{"id":93913,"date":"2018-03-28T13:04:43","date_gmt":"2018-03-28T11:04:43","guid":{"rendered":"https:\/\/novanews.co.za\/rooirose\/?p=93913"},"modified":"2018-03-28T13:04:43","modified_gmt":"2018-03-28T11:04:43","slug":"peter-meyer-gesels-oor-the-boy-from-the-wild","status":"publish","type":"post","link":"https:\/\/novanews.co.za\/rooirose\/peter-meyer-gesels-oor-the-boy-from-the-wild\/","title":{"rendered":"Peter Meyer gesels oor The Boy from the Wild"},"content":{"rendered":"

Deur Michelle Nortje<\/p>\n

Peter Meyer is \u2019n sjarmante man wat op 34 werklik \u2019n storie het om te vertel. As jong kind het hy \u2019n idiliese lewe gehad \u2013 een waarvan die meeste seuntjies net kan droom. Hy het saam my sy ouers op Karkloof Valley-natuurreservaat<\/a> grootgeword waar hy elke dag deel was van die Afrika-wildernis. Sy troeteldiere was onder andere \u2019n volstruis, \u2019n vlakvark en \u2019n baba-olifant \u2026 Ons het met hom gesels oor sy nuwe boek, The Boy from the Wild, wat hy aan sy pa, James Meyer, opgedra het.<\/em><\/p>\n

Ons ontmoet vir Peter by die luukse Saxon Hotel in Johannesburg om oor The Boy from the Wild<\/em> te gesels. Mens sou dink hierdie is nie die regte omgewing vir di\u00e9 wilde seun van Afrika nie, maar die omgewing pla hom klaarblyklik min. Toe ons hom begin uitvra oor sy kinderjare en hoe dit was om op \u2019n wildreservaat groot te word, is dit asof hy teruggaan in tyd en mens kan die nostalgie op sy gesig lees.<\/p>\n

\u201cDit was ongelooflik. Surrealisties. As ek nou terugkyk besef ek hoe gelukkig ek was.\u201d<\/p>\n

Peter glo die wildernis het sy karakter op \u2019n grootskaalse manier gevorm. \u201cAs \u2019n kind op \u2019n wildreservaat is jy baiekeer op jou eie en moet jy jouself besig hou. Jy leer baie vinnig hoe om jouself te beskerm \u00e9n jy leer baie lesse. Respek, bewustheid en vertroue is dinge wat die wildernis my geleer het. Net soos wat mens versigtig moet wees vir \u2019n gevaarlike slang, moet jy versigtig wees vir \u2019n baas wat jou sleg behandel. Jy moet weet hoe om sekere situasies te hanteer. My pa, tesame met my ervaringe op die plaas, het my geleer om baie kalm en geduldig te wees. Ek glo ek is vandag \u2019n baie eerbiedige individu en ek dink beslis die wildernis het my geleer om met my voete stewig op die aarde te staan.”<\/p>\n

Baie van die gevaarlike situasies waarin Peter verkeer het, het ook sy karakter gevorm. Hy is twee keer (op die ouderdom van 7) deur giftige slange gepik en hy het \u2019n noue ontkoming met \u2019n renoster gehad. \u201cEk sal nooit my eerste ervaring met Big Boy (die renoster) vergeet nie. Hy was soos T-Rex van Jurassic Park<\/em>. Mense het van regoor die w\u00eareld gevlieg om hom te kom sien, dis hoe bekend hy was \u2013 hy was \u2019n ikoon. Ons het by \u2019n paar geleenthede amper ons lewens as gevolg van Big Boy verloor, maar die een keer wat ek altyd sal onthou was toe ek, my pa en my jonger broer op \u2019n driewielmotorfiets gery het en hy uit die bloute op ons afgestorm het. My pa kon nie die motorfiets kry om te ry nie en ek en my broer het geskree soos ons gehuil het. Dit was \u2019n noue ontkoming. Ons het dit nooit vir my ma vertel nie!\u201d<\/p>\n

Peter se grootwordjare op die plaas het egter vinnig tot \u2019n einde gekom. Toe hy 10 jaar oud was, is hy en sy gesin vir die skoolvakansie Engeland toe. Hy het nie besef dat sy ouers eintlik van plan was om te trek nie totdat sy pa vir hom ges\u00ea het hy moet na \u2019n nuwe skool toe gaan. Dit was vir hom \u2019n geweldige skok, veral omdat hy nie sy vriende of sy lewe by die huis kon groet nie. Een van die grootste aanpassings was sy internasionale skoolloopbaan. \u201cDit was aaklig. Tot vandag toe mis ek die wildernis. Die enigste goeie ding was dat ek baie respek en waardering vir die wildernis ontwikkel het. Ek het besef dat ek my lewe as vanselfsprekend aanvaar het terwyl dit eintlik \u2019n baie groot voorreg was om in die wildernis groot te word.\u201d Hy is egter baie dankbaar dat hy die geleentheid gehad het om internasionale kennis op te doen. \u201cEk sou waarskynlik nie behoorlik oor wildlewe kon praat as ek nie oorsee gegaan het nie. Ek het geleer om by die normale gang van die lewe aan te pas en die opvoeding wat ek ontvang het was uitstekend.\u201d<\/p>\n

Nadat Peter sy grootwordjare in Engeland voltooi het, het baie deure vir hom oopgegaan en hy het vinnig die w\u00eareld aan sy voete gehad. Hy was trots op die dinge wat hy bereik het omdat hy en sy pa dieselfde eienskappe gehad het. \u201cMy pas was \u2019n baie ambisieuse man en ek is ook so. Ek wou nie noodwendig die land se president geword het nie, maar ek wou groot dinge bereik.\u201d<\/p>\n

Dit was die hotelbedryf wat hom gemotiveer het om baie suksesvol te word, veral omdat sy ouers al die jare self in di\u00e9 bedryf was. Hy het die leer van sukses begin klim en was vroeg in sy lewe die jongste senior direkteur vir die Hilton-hotelgroep. Die dag toe sy pa vir hom s\u00ea hy het kanker, het alles egter vir Peter verander. \u201cDit is \u2019n wonderlike gevoel om die w\u00eareld aan jou voete te h\u00ea en om te kan s\u00ea jy het so baie dinge bereik, maar wanneer dit by familiesake kom en dinge verander so drasties, verander als! My pa se dood het my baie hard teruggebring aarde toe en dit het veroorsaak dat ek vandag ander dinge wil bereik. Geluk is nou vir my baie belangriker as om \u2019n senior direkteur van \u2019n maatskappy te wees.\u201d<\/p>\n

Het die boek hom gehelp om sy pa se dood te aanvaar? \u201cMense s\u00ea altyd tyd maak dinge beter, maar ek glo tyd laat jou net toe om jou eie demone in die gesig te staar en te leer hoe om sterker te wees voor ander mense en om nie sommer voor enigiemand te huil nie. Ek is in hierdie manier baie sterk maar wanneer ek op my eie is, huil ek baie.\u201d Hy het nooit die boek geskryf om oor sy pa se dood te probeer kom nie, hy het dit geskryf om die belangrikste persoon in sy lewe te eer. \u201cDit het my definitief nie gehelp om my pa se dood te aanvaar nie, maar dit het my wel baie meer waardering en respek vir hom gegee.\u201d Peter het nog nooit sy pa se storie vertel nie en met di\u00e9 boek het hy besluit dit is tyd. \u201cEk het nie die boek geskryf om vir almal te vertel hoe lekker dit vir my was om op \u2019n wildreservaat groot te word nie. Ek het dit geskryf om vir hom dankie te s\u00ea en om \u2019n man te eer wat die ongelooflike insig gehad het om \u2019n safari op te rig wat nooit vantevore gedoen is nie.\u201d<\/p>\n

Een van die grootste lesse wat hy geleer het is hoe om aan te pas by sy omgewing. \u201cMens leer gedurig hoe om aan te pas. Die wildernis het my veral baie hieroor geleer. \u2019n Renoster is nie dieselfde as \u2019n buffel nie en \u2019n buffel nie dieselfde as \u2019n wildebees nie. \u2019n Buffel sal jou jaag terwyl \u2019n wildebees van jou af sal vlug. Mens moet leer hoe om in elke situasie waarin jy jouself bevind, aan te pas. As jy dit kan regkry, sal dit die lewe baie makliker maak.\u201d<\/p>\n

Peter Meyer is \u2019n man wat baie respek het vir die lewe en hy is beslis \u2019n boy from the wild<\/em>.<\/p>\n

 <\/p>\n

\u201cAbsolute vryheid is baie skaars in die w\u00eareld waarin ons vandag leef, maar wanneer jy in die wildernis is, is alles vry.<\/em>\u201d<\/h4>\n

 <\/p>\n

The Boy from the Wild<\/em> is \u2019n aangrypende boek wat handel oor die lewe van James Meyer en sy liefde vir Afrika. Peter Meyer vertaal die verhaal in \u2019n diep, emosionele manier. Dit gee ook \u2019n blik op Peter se grootwordjare op Karkloof Valley-natuurreservaat en die avonture wat hulle as gesin saam meegemaak het. Dit\u00a0is geskryf deur die topverkoper-skrywer Graham Spence (bekend vir sy boek The Elephant Whisperer<\/em>). Vir meer besonderhede oor die boek, klik hier<\/a>.<\/p>\n

 <\/p>\n

Meer oor Karkloof Safari Villas<\/h4>\n

Karkloof Safari Villas<\/a> is \u2019n ultra-luukse bestemming in die hartjie van die Natalse Middelande. Al langs die Karkloof-rivier word wilde diere en verskeie vo\u00eblsoorte aangetref en besoekers kan die area deur middel van houtpaadjies of ander roetes ontdek. As jy \u2019n avontuurlustige bergfietsryer is, dit geniet om vis te vang of vo\u00eblkyk waardeer, is hierdie bestemming vir jou.<\/p>\n

Die luukse lodge bevat sestien private villas, elk stylvol gemeubileer met ondervloerse verhitting en \u2019n private houtdek wat uitkyk oor die asemrowende kloof.<\/p>\n

Vir kosliefhebbers wag daar \u2019n kulin\u00eare verrassing wanneer hulle vir ontbyt, middag- of aandete aansit. Die sjefs maak gebruik van plaaslike bestanddele en daar is selfs glutenvrye opsies vir gaste.<\/p>\n

As jy wil ontspan, is daar joga, meditasie en verskeie ander opsies om behoorlik af te skakel.<\/p>\n

Besoek karkloofsafarivillas.com<\/a> vir meer besonderhede.<\/p>\n

Foto’s: Chris Allan Photography<\/a><\/p>\n