Ek moet dit seker nou maar net s\u00ea en klaarkry: Ek hou ni\u00e9 van die Kersseisoen nie.<\/p>\n
Dit voel soos heiligskending om dit te s\u00ea, want, as gelowige, behoort dit mos een van die hoogtepunte van my kalenderjaar te wees? Maar, jaar na jaar sukkel ek al meer met die gedoente rondom Kerstyd.<\/p>\n
Dalk het ons gesin se wildewragtag van \u2019n vierde kwartaal iets te doen daarmee?<\/p>\n
Behalwe dat die laaste skoolkwartaal van die jaar gewoonlik sy eie uitdagings soos somersport en eindeksamen en einde-van-die-jaar-funksies-en-spertye inhou, het ons gesin ook drie van ons vier verjaardae binne vyf weke. Nege dae daarna is dit ons huweliksherdenking en die week daarna Kersfees.<\/p>\n
En, tussen die Desemberverjaardag en jaareinde moet daar boonop skoolklere en skryfbehoeftes vir die volgende jaar aangeskaf word (want, ons weet mos hoe lyk die winkels daardie laaste twee dae voor die skool open in Januarie).<\/p>\n
Met al die vieringe in die laaste kwartaal, is ons pappa dus van einde Oktober, as die eerste SMS\u2019e van die bank via die kaart deurkom, effe bleek om die kiewe.<\/p>\n
Vanjaar was hy teen laat November heelwat meer bleek, want sy gryse ou vrou het boonop \u2019n sogenaamde mylpaalverjaardag gehad.<\/p>\n
Twee weke later was dit die pretiener se beurt om die klok elf te laat slaan.<\/p>\n
En, skielik, nog \u2019n week en \u2019n bietjie later was dit die huweliksherdenking.<\/p>\n
So, wat geskenke soek en aanskaf betref, is die laaste drie maande van die jaar vir ons (en veral vir die pa en sy beursie) \u2019n blitzkrieg.<\/p>\n
As ek dus van einde Oktober vriende en kennisse in die winkels raakloop wat vra hoe my Kersinkopies vorder, glimlag ek net senuagtig.<\/p>\n
Teen einde November, as almal doelgerig deur die winkels drafstap, gooi ek \u2019n blinde oog en \u2019n flou verskoning indien nodig. Ek fokus op my oudste spruit se verjaardag.<\/p>\n
As mense geskenkgeselsies aanknoop begin Desember, knip-knip my linkeroog onwillekeurig en probeer ek nie eens verduidelik hoe geskenksoekvoos ek reeds is nie. Ek voel soos \u2019n onpraktiese persentepamflet. Want. Ek. Kon. Nog. Nie. Aan. Kerspersente. Dink. Nie. (En. Wil. Ook. Nie.)<\/p>\n
Vanoggend egter, met \u2019n onbeplande draai deur die winkels om \u2019n huweliksherdenkinggeskenk beter nommerpas te maak, het ek weer eens besef hoekom ek nie \u2019n blymoedige engel is hierdie tyd van die jaar nie.<\/p>\n
Dit gaan nie oor die fisiese en materialistiese marteling nie. Hoewel, die b\u00f4gger wat my hakskeen met \u2019n winkeltrollie probeer af ry het terwyl ek teenaan \u2019n winkelvenster met \u2019n vriendin staan en gesels, was \u2019n fisiese en figuurlike pyn.<\/p>\n
Of ek die jaar \u2019n ekstra vryskutmeevallertjie het, al dan nie \u2013 dit gaan oor die verwagtinge wat vir ons ingeprent word: Geskenke, samesyn, bon homie \u2013 alles word verwag, ongeag of jy nog die fisiese en emosionele kapasiteit daartoe het.<\/p>\n
Na \u2019n jaar soos vanjaar met al sy se\u00ebninge en vreugde, maar ook \u2019n goeie skoot hartseer en bekommernis, wil hierdie introvert eintlik net die blindings dig trek en onder die duvet verdwyn met \u2019n vergewensgesinde boek wat geen onrealistiese verwagtinge stel nie.<\/p>\n
In hierdie moegste tyd van die jaar, voel dit asof mens se senueindpunte almal ontbloot is. Bekommernisse is feller, emosies meer intens, eensaamheid word \u2019n werkwoord.<\/p>\n
Daar is die groot gemis van mense wat mens graag in jou binnekring in die feestyd wil h\u00ea.<\/p>\n
Vir party van hulle sou mens duur geskenke wou koop. Vir ander sou mens bloot die geskenk van tyd wou gee. Tyd vir hulleself om te genees van \u2019n lewensbedreigende siekte. Tyd vir heelword. Tyd vir sommer net menswees saam met die mense waarmee hulle die graagste sou wou wees.<\/p>\n
Ek vermoed almal van ons mis vanjaar iemand aan ons feestafel.<\/p>\n
Ek het so drie jaar gelede iets geskryf vir mense na aan my wat na iemand verlang oor die feestyd.<\/p>\n
Ek weet vanjaar is daar soveel ander wat iemand mis.<\/p>\n
Om iemand – begrawe of lewendig weg uit jou kring – te onthou in hierdie tyd van die jaar, is nooit maklik nie.<\/p>\n
Aan almal vir wie Kersfees vanjaar anders is en vol verlange \u2013 om watter rede ookal – dra ek hierdie op:<\/p>\n
Le\u00ebstoel Kersfees<\/em><\/p>\n Die oudstes het gaan skuinsl\u00ea<\/em><\/p>\n Kersete is verby<\/em><\/p>\n Jou naam is nie onges\u00ea nie en ek kon sien almal ly<\/em><\/p>\n Jou stoel was s\u00f3 leeg<\/em><\/p>\n Ons tafel was onewe<\/em><\/p>\n Ek moes telkens terugtel tot net sewe<\/em><\/p>\n Die stormwind het effens bedaar<\/em><\/p>\n Dis \u2019n Somerkersdag in Worcester<\/em><\/p>\n En ek wonder hoe lyk dit d\u00e1\u00e1r waar jy Kersfees vier aan Sy voete<\/em><\/p>\n Is dit regtig mooier daar en loer jy af na hier? Want ons harte bly swaar\u2026 Ons wou s\u00f3 bitter graag nog \u2019n Kersfees met jou vier.<\/em><\/p>\n","protected":false},"excerpt":{"rendered":" Om iemand – begrawe of lewendig weg uit jou kring – te onthou in hierdie tyd van die jaar, is nooit maklik nie. Aan almal vir wie Kersfees vanjaar anders is en vol verlange \u2013 om watter rede ookal – dra ek hierdie op … Blog deur Ina Genade. Foto Valeria Boltneva, Pexels<\/p>\n","protected":false},"author":8,"featured_media":89495,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[682,55176,3476],"tags":[104,1245,6560,23450],"class_list":["post-89491","post","type-post","status-publish","format-standard","has-post-thumbnail","hentry","category-blogs","category-ina-genade","category-ontspanning","tag-kersfees","tag-bloggers","tag-christmas","tag-entertainment"],"acf":[],"yoast_head":"\n