{"id":96220,"date":"2023-05-30T12:45:16","date_gmt":"2023-05-30T10:45:16","guid":{"rendered":"https:\/\/novanews.co.za\/rooirose\/?p=96220"},"modified":"2023-05-30T12:44:28","modified_gmt":"2023-05-30T10:44:28","slug":"dieet-maagpyn-diarree-herstel","status":"publish","type":"post","link":"https:\/\/novanews.co.za\/rooirose\/dieet-maagpyn-diarree-herstel\/","title":{"rendered":"Die perfekte dieet vir maagpyn en diarree"},"content":{"rendered":"

Deur Salom\u00e9 Delport. Foto:\u00a0bee32<\/a>\/istock images\u00a0<\/em><\/p>\n

 <\/p>\n

Hoe laat mens jou maag rus as jy maagpyn het?<\/p>\n

Dit is doodmaklik, verduidelik voedingkenner Eska van Wyk<\/strong>. \u201cGee jou maag minder werk. Eintlik sal ons almal baat as ons soms ons maag laat “rus.””<\/p>\n

\u201cMense is so bang om honger te raak. Ander dink dit is \u2019n krisis as hul bloedsuiker sou val. Maar eintlik is jou liggaam wonderlik goed ingerig daarvoor. Sodra jy te min energie inneem begin jy dadelik vet verbrand, wat juis hiervoor bedoel is. Selfs rietskraal mense het 10-15% liggaamsvet en kan maklik \u2019n paar dae regkom sonder veel kos.”<\/p>\n

\u201cJy gaan in elk geval nie niks<\/em> eet nie \u2013 net minder.”<\/p>\n

\u201cMaar ek is tog versigtig om vir diabete en mense met mediese toestande soos kanker (waar goeie voeding uiters belangrik is) sommer net te s\u00ea om min te eet. Praat met jou dokter as jy gediagnoseer is met \u2019n mediese toestand, op behandeling is of bekommerd is. Mense met nier- en lewerkwale moet liewer hul dokter of dieetkundige se advies volg.”<\/p>\n

\u201cDie res van ons wat gesond is kan met gemak hierdie sewe beginsels volg as maagpyn ons onderkry. Doen dit vir so twee tot vier dae. Onthou die dieet is nie gebalanseerd nie en ook nie goed vir gewigverlies nie. As jy dit weke aaneen volg gaan jy moeg en tam raak omdat jy te min vitamiene, minerale en ander noodsaaklike voedingstowwe inkry.\u00a0 Dit gaan bloot or maklik verteerbare kos wat jy vir \u2019n dag of vier op die langste eet, om jou maag herstelkans te gee.<\/p>\n

\u201cTerloops, jy kan na \u2019n erge diarree dieselfde dieet volg, terwyl jou maag herstel.\u201d<\/p>\n

 <\/p>\n

Dieet vir maagpyn en diarree<\/h4>\n

Hier is die sewe stappe na \u2019n gesonde maag:<\/p>\n

 <\/p>\n

1. Doen \u2019n mini-vas<\/strong><\/p>\n

As jy kort-kort snoep moet jou maag, lewer, niere en pankreas heeldag werk. Selfs gesonde snoepgoed beteken ekstra werk.<\/p>\n

Help jou maag rus deur na elke ete of snoephappie ten minste drie uur te wag voor jy weer iets eet. As jy kan, en jou bloedsuiker val nie te laag nie, kan jy vir die volgende paar dae net jou drie etes eet, met niks tussenin nie.<\/p>\n

 <\/p>\n

2. Eet klein porsies<\/strong><\/p>\n

Dit is so logies. Hoe meer jy eet hoe meer maagensieme is nodig, en hoe meer afvalstowwe moet verwerk en uitgeskei word.<\/p>\n

Baie mense is so gewoond aan groot porsies dat hulle nie weet nie hoe \u2019n klein porsie lyk nie. My gunstelingtegnieke is om net een tot twee eetlepels te skep van alles wat ek kan eet.<\/p>\n

En dan help dit om \u2019n klein bordjie te gebruik.<\/p>\n

 <\/p>\n

3. Maagpyn en drankies is nie maats nie<\/strong><\/p>\n

Moenie nou die glasies klink nie. Vermy alles met alkohol \u2013 bier, wyn, sjampanje, whiskey, vodka, brandewyn en selfs die ligste koelers en ponse. Alkohol irriteer die maagwand.<\/p>\n

Water, tee en koffie is doodreg. Jy kan ook rooibos, heuningbos en boegoetee probeer. Jy kan ook kyk of tee met \u2019n bietjie gemmer of suurlemoensap werk, of jou maag eintlik irriteer.<\/p>\n

 <\/p>\n

4. Sit helder vloeistowwe by<\/strong><\/p>\n

Geskikte kos vir die eerste dag of twee vir iemand met maagpyn of diarree is \u2019n dieet van helder vloeistowwe.<\/p>\n