{"id":86935,"date":"2017-11-22T16:46:41","date_gmt":"2017-11-22T14:46:41","guid":{"rendered":"https:\/\/novanews.co.za\/rooirose\/?p=86935"},"modified":"2017-11-23T11:33:03","modified_gmt":"2017-11-23T09:33:03","slug":"anne-hirsch-gesels-oor-the-great-south-african-bake-off","status":"publish","type":"post","link":"https:\/\/novanews.co.za\/rooirose\/anne-hirsch-gesels-oor-the-great-south-african-bake-off\/","title":{"rendered":"Anne Hirsch gesels oor The Great South African Bake-Off"},"content":{"rendered":"

BBC Suid-Afrika<\/strong> se The Great South African Bake-Off<\/a> is nou al in sy derde seisoen en net so aanloklik soos die eerste twee. Dit word Donderdagaande om 20h00 uitgesaai en vir nege weke lank word daar gesoek na die beste amateurbakker. Die beoordeelaars is sjefs Tjaart Walraven<\/strong> en Zola Nene<\/strong>, en die aanbieders is Lentswe Bhengu<\/strong> en Anne Hirsch.<\/strong>\u00a0Anne vertel ons meer van hierdie ervaring.<\/p>\n

 <\/p>\n

Wat geniet jy van die derde seisoen van Bake-Off?<\/h4>\n

Dis soos altyd vol drama, intrige, \u2019n paar “soggy bottoms”<\/em>\u00a0en fantastiese skeppings. Kortliks, \u2019n ware Suid-Afrikaanse sepie. 12 diverse en charismatiese bakkers, 2 streng beoordelaars, my mede-aanbieder Lentswe Bhengu<\/strong> en natuurlik die heel belangrikste (vir my ma): ek!<\/p>\n

Kyk hier na Anne se toer agter die skerms<\/a> van die Great South African Bake-Off-tent.<\/p>\n

 <\/p>\n

\u00a0Jy en\u00a0Lentswe maak\u00a0\u2019n skreeusnaakse span. Wat dra julle, afsonderlik, by tot die aanbieding?<\/h4>\n

Hy is soos my broer op die show<\/em> en ons geniet ons saamspeel verskriklik. Lentswe is \u2019n volwaardige en professionele sjef, maar van bak weet ons albei ewe min. Dus is elke dag in die tent ietwat van \u2019n ervaring. Ons sien ons rol op die program minder as “aanbieders” en meer as die bakkers se besties<\/em>, altyd byderhand vir \u2019n skouer om op te huil, \u2019n high-five<\/em>\u00a0en ek dink meeste van die tyd \u2019n afleiding van die intensiteit wat bou in die tent.<\/p>\n

\"GSABO3_Ep1__Presenters_0281\"<\/p>\n

 <\/p>\n

Maak Lentswe en die beoordelaars (wat ook kokke is), ooit vir jou kos?<\/h4>\n

Nee! Sjoe, nou dat jy dit noem! Tjaart,<\/strong> Zola<\/strong> en Lentswe<\/strong>, ek weet julle lees nou die artikel \u2013 hoekom maak julle nooit vir my kos nie?! Ons moet praat …<\/p>\n

 <\/p>\n

Was daar al ooit iets verskriklik sleg wat jy op die program moes eet?<\/h4>\n

Hierdie seisoen se “Nagereg-week” <\/strong>het nogal \u2019n paar interessante vlaskywe opgedien … Die tegniese uitdagings kan baie moeilik wees, veral omdat die beoordeelaars dele van die resep van die bakkers weerhou. Dus laat ek en Lentswe altyd eers vir Zola en Tjaart proe \u2013 quality control<\/em>.<\/p>\n

 <\/p>\n

Is jy ook \u2019n bakker? Of is jy meer \u2019n eter van gebak? En wat is jou gunsteling?<\/h4>\n

Ek’s definitief \u2019n eter. Ek het laas op skool \u2019n sjokoladekoek – uit \u2019n boks – gebak, en as ek dit nie mis het nie, was selfs dit \u2019n flop<\/em>. Ek is mal oor cr\u00e8me br\u00fbl\u00e9e, kaaskoek en alle brode. Solank ek dit nie self hoef te bak nie, is ek \u2019n dankbare gas om enige sjef se tafel.<\/p>\n

 <\/p>\n

Uit al drie seisoene wat jy al aangebied het, wat was tot dusver die snaaksste oomblik?<\/h4>\n

Daar is so baie behind-the-scenes<\/em>-oomblikke wat ons laat skaterlag. Tjaart het in seisoen 2 probeer om homself baie mooi in te hou toe een van die bakkers koeksoda in stede van suiker gebruik het. Sy gesig toe hy moes proe bly nogsteeds by my \u2026 in my nagmerries.<\/p>\n

\"GSABO3_Ep6_Anne_729\"<\/p>\n

 <\/p>\n

Waarmee anders is jy op die oomblik besig?<\/h4>\n

My YouTube-<\/strong>program,\u00a0The Anne Hirsch Show<\/a>,\u00a0<\/em>is weer terug op die internet en ons geniet onsself gate uit met al die mANNE<\/strong>wales. My maatskappy Hirsch Productions<\/strong><\/em> vervaardig menige komedie-aande regoor die stad en dan skryf en doen ek hierdie jaar baie meer regiewerk. En natuurlik maak ek ook tyd om The Great South African Bake Off<\/strong><\/em> te kyk!<\/p>\n

 <\/p>\n

Jy gesels elke week met \u2019n ander bekende persoon op The Anne Hirsch Show<\/em>. Wat was van jou gunsteling-onderhoude?<\/h4>\n

Daar was al \u2019n hele paar uitstaan-oomblikke, byvoorbeeld om te rap<\/em> saam met Jack Parow<\/strong>, om gesoen te word deur Gareth Cliff<\/strong>, om \u2019n bikini-fotosessie te deel met Candice Boucher<\/strong> en natuurlik toe ek en Emo Adams<\/strong> ons weergawe van Dirty Dancing<\/em> gedoen het. Dit is \u2019n wonderlike rollercoaster<\/em>.<\/p>\n

 <\/p>\n

Jy is deel van \u2019n improvisasie-groep. Vertel ons meer hiervan. Wat is die belangrikste deel van improvisering?<\/h4>\n

Ek vorm deel van Improguise<\/strong><\/em>, Suid-Afrika se oudste improvisasie groep. Alhoewel jy jou tegniek kan verbeter, kan mens nie vir improvisasie voorberei nie. Die kern daarvan is: s\u00ea “ja” vir alles. As iemand \u2019n aanbod op die verhoog maak, byvoorbeeld: “Anne, wil jy \u2019n verjaarsdagkoek bak?” en jy s\u00ea “Nee,” dan het die toneel n\u00earens heen om te gaan nie. Maar as jy “ja” s\u00ea, het ons die begin van \u2019n toneel waar ek \u2019n koek bak uit \u2019n boks wat hopelik nie<\/em> gaan flop nie.<\/p>\n

 <\/p>\n

Jy het teenoor Stephen Fry in die 2011 BBC-fliek The Borrowers <\/em>gespeel.\u00a0Hoe het dit gebeur en hoe was die ervaring?<\/h4>\n

Ek is gevra om \u2019n oudisie te doen. Stephen Fry<\/strong> is een van my ikone en dit was \u2019n droom wat waar geword het, veral op so jong ouderdom. Hy is ontsettend slim en nederig en natuurlik baie Brits.<\/p>\n

 <\/p>\n

Corpse*<\/em> jy gereeld in jou shows<\/em>, of kry jy dit reg om nie te lag nie?<\/h4>\n

Oh vrek ja, veral op die improv-verhoog, want jy weet nooit wat volgende gaan gebeur nie. Op The Anne Hirsch Show<\/strong> corpse<\/em> ek heelwat minder, want my karakter vat haarself verskriklik ernstig op as \u2019n\u00a0celeb-stalker<\/em>, maar daar was al \u2019n hele paar oomblikke waar dinge uitmekaar val.<\/p>\n

*Corpse<\/em> is wanneer \u2019n akteur onopsetlik uit karakter breek deur te begin lag vir iets.<\/p>\n

 <\/p>\n

Jy neem jou program op by Zootee Studios<\/em><\/a>\u00a0in Kaapstad wat deur \u2019n 100% vroulike span bestuur word. Hoekom is dit belangrik dat meer vroue betrokke raak by die produksie van films en media in ons land en tyd?<\/h4>\n

Dit gaan als oor verteenwoordiging. 51% van die populasie bestaan uit vroue maar as ons net produksies het wat uit \u2019n manlike ervaring geskryf en gemaak word, word ons stories nooit eerlik vertel nie en ons stemme raak verlore. Dis bitter belangrik dat ons verteenwoordiging in die media het. Jong meisies moet hulself op die kassie kan sien as presidente, aksie-helde, dokters en so meer sodat hulle kan begin om hulself in daardie rolle te verbeel en nie net die superhero<\/em> se sexy liefdesbelangstelling nie. Hulle moet die superhero<\/em> wees!<\/p>\n

 <\/p>\n

Waaroor voel jy baie sterk?<\/h4>\n

Ek staan ernstig agter organisies soos Rape Crisis<\/a> en ek dink die werk wat hulle doen is bitter belangrik.<\/p>\n

 <\/p>\n

Wat vind jy snaaks?<\/h4>\n

Die absurde. As kind was ek mal oor al die Monty Python<\/strong> <\/em>en Black Adder<\/strong><\/em>-programme. Ek is mal oor chaos op die verhoog waar mens nie weet wat volgende gaan gebeur nie. En dis daardie element van verrassing wat my laat skaterlag.<\/p>\n

 <\/p>\n

Wat is die lekkerste ding wat jy al op skerm gedoen het?<\/h4>\n

Iets wat my altyd sal bybly is toe ek trompoppies saam met Helen Zille<\/strong> op The Anne Hirsch Show<\/em><\/strong> gedoen het; dit was weird<\/em> en nogal amazing<\/em>!<\/p>\n

 <\/p>\n

Jy hou van woordspeling. Wat is jou gunsteling-pun<\/em>?<\/h4>\n

Ek weet nie van puns<\/em> nie maar ek wou nog altyd Japun<\/em> toe gaan vir acupun<\/em>cture. Ek meen ek wil nou nie Pun<\/em>dora se boks oopmaak nie, veral as julle my gaan pun<\/em>ish, maar hulle noem my nie Rapun<\/em>zel vir niks nie!<\/p>\n

 <\/p>\n

Almal weet Angelina Jolie* is jou beste vriendin. Wat het julle die laaste keer gedoen toe julle saam gekuier het?<\/h4>\n

Ons het mekaar nogal lanklaas gesien want die jaar was vir ons albei nogal dol, maar ons het so paar weke gelede saam gaan karaoke en dit was \u2019n fees.<\/p>\n

*In The\u00a0Anne Hirsch Show<\/em><\/strong> beweer Anne<\/strong> dat sy en Angelina Jolie<\/strong> beste vriende is. Sy wys dan elke week aan haar gaste \u2019n gedokterde foto van hulle twee en probeer hulle oortuig dat dit waar is.<\/p>\n

Kyk hier na van die agter die skerms-pret tussen Anne en Lentswe by The Great South African Bake-Off<\/em>. Foto’s met vergunning BBC South Africa.<\/p>\n