{"id":92595,"date":"2018-03-05T15:41:53","date_gmt":"2018-03-05T13:41:53","guid":{"rendered":"https:\/\/novanews.co.za\/rooirose\/?p=92595"},"modified":"2018-03-05T15:41:53","modified_gmt":"2018-03-05T13:41:53","slug":"alles-oor-die-90ste-oscars","status":"publish","type":"post","link":"https:\/\/novanews.co.za\/rooirose\/alles-oor-die-90ste-oscars\/","title":{"rendered":"Alles oor die 90ste Oscars"},"content":{"rendered":"

Deur Catherine Schenck. Foto\u00a0Kevin Winter\/Getty Images<\/em><\/p>\n

4 Maart 2018 was \u2019n groot aand vir die Oscars en hoewel dit die 90ste keer<\/strong> was wat hierdie toekennings plaasgevind het, was dit ook \u2019n aand van heelwat eerstes. Die oudste Oscar-wenner ooit, James Ivory,<\/strong>\u00a0het in die ouderdom van 89 die Oscar ontvang vir sy draaiboek vir Call Me By Your Name<\/em>\u00a0(in dieselfde kategorie was daar ook Dee Rees,<\/strong> wat die eerste swart vrou is wat \u2019n nominasie ontvang het vir beste draaiboek saam met Virgil Williams<\/strong>).<\/p>\n

Aan die ander kant was daar die jongste manlike Oscar-genomineerde in meer as 80 jaar, die 22-jarige Timoth\u00e9e Chalamet,<\/strong> vir sy rol in dieselfde film,\u00a0Call Me By Your Name<\/em>. Hy het egter nie gewen nie.\u00a0Gary Oldman<\/strong> het met die toekenning weggestap vir sy rol as Winston Churchill in The Darkest Hour. <\/em>Jordan Peele<\/strong> is die eerste swart regisseur wat in een jaar nominasies in die volgende drie kategori\u00ebe ontvang het: regie, draaiboek, en vervaardiging.\u00a0Hy is verder\u00a0die eerste swart skrywer wat \u2019n Oscar ontvang het vir sy draaiboek vir die film Get Out<\/em>.<\/p>\n

In die kinematografie-kategorie het die wenner, Roger Deakins<\/strong>, sy heel eerste Oscar gewen vir Blade Runner 2049<\/em>, ten spyte van 14 vorige nominasies. In dieselfde kategorie was daar ook die heel eerste vrou wat \u2019n nominasie vir kinematografie ontvang het: Rachel Morrison<\/strong> vir Mudbound<\/em>.\u00a0Robert Lopez<\/strong>, wat vanjaar (saam met sy vrou Kristen Anderson-Lopez<\/strong>) \u2019n Oscar ontvang het vir die beste liedjie in \u2019n film, is die eerste persoon wat twee keer \u2019n “EGOT<\/em>“-ontvang het. EGOT<\/em> verwys na Emmy, Grammy, Oscar, en Tony – vier van die grootste toekenings in die vermaaklikheidsbedryf. Lopez het dus ten minste twee keer elke toekenning ontvang – en boonop het hy sy eerste EGOT op die ouderdom van 39 gewen, wat hom die jongste persoon met \u2019n EGOT<\/em> maak.<\/p>\n

Alhoewel hierdie spoggeleentheid nie so \u2019n eksplisiete fokus op sekere ongelykhede in die bedryf gehad het soos byvoorbeeld die Golden Globes waar almal swart gedra het<\/a> nie, is daar wel\u00a0 geleentheid gegee aan verteenwoordigers van beweging soos #MeToo<\/em> en Time’s Up<\/em>\u00a0om toesprake te maak. Baie bedankingstoesprake is ook gemaak met boodskappe van regverdige rasseverteenwoordiging, teen seksuele teistering, teen xenofobie, Trump se immigrasiere\u00ebls en vir die regverdige betaling van manlike en vroulike akteurs en ander persone in die vermaaklikheidsbedryf.<\/p>\n

Gepraat van toesprake … In sy openingstoespraak het die aanbieder Jimmy Kimmel<\/strong> ook moontlike wenners aangemoedig om nie lang toesprake te maak nie. Om kort toesprake te motiveer het Kimmel \u2019n waterponie beloof aan die kortste bedankingspraatjie van die aand. Hy het selfs die waterponie gewys, wat deur Helen Mirren<\/strong> vertoon is. Die wenner van die waterponie was uiteindelik Mark Bridges,<\/strong> wat die Oscar vir beste kostuumontwerp ontvang het vir Phantom Thread<\/em>.<\/p>\n

Kyk hier na die skreeusnaakse video:<\/p>\n