{"id":87187,"date":"2017-11-30T16:06:53","date_gmt":"2017-11-30T14:06:53","guid":{"rendered":"https:\/\/novanews.co.za\/rooirose\/?p=87187"},"modified":"2017-12-07T16:20:15","modified_gmt":"2017-12-07T14:20:15","slug":"tennis-jou-kind-en-sonsteek","status":"publish","type":"post","link":"https:\/\/novanews.co.za\/rooirose\/tennis-jou-kind-en-sonsteek\/","title":{"rendered":"Tennis: jou kind en sonsteek"},"content":{"rendered":"

\u00b0Die menslike liggaam kan net vir \u2019n rukkie by \u2019n kerntemperatuur van 41 \u00b0C oorleef. Maar ons vergeet dat dit tot 50% warmer is op \u2019n tennisbaan as op die grasperke en onder die sambrele langs die baan. \u2019n Dagtemperatuur van selfs net 30 \u00b0C kan op die tennisbaan opstoot na diep in die dertigs. Tog speel ons kinders gereeld tennis op dae wat die temperatuur op 36 \u00b0C en selfs 38 \u00b0C staan. Op die tennisbaan stoot sulke temperature vir seker op tot bo 40 \u00b0C.<\/p>\n

Moet jou kind op tipiese Februarie-dae tennis speel?<\/p>\n

Draf jy en\/of jou man soms en selfs gereeld saam met die kinders op die tennisbaan? Mooi so! Die International Tennis Federation<\/em>, wat tennis onder alle ouderdomme help bevorder, s\u00ea hoe ouer jy raak, hoe meer tas hitte jou aan. Al die wenke vir jou kinders is net so voordelig vir julle.<\/p>\n

 <\/p>\n

Wat is die maksimum temperatuur vir veilige tennis?<\/h4>\n

Dit hang af van \u2019n verskeidenheid faktore,\u00a0s\u00ea Liza Duckitt, sportwetenskaplike wat in kondisionering spesialiseer. Sy werk in die Paarl, \u2019n Bolandse dorp wat berug is vir sy kookwarm somersdae.<\/p>\n

“Jou kind kan tennnis speel solank sy liggaam in staat is om sy temperatuur onder 40 \u00b0C<\/strong> te hou. Die liggaam koel af deur te sweet<\/a>. Die vraag is dus nie hoe warm dit is nie, maar of die omgewing toelaat dat jou kind doeltreffend genoeg kan sweet om af te koel.”<\/p>\n

“Sweet, hidrasie, temperatuur en humiditeit be\u00efnvloed mekaar direk. Mens kan heelwat doen om koel te bly op die tennisbaan.”<\/p>\n

 <\/p>\n

Hoe om jou kind te help om sy beste tennis te speel, selfs op baie warm dae<\/h4>\n

1. Kweek hitte-verdraagsaamhei lank voor Februarie\u00a0<\/em><\/strong><\/p>\n

Die liggaam is wonderlik aanpasbaar, en kan leer om uitstekend by ho\u00eb temperature te funksioneer, s\u00ea Liza. “Maar dit neem tyd. As jou kind in die lente begin speel en regdeur die somer bly speel, is hy teen Februarie goed in staat om hitte te hanteer. As hy eers teen middel Januarie begin speel en nie aan hitte gewoond is nie, gaan hy nie dieselfde mate van hitte-verdraagsaamheid as’n ander tennisspeler h\u00ea nie.”<\/p>\n

2. Laat hom in gepaste tennisklere speel<\/em><\/strong><\/p>\n

“Kinders wil almal koel lyk. Dit is reg, solank hulle bly by los klere wat lug deurlaat sodat hulle kan afkoel. Die nuwe materiale is juis ontwerp om sweet deur te laat.\u00a0Laat jou kind hou by ligter kleure. Dit weerkaats sonlig, wat help dat hy koeler bly. Ek sal tog aanraai dat ouers bel\u00ea in \u2019n geskikte hemp of twee vir warm dae.”<\/p>\n

3. Kies \u2019n koeler haarstyl<\/em><\/strong><\/p>\n

“Die regte haarstyl kan \u2019n groter verskil maak as wat mens sou verwag, veral as jou kind maklik warm kry. Probeer \u2019n poniestert of korter, losser hare vir jou dogter – enige styl wat help dat sweet op die kop maklik verdamp.”<\/p>\n

4. Speel met \u2019n piek of hoed wat lug deurlaat<\/em><\/strong><\/p>\n

“Party mense kla dat hoede hulle warmer hou. Maar dit beskerm die gesig teen sonbrand<\/a>.<\/p>\n

5. Kry \u2019n goeie sportsonskerm<\/em><\/strong><\/p>\n

Ons son is kwaai. Ons weet ook dat sonblootstelling eers na baie jare in\u00a0velkanker<\/a>\u00a0kan ontwikkel. Daarom is \u2019n sonskerm met \u2019n SPF van minstens 30 ononderhandelbaar.<\/p>\n

“Laat jou kind se velkleur jou lei. ‘n Kind met ‘n blas en donker vel kan wegkom met ‘n SPF 30. Hoe ligter, hoe ho\u00ebr moet die SPF wees. Blonde kinders moet die hoogste moontlike SPF gebruik – ten minste 50. As jy nie weet watom te kies nie gebruik liewer ‘n ho\u00ebr SPF as ‘n laer een.<\/p>\n

“En onthou, as jou kind \u2019n toernooi speel, moet hy elke twee ure weer sonskerm aanwend. Hulle sweet en vee dit af.”<\/p>\n

6. Kies die beste drankie vir hidrasie<\/em><\/strong><\/p>\n

Die Internasionale Tennisfederasie<\/a>\u00a0(ITF), onder wie die groot Grand Slams soos Wimbledon en die Australiese Ope val, beveel doodgewone water<\/a> aan.<\/p>\n

Hulle s\u00ea sportdrankies met meer as 5 g suiker per 100 ml vloeistof (kyk op die etiket) bly langer in die maag as skoon water. Gevolglik neem dit die liggaam langer om vog daaruit op te neem as uit water. Dit maak water \u2019n beter drankie as vrugtesappe en sportdrankies wat tipies van 10 g tot 40 g suiker per 100 ml bevat.<\/p>\n

Liza stem saam: “Sportdrankies bevat eintlik te veel suiker. Water is heeltemal goed genoeg vir gewone wedstryde en oefensessies van onder twee uur. As jou kind tog lus is daarvoor, verdun dit om die helfte met water.”<\/p>\n

7. Laat hom \u2019n halfuur voor tennis reeds begin water drink<\/em><\/strong><\/p>\n

Die ITF s\u00ea tennisspelers kan tot vier liter water binne \u2019n uur van harde spel uitsweet. Terselfdertyd kan die liggaam nie meer as 1.5 liter in \u2019n uur opneem nie. Om die stadiger opname met die vinniger verlies te versoen, beveel hulle aan dat tennisspelers rondom\u00a0500 ml (2 koppies) vloeistof in die halfuur voor die wedstryd of oefensessie drink. So bou hulle \u2019n stewige voorsprong op.<\/p>\n

8. Verskaf deurlopend water<\/em><\/strong><\/p>\n

Die belangrikste ding op die tennisbaan is om heeltyd gehidreerd te bly, s\u00ea Liza. “Sorg dat jou kind met vrymoedigheid tydens die wedstryd tyd neem om water te drink. Sowat 200 ml water na elke twintig minute is \u2019n goeie riglyn.”<\/p>\n

9. Evalueer die soort hitte<\/em><\/strong><\/p>\n

Sweet verdamp baie moeiliker in \u2019n klam klimaat met \u2019n ho\u00eb humiditeit, terwyl jy jouself makliker koel sweet in \u2019n dro\u00ebr omgewing waar verdamping makliker plaasvind.<\/p>\n

Kortom, dit is gevaarliker om tennis te speel by \u2019n laer temperatuur met \u2019n ho\u00ebr humiditeit as by \u2019n ho\u00ebr temperatuur in \u2019n dro\u00ebr klimaat met \u2019n laer humiditeit.<\/p>\n

Die\u00a0Amerikaanse weerdiens het \u2019n tabel opgestel om jou te help om die wisselwerking tussen humiditeit, temperatuur en veiligheid vir sport te evalueer.\u00a0Kry die tabel\u00a0\u00a0hier<\/a>\u00a0as jy wil sien hoe veilig die temperatuur\/humiditeit dit op die oomblik vir tennis maak.<\/p>\n

As algemene riglyne<\/strong>: Hou die weersvoorspelling dop en wees baie versigtiger vir hittte-uitputting by temperature bo 32\u00a0\u00b0C en\/of \u2019n humiditeit bo 60%.<\/p>\n

10. Moenie tydens \u2019n wedstryd droog aantrek nie<\/em><\/strong><\/p>\n

Dit lyk asof jou kind gemakliker moet voel as hy na \u2019n harde stel sy klewerige, natgeswete hempie verruil vir \u2019n vars een. Maar dit werk nie, s\u00ea die ITF. Volgens hulle is dit\u00a0beter om in sy papnat hemp te bly speel. Die rede? Afkoeling begin eers as die hemp deurnat gesweet is. Dus begin jou kind eers afkoel nadat die nuwe hemp papnat van die sweet is, wat \u2019n goeie tydjie kan neem. Die skoon hemp vertraag dus afkoeling.<\/p>\n

11. Koel tussenin af<\/em><\/strong><\/p>\n

Help hom eerder om op ander maniere sy liggaamstemperatuur af te bring, s\u00ea die ITF:<\/p>\n