{"id":88137,"date":"2018-01-01T06:00:14","date_gmt":"2018-01-01T04:00:14","guid":{"rendered":"https:\/\/novanews.co.za\/rooirose\/?p=88137"},"modified":"2022-10-07T11:05:20","modified_gmt":"2022-10-07T09:05:20","slug":"kaapstad-port-elizabeth-en-durban-reis-slim","status":"publish","type":"post","link":"https:\/\/novanews.co.za\/rooirose\/kaapstad-port-elizabeth-en-durban-reis-slim\/","title":{"rendered":"Kaapstad, Port Elizabeth en Durban: reis slim"},"content":{"rendered":"

Tydens die Desembervakansie raak Suid-Afrika se kusstede oorvol. Luane Lavery, handelsmerk-kommunikasiebestuurder van British Airways en kulula.com, het blink planne vir aktiwiteite en kuierplekke wat jou meer leefruimte kan gee.<\/p>\n

Oorweeg dit om na jou bestemming te vlieg en daar \u2019n voertuig te huur. So spaar jy stresvolle ure agter die stuur, en kom jy meer uitgerus by jou vakansieplek aan.<\/p>\n

 <\/p>\n

Kaapstad<\/h4>\n

Selfs wanneer julle met jul eie motor kus toe ry of een daar huur, gaan jy met verkeersopeenhopings<\/strong> te doen kry. Span die motor vir langer ritte in en gebruik openbare vervoer vir korter afstande. Die doeltreffende MyCiti blits-busstelsel in Kaapstad werk met \u2019n veegkaart (swipe card<\/em>) en op die meeste roetes is daar elke vyf minute \u2019n bus. Anders as die stad se treinstelsel is die busse betroubaar en veilig, en die toegewese buslane verseker vinnige, maklike toegang tot uithangplekke en besienswaardighede soos die Bo-Kaap, Distrik Ses of die Kompanjie Botaniese Tuine; Kampsbaai, Llandudno, Seepunt en Big Bay se strande; en saans Mouille- en Groenpunt of Kloof- en Langstraat.<\/p>\n

 <\/p>\n

Op die meeste roetes is daar elke vyf minute \u2019n bus<\/em><\/h4>\n

 <\/p>\n

Neem byvoorbeeld die bus na die V&A Waterfront en eet daar ontbyt. Besoek \u2019n strand, gaan na Melkbosstrand of Houtbaai vir middagete, neem vlie\u00ebrski-lesse by Blouberg, en neem dan \u2019n bus na die Tafelberg-kabelkarstasie vir \u2019n skemerkelkie op die kruin (sien myciti.org.za<\/a>)<\/p>\n

As jy eerder self bestuur, kan jy uit lieflike, w\u00eareldbekende roetes kies. Dink maar aan Chapman\u2019s Peak, die Drive op die Atlantiese kusstrook, Clarens Drive op die Valsbaaikus, en die heropende M4-roete al langs die suidelike skiereiland na Simonstad en Kaappunt.<\/p>\n

 <\/p>\n

Port Elizabeth<\/h4>\n

Hier is talle aanloklikhede soos warm seewater, gasvrye mense en markte, maar bo en behalwe die popul\u00eare strande wag daar versteekte juweeltjies. Jy kan byvoorbeeld \u2019n dag by Sardiniabaai deurbring \u2013 swem, snorkel, en lekker rondl\u00ea. Weens die verskuiwende sandduine moet strandgangers \u2019n paar honder meter van die parkeerplek loop, dus mag daar minder mense wees as in die stad. Jy kan ook \u2019n deel van die Sacramento-staproete (of die volle roete) aandurf. Mik daarna vir die Cork Wine Garden in Walmer en beloon jouself met tapas en uitsonderlike kase, brode en vleise.<\/p>\n

 <\/p>\n

Durban<\/h4>\n

Nes Port Elizabeth is Durban<\/a> se water heerlik warm, en baie Gautengers stroom hierheen vir die Kersvakansie. Dit beteken die paaie, winkelsentrums en strande wemel van mense. Oorweeg Luane se voorstelle:<\/p>\n