{"id":89536,"date":"2018-01-09T12:51:14","date_gmt":"2018-01-09T10:51:14","guid":{"rendered":"https:\/\/novanews.co.za\/rooirose\/?p=89536"},"modified":"2018-01-09T14:20:27","modified_gmt":"2018-01-09T12:20:27","slug":"koop-die-lekkerste-boeke-met-jou-geskenkbewys","status":"publish","type":"post","link":"https:\/\/novanews.co.za\/rooirose\/koop-die-lekkerste-boeke-met-jou-geskenkbewys\/","title":{"rendered":"Koop die lekkerste boeke met jou geskenkbewys"},"content":{"rendered":"

\u2019n Geskenkbewys<\/strong> skep die absoluut heerlike probleem van wat om daarmee te koop. Ek het al hierdie boeke geniet.<\/p>\n

 <\/p>\n

Bright Line Eating<\/em>, vir my sus wat haar figuur dophou<\/h4>\n

Ja, dit is \u2019n dieetboek. Maar dit is nie net n\u00f3g een van dosyne boeke nie. Eerstens is die skrywer, Susan Peirce Thompson, self \u2019n navorser in gedragsielkunde, met \u2019n PhD daarin. Boonop is sy \u2019n suiker- en meelverslaafde. Sy weet waarvan sy praat op persoonlike en professionele vlak.<\/p>\n

Sy verras mens regdeur die boek met feite wat jy nog nie oor en oor gehoor het nie. Soos dat wilskrag \u2019n mite<\/strong> is. Elke di\u00ebter weet dit, terwyl elkeen wat di\u00ebte smous jou verseker die probleem is jou gebrek aan wilskrag. Sy s\u00ea egter dat, net so min as wat jy kan ophou asemhaal, kan jy ophou eet en ophou lus raak vir soetgoed. Jou brein is jou baas. Daarom eet jy soos jou brein besluit. Volgens die\u00a0 boek is daar nie \u2019n aks van \u2019n fraksie wilskrag betrokke by \u2019n suksesvolle dieet<\/a> nie.<\/p>\n

So, as jy nie wilskrag het nie, hoe s\u00ea jy nee vir sjokolade, kaaskoek en tuisgebakte brood? Die antwoord l\u00ea daarin om jou brein<\/strong> te verstaan. As jy weet hoe insulien en dopamien met jou eetpatrone verband hou, kan jy jou brein so voer dat hy homself op \u2019n dieet plaas. Insiggewend.<\/p>\n

\"Bright<\/a><\/p>\n

 <\/p>\n

Sky Guide Africa South 2018<\/em>, vir my verliefde broerskind<\/h4>\n

Hoekom kyk mense na die sterre wanneer hulle verlief is? Ek het nog nooit \u2019n verklaring daarvoor gehoor wat met die sterre te doen het nie …<\/p>\n

Dit maak hierdie boekie egter \u2019n baie oulike geskenk vir die jong manne. In plaas van floutjies sy nuwe meisie nooi om na die sterre te gaan kyk, kan hy nou indrukwekkende kennis openbaar en haar nooi om die opkoms van Januarie se Blou Maan van Leeukop te gaan kyk. Of wat van \u2019n aandjie buite in die veld om te kyk na die beste sterrere\u00ebns van vanjaar in April, Junie, November en Desember? Nog \u2019n hoogtepunt is die drie keer wat die maan vanjaar supergroot gaan wees, naamlik op 2 Januarie, 2 Maart en 22 Desember.<\/p>\n

Met Sky Guide Africa South 2018<\/em> gee jy vir iemand baie meer as net \u2019n boek. Jy gee hom geleenthede.<\/p>\n

\"Sky<\/a><\/p>\n

 <\/p>\n

Speeches that Shaped South Africa From Malan to Malema<\/em>, vir my man<\/h4>\n

My man is gek na geskiedenis en veral moderne geskiedenis. Hy het klaar Jacques Pauw se The President’s Keepers<\/em> gelees. Wat nou? Ek kan Speeches that Shaped South Africa\u00a0aanbeveel as geskenk vir almal wat Suid-Afrika probeer verstaan. Ek het self die boek gelees en verslind.<\/p>\n

Die toesprake vou die hele drama van Suid-Afrika op \u2019n onverwagse, vars manier\u00a0 oop. Jy verstaan wat Malan probeer s\u00ea het, maar ook hoe dit die ANC laat voel het. Jy hoor die een kant en sien die dilemmas wat dit by die ander kant wek. En jy skep moed, want ten spyte van alles bly daar regdeur die boek \u2019n goue, hoopvolle draad loop van reg en geregtigheid, en van eerbaarheid en gemeenskaplike trots. Dit eindig met Barbara Hogan se toespraak op Ahmed Kathrada se begrafnisdiens, wat mens toe al laat glo het dat \u2019n nuwe era moontlik is.<\/p>\n

Martha Evans se keuses uit die sekerlik honderde beskikbare toesprake is weldeurdag. Speeches that Shaped South Africa gee mens op \u2019n besonderse manier insig in ons moderne geskiedenis.<\/p>\n

\"Speeches<\/a><\/p>\n

 <\/p>\n

Tribe of Mentors<\/em>, vir die jong entrepreneur in die familie<\/h4>\n

Die boek was toe die voltreffer wat ek gehoop het dit sal wees. Die jong man wat reeds \u2019n stewige besigheid op sy naam het, het dadelik begin blaai en voorlees, en verklaar dat hy nog baie uit hierdie boek gaan kry.<\/p>\n

Tribe of Mentors<\/em> sluit rolmodelle in waarmee jonk en oud kan identifiseer, soos Ariana Huffington, Ray Dalio en Dustin Moskovitz asook sportsterre en akteurs soos Maria Sharapova en Ben Stiller.<\/p>\n

Die bydraers gee hul beste advies as antwoorde op o\u00ebnskynlik eenvoudige vrae soos:<\/p>\n