanie is aangetrek deur mans met probleme. Sy het geglo as sy goed genoeg is, hulle liefhet en hul probleme vergeef, sal sy hulle help om hul probleme te besef en sal hulle vir haar lief wees.<\/p>\n

Maar hulle was nie. Wat sy gekry het, was leegheid en \u2019n gevoel van \u201cek word misbruik\u201d.<\/p>\n

Sy het haar probleme aan die mans toegeskryf. Sy kon nie insien dat sy elke keer die verkeerde keuses maak nie. Dat liefde jou nie moet verwond nie, of pynlik behoort te wees nie, het sy nie besef nie. Sy het nie besef dat haar \u201cliefde\u201d haar eintlik vernietig nie. Sy het vir almal gegee, behalwe vir haarself. Sy het ook nie besef dat sy die mans in haar lewe toegelaat het om met hul gedrag voort te gaan nie. Sy het dit onwetend in stand gehou deur hulle nie die verantwoordelikheid en gevolge van hul optrede te laat dra nie. Sy het agter hulle opgevee.<\/p>\n

Toe sy oor haar kinderjare begin praat, het die stukkies van die legkaart gepas. Haar patroon om sukkelende mans te help, was \u2019n herhaling van haar verhouding met haar pa. As iets verkeerd geloop het, het hy in duie gestort. Haar ma het haar onttrek en sy moes bemiddel en probeer om hom beter te laat voel – waarin sy selde kon slaag.<\/p>\n

Lees ook: Leer hoe om selfgeldend te wees<\/a><\/p>\n

 <\/p>\n

Mede-afhanklikheid, soos ander afhanklikheid, het twee belangrike kenmerke:<\/strong><\/p>\n

 <\/p>\n

Ontkenning<\/strong>. \u201cEk drink soms \u2019n paar biere, maar ek is nie \u2019n alkoholis nie.\u201d<\/p>\n

Die ander kenmerk is dat elke geval sy eie individuele voorkoms het.<\/strong> Whitfield beskryf die talle gesigte van mede-afhanklikheid:<\/p>\n