Vince is die man wat Erik aangestel het om hulle te martel voor hulle die berg aanpak. Hy het Kilimanjaro glo al vyf keer geklim en op sy lys oorwinnings was ook verskeie ander imposante bergpieke en aksieman-dinge.<\/p>\n
Na deeglike mediese ondersoeke het die eerste sessie saam met Vince aangebreek. Magriet het gou besef Simon, die spiertier wat haar en Mariaan van \u2019n middeljarige hartaanval gered het (volgens hom), is\u00a0\u2019n amateur as dit by sadisme kom. Vince was\u00a0\u2019n genadelose kaalkop man wat beslis\u00a0\u2019n milit\u00eare streep in hom het. Hy het Magriet van die eerste af oomblik ge\u00efntimideer en sy het dieselfde ou vrees gekry wat sy op skool in die liggaamsoefeningklas gekry het. Vince was net\u00a0\u2019n erger weergawe van juffrou Siebies en sy het geweet sy gaan bloed sweet voor sy Erik se ring aan haar vinger kan kry.<\/p>\n
\u201cEk gaan julle fisiek en geestelik voorberei. Ek waarsku julle nou al, Kilimanjaro is nie jou speelmaat nie. Gaan julle die lang of die korter roete kies?\u201d<\/p>\n
\u201cDie korter ene!\u201d Het Magriet dit byna uitgegil.<\/p>\n
\u201cEk is bly jy klink so opgewonde, Mevroutjie,\u201d het Vince met\u00a0\u2019n tikkie verborge sarkasme ges\u00ea.<\/p>\n
\u201cMagriet. Noem my asseblief Magriet.\u201d En daarmee het sy Vince laat verstaan dat sy haar nie gaan laat onderkry nie.<\/p>\n
\u201cA\u00ebrobiese oefeninge kom eerste.\u201d Magriet was verlig. Sy het as student in\u00a0\u2019n Jane Fonda-pakkie nogal die a\u00ebrobiese oefeninge geniet.<\/p>\n
\u201cMens noem dit kardio. Ek moet julle a\u00ebrobiese metabolisme opbou. Dis sluit in draf, swem, fietsry en stap. Teen\u00a0\u2019n stywe pas.\u201d<\/p>\n
Magriet het gewonder of sy nog in haar Jane Fonda-pakkie sou pas.<\/p>\n
Vince het vertel hoe\u00a0\u2019n sterk kardiovaskul\u00eare stelsel hulle sal help om die beperkte suurstofvlakke op die berg beter te hanteer.<\/p>\n
Magriet het haar verbeel Vince dink sy is te lig in die broek vir “Kili,” soos hy die berg liefdevol noem.<\/p>\n
\u201cEk het al ouer en meer onfikse vroue afgerig om die berg te klim.\u201d<\/p>\n
Magriet het haar vererg.<\/p>\n
\u201cEk dink Erik is onfikser as ek. Jy sal sien, ek is reeds fiks.\u201d<\/p>\n
\u201cMevroutjie, soos ek al vir baie ander voor jou ges\u00ea het,\u00a0\u2019n paar sessies per week by jou voorstedelike gimnasium is nie genoeg om Kili uit te klim nie. Dis wat ek noem fiksheid vir huisvroutjies. Dis nie ware fiksheid nie.\u201d<\/p>\n
Magriet kon sien hoe Erik agter sy hand proes. Haar bloeddruk het die hoogte ingeskiet en sy was lus en kill <\/em>Vince voor sy \u201cKili\u201d aanpak.<\/p>\n \u201cEk het jou reeds ges\u00ea my naam is Magriet, en ek is nie\u00a0\u2019n huisvroutjie nie. Kan ons maar begin met jou program?\u201d<\/p>\n Magriet was na die tyd nie seker of Erik Vince opgesteek het om haar kwaad te maak nie, want Erik het maar te goed geweet dat\u00a0\u2019n effense tikkie chauvinisme haar rooi laat sien. Sy het daardie oomblik besluit sy sal die snedige man wys wat sy kan doen, al kill<\/em> dit haar.<\/p>\n Vince moes seker gesien het dat elke krul op Magriet se kop regop staan van ergernis en hy het hulle begin waarsku dat al is hulle hoe fiks, hulle nie Kili teen\u00a0\u2019n te stywe pas moet klim nie.<\/p>\n \u201cDaarvoor hoef jy nie te vrees nie,\u201d het Erik gelag. \u201cOns wil darem ook die uitsig geniet!\u201d<\/p>\n Magriet was sommer vir Erik ook de joos in en sy het nie geweet of hulle verhouding, wat naas die kantoorhemp-episode nog nie behoorlik afgeskop het nie, die drie maande voorbereiding gaan oorleef nie.<\/p>\n Met die laaste Park Run wat Magriet en Mariaan in die waas van hulle Simon-ge\u00efnduseerde-fiksheid probeer aanpak het, het hulle elk drie sessie by\u00a0\u2019n fisio nodig gehad. Vince se aankondiging dat hulle drie keer \u2019n week ten minste 6-12 km moet hardloop voor hulle naastenby fiks is, het haar laat besef sy sal haar mediese fonds moet opgradeer en haar testament moet hernu.<\/p>\n Haar besluite is bevestig deur Vince se aankondiging dat hulle ook die spiere in hulle bene, maag en torso moet versterk.<\/p>\n \u201cLunges, squats, leg-curls, step aerobics, Kettle-bell rows … sit-ups …\u201d Het Vince sy program afgerammel.<\/p>\n Sit-ups … sy het gevoel hoe haar handpalms begin sweet soos toe juffrou Siebies haar op skool deur op-sitte verskree het.<\/p>\n \u201cHoor jy Grieta? Ons moet so veel staproetes doen as wat ons kan! Lekker! Dit gaan wees soos toe ons aan die Voetslaan-klub op universiteit behoort het!\u201d<\/p>\n Erik het beslis die verkeerde idee van\u00a0\u2019n behoorlike staproete, het Magriet besef. Hulle sogenaamde stapklub op universiteit se aktiwiteite was nie juis iets wat mens as\u00a0\u2019n volwaardige staproete kon beskryf nie. Hulle het gewoonlik so 5 km die bos ingestap en dan vir\u00a0\u2019n week wyn gedrink en op hangmatte ontspan.<\/p>\n \u201cStaptogte vir gemiddeld vyf uur op\u00a0\u2019n slag op\u00a0\u2019n ruwe terrein. Daar moet steil heuwels wees.\u201d<\/p>\n Dit het nie gelyk of Erik ontsenu raak nie.<\/p>\n Vince het aangekarring oor die regte skoene wat ingestap moet word en uiteindelik by die geestesvoorbereiding gekom.<\/p>\n \u201cEk kan sien jy het\u00a0\u2019n sterk wil, Mevrou … ee … Magriet. Ek waarsku julle nou al julle gaan\u00a0\u2019n paar keer in die volgende maande, en selfs teen Kili se steiltes, lus wees om op te gee. Dan moet jy jou hakskene in die grond kan vastrap en aangaan. Jy moet in jou geestesgesondheid indelf vir krag.\u201d<\/p>\n Magriet het gewonder of Vince weet hoe dit voel om beide jou borste te verloor. Hoe dit voel as die man wat veronderstel is om jou anker tot op jou oudag te wees, jou inruil vir\u00a0\u2019n\u00a0freshie<\/em>. Daar was dae wat sy net onder haar duvet wou wegkruip, dae wat haar geestelike en fisieke reserwes uitgeput was.<\/p>\n \u201cJy moet groot eise aan jouself stel. Jy moet die opwinding voel as jy\u00a0\u2019n marathon voltooi. Jy moet verder as jou limiet kan gaan. Wat mens nodig het voor jy Kili kan klim, is daardie krag wat mens moet uitgrawe as jy by die laaste paar kilometer van\u00a0\u2019n marathon is en jy voel jy kan nie meer aangaan nie. Daardie krag wat jou gees en liggaam in\u00a0\u2019n outomaat verander wat kan aangaan en oor die eindstreep hardloop.\u201d<\/p>\n Magriet het presies verstaan wat Vince bedoel. Sy het al verder as haar limiet gegaan om die krag te kry om weer aan te gaan. Selfs verder as wat sy gedink het sy kon gaan.<\/p>\n","protected":false},"excerpt":{"rendered":" “Magriet het gewonder of Vince weet hoe dit voel om beide jou borste te verloor. Hoe dit voel as die man wat veronderstel is om jou anker tot op jou oudag te wees, jou inruil vir\u00a0\u2019n\u00a0freshie. Daar was dae wat sy net onder haar duvet wou wegkruip, dae wat haar geestelike en fisieke reserwes uitgeput was.” Lees hoofstuk 28 van Grieta hier. Deur Martie Swanepoel. Foto Pixabay<\/p>\n","protected":false},"author":8,"featured_media":89449,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[43452,3476],"tags":[1393,1471,3230,23450,1258,1392],"class_list":["post-89446","post","type-post","status-publish","format-standard","has-post-thumbnail","hentry","category-lees","category-ontspanning","tag-books","tag-kortverhale","tag-vervolgverhale","tag-entertainment","tag-lees","tag-short-stories"],"acf":[],"yoast_head":"\n