Na \u2019n week op Vince se program wou Magriet, en haar lyf, opgee. Geen herinneringe aan die lyf wat sy gehad het in die dae van haar Jane Fonda-pakkie of die gedagte aan Erik op sy knie\u00eb op die hoogste piek van Kili het haar aangespoor om aan te gaan nie. Maar sy het.<\/p>\n
Na\u00a0\u2019n maand het sy nagmerries begin kry oor hoe sy die berg uitklim met juffrou Siebies al gillend op haar hakke.<\/p>\n
Sy het soms in die kleedkamer in trane uitgebars want sy wou nie vir Vince en Erik wys sy is verder as haar limiet gedryf nie.<\/p>\n
Sy het Vince na elke sessie met meer passie gehaat. Hy het nie een keer simpatie getoon of haar aangemoedig nie. Sy was oortuig daarvan dat hy daarop uit is om haar te breek.<\/p>\n
Erik het energiedrankies en\u00a0\u2019n nuwe versapper aangedra. Hy het vir haar stapskoene gekoop wat waarskynlik net so veel gekos het as\u00a0\u2019n luukse vakansie op\u00a0\u2019n tropiese eiland. Sy het menige dag gewens Erik wil aankondig dat hy net\u00a0\u2019n grappie gemaak het oor die berg en dat hy haar op\u00a0\u2019n idilliese wit strand gaan vra om te trou. Sy het haar ook voorgeneem om nooit ooit weer haar emmerskop-lysie-voor Erik te noem nie.<\/p>\n
Vince het hulle soos twee atlete afgerig. Hy het hulle gemeet, geweeg en soos\u00a0\u2019n sersant-majoor elke tree, opstoot en strek-sessie getel.<\/p>\n
Magriet het haar duur krone byna deurgekners want sy wou meer as een dag haar woede op hom en Erik uitgil. Sy was moeg, gedaan en moedeloos. Sy was nie meer lus om te bewys sy kan oor haar limiet gaan nie. Sy wou net rus. Haar voorneme om Erik te verlei, het tussen die sweet en trane verdwyn. Pleks van passievolle vrysessies het hulle mekaar se seer spiere ingevryf. Pleks van boekettraube het hulle prote\u00efen-skommels gedrink.<\/p>\n
Vince moes gesien het sy is by breekpunt, want hy het aangekondig dat hulle\u00a0\u2019n naweek moet rus voor hulle weer met die program aangaan. Magriet het haar gereed gemaak om die hele naweek in die bed te bly en soetsappige ou liefdesflieks te kyk. Sy was lus om liters roomys te eet en om heeldag in haar nagklere rond te loop. Sy was beslis nie lus om vir Erik by haar planne in te sluit nie. Sy wou\u00a0\u2019n hele naweek net vir haarself h\u00ea.<\/p>\n
Sy het die Vrydag\u00a0\u2019n voorraad sjokolade en roomys gaan koop en\u00a0\u2019n paar uur in\u00a0\u2019n skuimbad gel\u00ea en, uit rebelsheid, lekker gekry omdat sy nie haar beenhare hoef te skeer nie. Teen nege-uur die aand het Erik se gebruiklike WhatsApps opgedaag. Sy was eintlik vies dat hy nie eens vra na haar planne vir die naweek nie.<\/p>\n
Teen Saterdagmiddag was sy al moeg vir rondl\u00ea en flieks kyk en het sy\u00a0\u2019n allemintige sooibrand van al die soetgoed gehad. Na\u00a0\u2019n lang, diep middagslapie het Erik haar hekklokkie gelui. Sy het vervaard\u00a0\u2019n sweetpakbroek aangetrek en haar hare in toom probeer druk. Sy het\u00a0\u2019n stuk tandepasta in haar mond gedruk en Erik se ontydigheid verwens.<\/p>\n
Hy het haar vasgedruk en in die nek gesoen.<\/p>\n
\u201cVanaand eet ons steak en drink baie wyn. Ons gaan sit in ou Stoffel se jacuzzi en na die tyd masseer ek elke pyn in jou spiere weg.<\/p>\n
Al waaraan Magriet kon dink, was haar lang beenhare en deurmekaar slaapkamer. Sy wou Erik by die deur uitboender en s\u00ea hy moet oor\u00a0\u2019n week terugkom as haar brein en lyf gerus het … en as haar beenhare geskeer is.<\/p>\n
Maar haar hart het haar nie toegelaat nie. Dit het begin bons elke keer as Erik lag dat die plooitjies\u00a0\u2019n netwerk om sy o\u00eb vorm. Dit het\u00a0\u2019n paar slae gemis as hy haar terloops vasdruk.<\/p>\n
\u201cGrietjie, vanaand is dit jou aand vir ontspan. Gaan tap vir jou\u00a0\u2019n snoesige borrelbad terwyl ek die steak braai. Dan trek jy daai sexy linnerok aan. Die een …\u201d<\/p>\n
\u201cJa, ek weet, die een wat jy my verbied het om hof toe te dra.\u201d<\/p>\n
Hy het gelag.<\/p>\n
\u201cJa, daardie een wat my die bewerasie gegee het!\u201d<\/p>\n
Magriet was dankbaar dat Erik haar so goed ken, dat hy geweet het sy voel sy is onkant betrap. Sy het haar beenhare geskeer en haar lyf geolie. Sy het haar bed met spierwit linne oorgetrek en parfuum op die kussings gespuit.<\/p>\n
Erik het die steak gebraai net soos sy daarvan hou. Hy het dit in dun snytjies gesny en\u00a0\u2019n glas yskoue boekettraube voor haar neergesit. Hy het haar\u00a0\u2019n lekker growwe baard-soen in die nek gegee.<\/p>\n
\u201cJy het my verbaas hierdie maand, Griet. Ek het geweet jy het dit in jou, maar Vince het jou verder gedryf as wat ek gedink het jou lyf kan hanteer. Ek is trots op jou. Ek het gehoop die Kilimanjaro-plan sal jou help vergeet van al die trauma en spanning.\u201d<\/p>\n
Magriet het skielik besef dat Erik reg is. Sy het in weke nie aan Stoffel of die vernederende ervaring met Klaus gedink nie. Sy het haar lyf gevoed en geoefen. Sy moes aan haarself beken dat sy in jare nie so goed gevoel het nie.<\/p>\n
Erik het\u00a0\u2019n heildronk opgestel op die maand wat verby is. Magriet het haar glas gelig, \u201cEn op die volgende twee maande!\u201d<\/p>\n
Skielik het sy uitgesien na nog twee maande van hel onder Vince se regime. Sy kon nie wag om saam met Erik die berg uit te klim nie.<\/p>\n
Na ete het Erik haar in sy arms geneem en stadig met haar gedans. Hy het sy eie weergawe van Robbie Williams se Something Stupid<\/em> gesing:<\/p>\n I know I stand in line<\/em> Then afterwards we drop into a quiet little place<\/em> Sy het met haar kop teen sy bors gerus en na die dreuning van sy stem geluister. Sy was bly oor die stadige pas waarmee Erik haar die hof maak. Sy het geweet, eendag gaan hulle nog lag oor die lawwe, onbesonne aand van die wit kantoorhemp.<\/p>\n","protected":false},"excerpt":{"rendered":" \u201cGrietjie, vanaand is dit jou aand vir ontspan. Gaan tap vir jou\u00a0\u2019n snoesige borrelbad terwyl ek die steak braai. Dan trek jy daai sexy linnerok aan.” Lees hoofstuk 29 van Grieta hier. Deur Martie Swanepoel. Foto Pexels<\/p>\n","protected":false},"author":8,"featured_media":89502,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[43452,3476],"tags":[1393,1471,3230,23450,1258,1392],"class_list":["post-89499","post","type-post","status-publish","format-standard","has-post-thumbnail","hentry","category-lees","category-ontspanning","tag-books","tag-kortverhale","tag-vervolgverhale","tag-entertainment","tag-lees","tag-short-stories"],"acf":[],"yoast_head":"\n
\n Until you think you have the time<\/em>
\n To spend an evening with me<\/em>
\n And if we go someplace to dance<\/em>
\n I know that there’s a chance<\/em>
\n You won’t be leaving with me<\/em><\/p>\n
\n And have a drink or two<\/em>
\n And then I go and spoil it all<\/em>
\n By saying something stupid<\/em>
\n Like I love you<\/em><\/p>\n