{"id":96723,"date":"2023-07-21T13:38:39","date_gmt":"2023-07-21T11:38:39","guid":{"rendered":"https:\/\/novanews.co.za\/rooirose\/?p=96723"},"modified":"2023-07-21T13:38:34","modified_gmt":"2023-07-21T11:38:34","slug":"vinnige-effektiewe-raad-vir-heuppyn-weens-bursitis","status":"publish","type":"post","link":"https:\/\/novanews.co.za\/rooirose\/vinnige-effektiewe-raad-vir-heuppyn-weens-bursitis\/","title":{"rendered":"Vinnige, effektiewe raad vir heuppyn weens bursitis"},"content":{"rendered":"

Deur Salom\u00e9 Delport. Foto:\u00a0bymuratdeniz\/istock images<\/em><\/p>\n

 <\/p>\n

Jy is reg as jy vermoed die woord “bursa” deel \u2019n stamwoord met “beursie”. Net soos \u2019n beursie, is dit \u2019n klein sakkie. En net soos \u2019n vol beursie is dit bedoel om die lewe makliker te maak.<\/p>\n

Ons het meer as 150 bursas deur ons liggaam. Jy sal hulle aantref veral waar bene, spiere en tendons oor mekaar moet beweeg. Elke bursa is gevul met \u2019n spesiale vloeistof wat soos \u2019n olie help dat jou “bewegende onderdele” gemaklik oor mekaar gly.<\/p>\n

As iets fout gaan ontwikkel inflammasie in en rondom die bursa. Die spiere, tendons en bene kan nie lekker oor die bursa gly nie, en dan irriteer dit nog meer en veroorsaak verdere en uiters pynlike inflammasie wat bursitis genoem word.<\/p>\n

Gelukkig genees die regte terapie vir bursitis hierdie soort pyn binne dae –\u00a0 maklik en s\u00f3nder \u2019n operasie. Ons deel Dr Jan Joubert<\/strong>, Kaapse ortopeed, se beste wenke.<\/p>\n

Terloops, al fokus ons hier op heupbursitis sal die wenke vir bursitis op enige ander plek net so goed help.<\/p>\n

 <\/p>\n

Kyk watter beweging jou bursitis veroorsaak<\/h2>\n

Dit kan enige iets wees. Gewoonlik het dit te doen met \u2019n herhalende oefening of skielike harde oefening of \u2019n besering. Dink aan trappe klim, jou soort sport, dans, handwerk of tuinwerk.<\/p>\n

Gewoonlik is die pyn \u2019n paar uur na die probleemoefening of deur die nag daarna baie erger – wat dit makliker maak om die spesifieke een te identifiseer.<\/p>\n

 <\/p>\n

Stop hierdie oefening of beweging<\/h2>\n

Die volgende stap is om daardie oefening uit te skakel. Jy kan nie bursitis “weg” oefen nie. Jy gaan dit net vererger en uiteindelik chroniese inflammasie veroorsaak wat die been en tendons kan beskadig.<\/p>\n

 <\/p>\n

Kry anti-inflammatoriese medikasie vir jou bursitis<\/h2>\n

Kry \u2019n anti-inflammatoriese pynstiller by jou apteek. Aspiriene is goed omdat dit die pyn, swelling en inflammasie teenwerk.<\/p>\n

Lees ook:\u00a04 redes hoekom dit belangrik is om rugoefeninge te doen<\/a><\/strong><\/p>\n

Wend \u2019n anti-inflammatoriese room aan<\/h2>\n

Daar is verskeie op die mark, en die meeste is sonder voorskrif beskikbaar. Vra jou apteker om iets aan te beveel.<\/p>\n

 <\/p>\n

Verlig die inflammasie met hitte en koue<\/h2>\n

Vir hitte probeer \u2019n lekker warm bad met water tot oor jou heupe of \u2019n warmsak. Plaas \u2019n koue yssakkie vir so vyf minute direk waar dit seer is.<\/p>\n

 <\/p>\n

Jou manier van sit kan bursitis verlig of vererger<\/h2>\n

Die spiergroepe wat by bursitis van die heup betrokke is loop van jou stuitjie na jou buiteheup en van jou buiteheup na jou knie. Hulle moet nou so min as moontlik oor die heupbursas strek en beweeg. Daarom is dit die beste as hulle in \u2019n ontspanne, nie-gestrekte posisie is.<\/p>\n