Erik se planne vir Kilimanjaro was groot. By tye het dit vir Magriet te groot geklink. Erik was goed met groot planne. Magriet het \u2019n meer ontspanne idee van vakansie gehad. Iets wat\u00a0\u2019n sonsambreel,\u00a0\u2019n skemerkelkie en\u00a0\u2019n ysblou see-uitsig insluit.\u00a0\u2019n Klimtog, wat vir haar al meer moordend klink, teen die hange van Afrika se hoogste berg, is nie haar idee van ontspan nie. Maar Erik het iewers op sy swerftogte op Google\u00a0\u2019n storie raakgelees van\u00a0\u2019n paartjie wat hul verhouding wou verstewig met\u00a0\u2019n 10 dag klimtog teen die berg. Teen\u00a0\u2019n helling van\u00a0\u2019n bietjie meer as 19 000 outydse voet!<\/p>\n
Gewapen met\u00a0\u2019n pak foto\u2019s en brosjures van die berg en die klimtog het Magriet en Mariaan die week voor die klimtog vir oulaas\u00a0\u2019n cappuccino by Olivia\u2019s gaan drink.<\/p>\n
\u201cDit is die romantiesste ding wat ek nog gehoor het,\u201d het Mariaan met\u00a0\u2019n kies vol kaaskoek ges\u00ea. Magriet het geknor, \u201cNou hoekom gaan jy nie saam met Erik nie?\u201d<\/p>\n
\u201cDis op jou wat hy al die jare verlief is. Ek het altyd gedink daar is\u00a0\u2019n chemiese reaksie tussen julle.\u201d<\/p>\n
Magriet wou meer hoor van haar vriendin se kamma-aanvoeling van al die jare.<\/p>\n
\u201cEk het eers gedink ek verbeel my, maar toe het ek hom begin dophou. Ek het jou beny dat\u00a0\u2019n man met soveel deernis na jou kon kyk. Nie eens Stoffel het so na jou gekyk nie.\u201d<\/p>\n
Laasgenoemde het Magriet geglo. Na jare het sy besef dat Stoffel met baie meer intensie na ander vroue gekyk het as na haar.<\/p>\n
Die gedagte het haar summier laat besluit om nog\u00a0\u2019n stuk koek te bestel.<\/p>\n
\u201cJong, is jy seker Vince en Erik gaan dit goedkeur as jy nog koek eet? Ek meen, hulle twee het jou op\u00a0\u2019n streng oefenprogram?\u201d<\/p>\n
Dis nie wat Magriet wou hoor nie. Haar kop was nog nie reg vir die berg nie.<\/p>\n
\u201cDaai berg gaan my doodmaak! Jy weet hoe militaristies Erik kan raak as hy eers\u00a0\u2019n ding in sy kop het. Hy gaan my soos\u00a0\u2019n drilmajoor teen die berg uitdryf. Ek dink hierdie ding gaan niks vir ons verhouding doen nie. Jy weet hoe mislik kan ek raak as ek moeg en gefrustreerd is.\u201d<\/p>\n
\u201cAg ontspan, kyk hier, hulle s\u00ea 25\u00a0000 mense het al die berg uitgeklim. O, ek sien net twee derdes is suksesvol, maar ek het volle vertroue in jou en Erik.\u201d<\/p>\n
Met die maande se voorbereiding het Magriet by tye op haar duur krone gekners. Sy het gevoel haar menopousale vlakke gaan haar humeur laat opvlam. Maar daar was ook tye wanneer sy die voorbereiding geniet het. Al die ekstra kilogramme aan haar lyf het verdwyn. Haar arm-flappe was weg en haar magie plat. Sy het die staptogte deur die natuur geniet en saans om die kampvuur styf teen Erik lepel gel\u00ea. Met Erik se arm om haar het sy veilig gevoel. Hy was sag met haar as sy moeg geraak het. Hy het haar laat glo aan haarself en die uithouvermo\u00eb van haar lyf. Na haar kankerbehandeling het sy nie gedink haar lyf sal ooit weer normaal kan funksioneer nie. Sy was nie eens op skool of universiteit so fiks soos na die voorbereiding vir die berg nie.<\/p>\n
Erik het hul rugsakke met milit\u00eare presisie gepak. Sy beplanningslysie is afgetik, hul vlugte, verblyf en die toergidse bevestig.<\/p>\n
\u2019n\u00a0Dag voor hul vertrek het Erik gebel.<\/p>\n
\u201cHet jy nog daai mooi rok wat ek vir jou gekoop het?\u201d<\/p>\n
\u201cJa, wil jy hom verkoop? Het jy geld nodig? Askies dat ek dit nooit aangetrek het nie.\u201d<\/p>\n
\u201cMmm, noudat jy dit noem. Die ding is so goed soos nuut en ek behoort hom\u00a0 nog te kan terugruil. Ek het nog die strokie. Maar, s\u00ea my, pas jy nog in die ding?\u201d<\/p>\n
Magriet het haar dadelik vererg.<\/p>\n
\u201cEk het beslis nie gewig opgetel nie! Watse stoepid vraag is dit?\u201d<\/p>\n
Erik het geskater.<\/p>\n
\u201cEk dog ly lyk effe voller om die boud!\u201d<\/p>\n
Dit het vir Magriet gevoel of stoom by haar ore uitborrel.<\/p>\n
\u201cDaardie lewensversekering wat jy uitgeneem het vir ons trippie<\/em>? Jy s\u00ea ek is die begunstigde? Jy weet mos ek het\u00a0\u2019n nare reputasie met die eis van lewensversekering! Maar om jou onsensitiewe vraag te beantwoord, ja, ek glo ek gaan nog in die rok pas!\u201d<\/p>\n \u201cNou maar dan is dit goed. Trek hom aan, ek kom jou sewe-uur vanaand haal.\u201d<\/p>\n Toe Erik voor die botaniese tuine stilhou, het Magriet begin wonder oor die wysheid van die rok. Die restaurant by die tuine was nie die soort waarheen jy\u00a0\u2019n duur nommertjie dra nie.<\/p>\n \u2019n\u00a0Gholfkarretjie het hulle by die hek ingewag. Hulle het in die naglug deur die bome gery tot by die waterval. Daar was\u00a0\u2019n tafel vir twee gedek. Kerslig, vonkelwyn,\u00a0\u2019n kelner en selfs\u00a0\u2019n saksofoonspeler!<\/p>\n \u201cEk dog ek sal my meisie bederf voor ek haar\u00a0\u2019n berg laat uitklim.\u201d<\/p>\n \u201cJy weet, Erik, jy het my nog nooit gevra om jou meisie te wees nie. En ja, ek bekommer my oor jou intensie met die klimmery. Jy is immers my begunstigde op my berg-polis!\u201d<\/p>\n Erik het haar in sy arms geneem.<\/p>\n \u201cDans met my, Grieta, ek het my safety boots<\/em> aan! Ek het my tone nodig vir die berg!\u201d<\/p>\n Die saksofoonspeler het Moonligt Serenade<\/em> gespeel en sy en Erik het rustig oor die grasperk gegly sonder dat sy sy tone raak trap. Sy hand was sag op haar kaal rug en sy ken het gemaklik op haar kroontjie gerus.<\/p>\n Toe die saksofoonspeler Fly Me to the Moon<\/em> begin speel, het Erik haar tot by die tafeltjie begelei. Hy het vir haar vonkelwyn ingeskink en sy Frank Sinatra-impersonation <\/em>gestand gedoen.<\/p>\n Fly me to the moon<\/em> Fill my heart with song<\/em> Magriet het vir\u00a0\u2019n oomblik vergeet van haar vrese vir die berg.<\/p>\n Sy het Erik dopgehou en geweet sy het niemand nog ooit so liefgehad soos sy hom op daardie oomblik het nie.<\/p>\n Met die laaste strofe van die lied het hy haar hand geneem en terwyl hulle gedans het, het haar voete op sagte wolke getrap.<\/p>\n \u201cSal jy met my trou, Grieta? Sal jy vir ewig en altyd net myne wees?\u201d<\/p>\n Magriet het gevoel hoe die warm trane van geluk oor haar wange loop.<\/p>\n","protected":false},"excerpt":{"rendered":" “Toe die saksofoonspeler Fly Me to the Moon begin speel, het Erik haar tot by die tafeltjie begelei. Hy het vir haar vonkelwyn ingeskink en sy Frank Sinatra-impersonation gestand gedoen.” Lees hoofstuk 30 van Grieta hier. Deur Martie Swanepoel. Foto Pixabay<\/p>\n","protected":false},"author":8,"featured_media":89660,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[43452,3476],"tags":[1392,1393,1471,3230,23450],"class_list":["post-89655","post","type-post","status-publish","format-standard","has-post-thumbnail","hentry","category-lees","category-ontspanning","tag-short-stories","tag-books","tag-kortverhale","tag-vervolgverhale","tag-entertainment"],"acf":[],"yoast_head":"\n
\n Let me play among the stars<\/em>
\n Let me see what spring is like<\/em>
\n On a, Jupiter and Mars<\/em>
\n In other words, hold my hand<\/em>
\n In other words, baby, kiss me<\/em><\/p>\n
\n And let me sing for ever more<\/em>
\n You are all I long for<\/em>
\n All I worship and adore<\/em>
\n In other words, please be true<\/em>
\n In other words, I love you<\/em><\/p>\n