{"id":96145,"date":"2018-05-20T09:54:17","date_gmt":"2018-05-20T07:54:17","guid":{"rendered":"https:\/\/novanews.co.za\/rooirose\/?p=96145"},"modified":"2018-10-29T13:00:21","modified_gmt":"2018-10-29T11:00:21","slug":"die-koninklike-troue-meghan-se-vriendin-ontleed-die-dag","status":"publish","type":"post","link":"https:\/\/novanews.co.za\/rooirose\/die-koninklike-troue-meghan-se-vriendin-ontleed-die-dag\/","title":{"rendered":"Die koninklike troue: Meghan se vriendin ontleed die dag"},"content":{"rendered":"

Deur Dee Kr\u00fcger. Hooffoto: Foto’s:\u00a0www.krugercowne.com<\/a>\u00a0en Kurt Arrigo Photography (Malta).\u00a0<\/em><\/p>\n

Dit was die dag waarop \u2019n afstammeling van slawe getrou het met \u2019n lid van die oudste en edelste koningshuis op die planeet. Dit was die oggend toe\u00a0Meghan Markle<\/strong> as gewone burger wakker geword het en \u2019n paar uur later, as die Hertogin van Sussex, in die Koningin se Ascot Landau-koets met haar Prins deur die idilliese landgoed van die beroemdste kasteel die w\u00eareld toegewuif het.<\/p>\n

\n

https:\/\/www.instagram.com\/p\/Bi9gWgrAKM8\/?hl=en&taken-by=kensingtonroyal<\/p>\n

\u201cDit was \u2019n fabelagtige dag,\u201d beskryf die Suid-Afrikaanse sakevrou en persoonlike vriendin van Meghan, Gina Nelthorpe-Cowne<\/strong>, die troue. \u201c\u2019n Ho\u00eb-oktaan dag van seremonie en sensasie, met \u2019n elektriese atmosfeer. \u00a0\u2019n Geleentheid van oortreffende trappe in elke opsig.\u00a0 En die beroemdes het gesorg vir die beste modeparade ooit!\u201d<\/p>\n

\"Gina

Kay Burley van Sky voer onderhoud met Gina Nelthorpe-Cowne, SA-sakevrou, en vriendin van Meghan, Hertogin van Sussex, op die landgoed voor Windsor-kasteel. Op die stel is die ontwerper Amanda Wakeley en Kenya Hunt, assistent-redakteur, Elle VK. Gina Nelthorpe-Cowne se rok is ontwerp deur Sassi Holford Couture, Londen.<\/p><\/div>\n

Gina, \u2019n gebore Johannesburger, wat haar agentskap namens die sterre, glanspersoonlikhede en selfs \u2019n paar lede van die “Royals”<\/em> in Londen bedryf, het die troue bygewoon en skets haar indrukke vir rooi rose<\/em>.<\/p>\n

\u201cDit was \u2019n emosionele geleentheid,\u201d s\u00ea Gina. “Elkeen van ons wat daar was, kon nie anders as om te besef dat dit nie net \u2019n koninklike troudag was nie, maar meer as dit: \u2019n Vernuwende stap en \u2019n groot sprong vorentoe vir die Britse koningshuis.”<\/p>\n

\u201cVir Meghan veral, as kampvegter vir menseregte, vroueregte, en \u2019n nie-rassige gelyke samelewing, kon sy nie gedroom het van \u2019n beter verwesenliking van haar ideale as haar troudag nie,\u201d meen Gina.<\/p>\n

\"Meghan

Meghan en Gina in Malta. Foto: Kurt Arrigo<\/p><\/div>\n

“Al die elemente het saamgespeel om Meghan en Harry se dag \u2019n onvergeetlike skouspel te maak – selfs die onbetroubare Britse klimaat. In die kerk waar Koning Henry VIII<\/strong> en Koning Charles I<\/strong> begrawe l\u00ea, waar William Shakespeare<\/strong> self in sy leeftyd inspirasie ingewin het vir sy dramas oor van Harry se voorvaders,\u00a0 het die paartjie hul beloftes aan mekaar gemaak wat die eeue-oue tradisies en formaliteit van die monargie \u2019n heel nuwe aanslag gee. In die lang en ingewikkelde geskiedenis van Brittanje was dit self \u2019n geskiedkundige gebeurtenis wat hom afgespeel het op \u2019n intieme en persoonlike vlak.<\/p>\n

Voor 600 uitgesoekte gaste wat verskeie lede van die adelstand tot by die Koningin insluit, \u2019n verskeidenheid beroemdes en berugtes,\u00a0 – ook groot sterre op alle vlakke soos Elton John<\/strong> en George Clooney, Johnny Wilkinson, Serena Williams,<\/strong> en Oprah Winfrey,\u00a0<\/strong> het die paartjie hul eie beloftes aan mekaar gemaak, en sodoende baie van die tradisies van die kerk en die koningshuis behou, maar ook nuwes geskep.<\/p>\n

In plaas van om te s\u00ea, \u201cI do\u201d<\/em> het die bruid en haar bruidegom besluit om te s\u00ea \u201cI will\u201d.\u00a0<\/em> Die Britse\u00a0Kingdom<\/em>-koor<\/a> se weergawe van\u00a0 \u201cStand by Me<\/em>.\u201d was ook \u2019n lekker aanvulling tot die manjifieke, meer tradisionele musiek wat koninklike troues kenmerk.<\/p>\n

\u201cMeghan is \u2019n vrou wat haar eie kop volg,\u201d s\u00ea Gina. \u201cSy is hoogs intelligent, en ook mos nie meer vandag se kind nie.\u00a0 Sy weet wat sy wil h\u00ea.\u201d<\/p>\n

Dit het Gina nie verras dat Meghan byvoorbeeld nie \u2019n bekende ontwerper gekies het om haar trourok te maak nie.<\/p>\n

Gina het geruime tyd gelede reeds geraai dat Meghan \u2019n rok sou kies wat h\u00e1\u00e1r die beste sou pas, nie een om die publiek of die koninklikes tevrede te stel nie.<\/p>\n

https:\/\/www.instagram.com\/p\/Bi9eG5iA5qJ\/?hl=en&taken-by=kensingtonroyal<\/p>\n

Toe Meghan in die minder bekende Clare Waight Keller<\/strong> van Givenchy<\/em> se trourok met sy slanke moderne fatsoen sonder oorbodige versierings of tierlantyne uitstap, het Gina breed geglimlag.\u00a0 \u201cMeghan is \u2019n meisie wat baie gemaklik in haar eie styl is. Sy het lieflike\u00a0flair<\/em>\u00a0en \u2019n natuurlike aanvoeling vir mode.\u201d<\/p>\n

En so ook met Meghan se trourok. Die satynrok met sy boothals wat haar mooi nek en skouers vertoon, driekwartmoue, en fyn-gebalanseerde sleep vertoon die kenmerke wat Gina beskryf.\u00a0 \u201cDit is \u2019n tydlose trourok, klassiek en sjiek,\u00a0soos die meeste van die klere waarvan Meghan hou.\u201d<\/p>\n

Die ontwerp sluit ook diplomatieke simbole in: Op Meghan se aandrang, vertoon haar sluier blomme van al 53 lande in die Statebond, asook die papawer van Kaliforni\u00eb. Die Queen Mary-diamantkroon, geleen deur die koningin, rond die rok pragtig af.<\/p>\n

Afgesien van die nuwe Prinses se rok, het die gaste in prag en praal opgedaag.\u00a0 \u201cAmal Clooney<\/strong> het die eerste prys spreekwoordelik gewen,\u201d s\u00ea Gina.\u00a0 Amal se mosterdgeel rok van Stella McCartney<\/em> met bypassende Stephen Jones<\/em>-hoed het koppe laat draai. Catherine, hertogin van Cambridge<\/strong>, se roomkleurige Alexander McQueen-<\/em>rok met \u2019n Philip Treacy<\/em> hoed in dieselfde kleur was ook \u2019n uitstekende keuse volgens die protokol van die dag. Die susters Beatrice en Eugenie<\/strong> wou duidelik nie aandag trek nie: Eugenie se pildoos-hoedjie was bedeesd, en mens moes twee keer kyk om uit te pluis wat Beatrice se hooftooisel was. Dit het eerder na \u2019n kopband gelyk.<\/p>\n

https:\/\/www.instagram.com\/p\/Bi9iUS1gtkD\/?hl=en&taken-by=clarencehouse<\/p>\n

Serena Williams<\/strong> en Oprah Winfrey<\/strong> se kleurskakerings vir hul uitrustings was baie gewild, beide in poeierpienk of ligpienk, – Serena in Versace,<\/em> Oprah in Stella McCartney<\/em>. Volgens Gina het Victoria Beckham<\/strong> die pot mis gesit met die kleur van haar uitrusting.\u00a0 \u201cDit het beter op televisie voorgekom maar was ietwat onvanpas in die verblindende somerson. Dis \u2019n mooi rok, maar te somber vir die seisoen en die geleentheid.\u201d Karen Spencer<\/strong>, vrou van die Graaf Charles Spencer<\/strong>, Diana se broer, het ook uitgestaan in haar pers rok met bolero-baadjie en bypassende hoed. Die akteur Idris Elba<\/strong> en sy verloofde het mooi ko\u00f6rdineer met hul inkblou Gucci-<\/em>uitrustings.<\/p>\n

rooi rose<\/em> wou by Gina weet of Meghan senuweeagtig voorgekom het in die seremonie. \u201cEk dink daardie eerste paar tree in die kerk wat sy alleen moes neem, v\u00f3\u00f3r Prins Charles<\/strong> by haar aangesluit het, het nogal baie gekos, maar van daar af het sy die hele seremonie regtig geniet.<\/p>\n

\u201cDie teerheid tussen haar en Harry was ook baie duidelik, en toe hy vir haar fluister, “you look amazing”<\/em>, \u00a0kon ek sien sy blom.\u201d\u00a0 So ook met die rit in die koets deur die strate van Windsor.\u00a0 \u201cMeghan was in haar element,\u201d s\u00ea Gina.<\/p>\n

Meghan se moeder, Doria Ragland<\/strong>, het vir Gina opgeval as \u2019n redelike eensame figuur in die kerk. \u201cMy hart het uitgegaan na Doria. Sy was duidelik baie emosioneel, wat so begryplik is, met niemand in haar eie familie of vriendekring om haar te ondersteun nie.\u201d<\/p>\n

In teenstelling daarmee het Meghan voorwaar haar spreekwoordelike ridder gekry: In haar ruiker was daar \u201cForget-me-nots\u201d<\/em>, Prinses Diana se gunsteling-blom.\u00a0Harry het dit spesiaal vir sy bruid in hul tuin gepluk.<\/p>\n