{"id":86684,"date":"2017-12-13T06:00:25","date_gmt":"2017-12-13T04:00:25","guid":{"rendered":"https:\/\/novanews.co.za\/rooirose\/?p=86684"},"modified":"2017-11-24T09:25:49","modified_gmt":"2017-11-24T07:25:49","slug":"bennie-fourie-gesels-oor-vuil-wasgoed","status":"publish","type":"post","link":"https:\/\/novanews.co.za\/rooirose\/bennie-fourie-gesels-oor-vuil-wasgoed\/","title":{"rendered":"Bennie Fourie gesels oor Vuil Wasgoed"},"content":{"rendered":"

Die aksie-komedie Vuil Wasgoed<\/strong><\/em> is vanaf 8 Desember 2017 in fliekteaters landwyd te sien. Ons het met die skepper en hoofakteur van di\u00e9 film, Bennie Fourie<\/strong>, gesels en meer uitgevind oor die konsep daarvan.<\/p>\n

In\u00a0Vuil Wasgoed<\/strong><\/em> droom twee vriende, Wim en Kevin, al vir jare van hul eie koffiewinkel, maar terwyl hulle wag om di\u00e9 droom te bewaarheid, werk hulle tydelik in \u2019n klerewassery. Die probleem is dat “tydelik” sewe jaar geword het en dat die hoogtepunt van hulle bestaan steeds die leen van hul kli\u00ebnte se klere is om snags partytjies te “crash.<\/em>” Hierdie stelsel werk goed. Kevin is selfs naby daaraan om die liefde van sy lewe te kry, totdat \u2019n onderduimse juweelhandelaar verraai word, sy vinger afgesny word en di\u00e9 vinger in \u2019n baadjiesak by die wassery opeindig. Teen hulle wil word Wim en Kevin in \u2019n gevaarlike onderw\u00eareld ingesleep. Kort op hul hakke is twee broers met \u2019n rash<\/em>, \u2019n blinde handlanger, twee top-polisiebeamptes en \u2019n ongenaakbare verraaier. En iewers staan \u2019n skeepsvraghouer met \u2019n kosbare vrag en wag vir die hele spul om toe te sak …<\/p>\n

 <\/p>\n

Beskryf Vuil Wasgoed<\/em> in 10 woorde.<\/h4>\n

\u2019n Aksie-komedie so wild dat hy homself nie inperk om in slegs tien woorde beskryf te word nie.<\/p>\n

 <\/p>\n

Vertel ons van jou karakter, Kevin.<\/h4>\n

Kevin het saam met sy vriend Wim (gespeel deur Bouwer Bosch<\/strong>), \u2019n ontsaglike passie vir die 80’s.\u00a0 Hy streef na baie meer as waar hy homself op hede bevind agter die toonbank van \u2019n wassery. Die storie gaan in \u2019n mate oor Kevin wat moet beheer neem van sy lewe.<\/p>\n

\"Bennie<\/p>\n

 <\/p>\n

Jy het ook die draaiboek geskryf. Hoe het jy met die idee vorendag gekom?<\/h4>\n

Toe ek en Bouwer\u00a0Mooirivier<\/em> geskiet het, het ons by die Ocean Basket in Potchefstroom besluit om in te skryf vir die Silwerskermfees<\/a> se kortfilmkompetisie. Ons wou \u2019n storie maak oor twee ouens wat in diep moeilikheid beland. Ek het nog altyd gedink \u2019n wassery is \u2019n cool<\/em> plek en het besluit om dit daar te laat afspeel. Vandaar was dit net nodig om hulle in \u2019n regte moeilike situasie te plaas en myself so in \u2019n hoek in te skryf dat ek self nie weet hoe hulle uit die moeilikheid gaan kom nie …<\/p>\n

 <\/p>\n

Wat is jou gunstelingtoneel in die film?<\/h4>\n

Waar ek, Bouwer en Stiaan Smith<\/strong> se karakters sit en gesels om te hoor of hy (Stiaan se karakter) ons sal help. Dan stap sy dowe meisie in en hulle begin \u2019n vingertaal geveg reg voor ons.<\/p>\n

 <\/p>\n

En jou gunsteling “one-liner<\/em>“?<\/h4>\n

“Kom ons s\u00ea maar net iemand met athlete’s foot<\/em> het my op die gat geskop.”<\/p>\n

en<\/p>\n

“Dankie dat jy hier was<\/em>.”<\/em><\/p>\n

 <\/p>\n

Wie het die meeste ge-corpse*<\/em> tydens die opname van hierdie film?<\/h4>\n

Dis \u2019n close call<\/em> tussen my en Eduan Kitching<\/strong>, ons kinematograaf. Bouwer is meestal verantwoordelik daarvoor.<\/p>\n

*Corpse<\/em> is wanneer iemand uit karakter breek tydens verfilming en begin lag wat veroorsaak dat die toneel weer geskiet moet word.<\/p>\n

 <\/p>\n

Jy is goeie vriende met meeste van die akteurs in die film. Hoe was dit agter die skerms?<\/h4>\n

Meeste van die akteurs was betrokke by die kortfilm. So dit was regtig lekker om almal weer betrokke te h\u00ea met die tweede rondte. Almal het presies geweet watter tipe fliek ons maak, wat regtig baie gehelp het. Dis \u2019n absolute voorreg om saam met vriende films te kan maak.<\/p>\n

 <\/p>\n

Jy en Bouwer ken mekaar al lank en het al baie saam gewerk. So ook jy en Tim Theron.<\/h4>\n

Ek, Bouwer,\u00a0Tim en Stiaan se paaie het almal onderskeidelik op die PUK gekruis. Ek en Bouwer het eers aan die einde van ons universiteitloopbane vriende geraak. Ek en Tim was saam in \u2019n improvisasie komediegroep en ek en Stiaan het teen mekaar koshuistonele geskryf en afgerig. Die res van die mense het ek so langs die pad ontmoet soos ons die projek aan die gang gekry het.<\/p>\n

Lees ook ons onderhoud met Tim Theron oor Vuil Wasgoed.<\/p>\n

\"benniefscreenshot\"<\/p>\n

 <\/p>\n

Hoekom het julle besluit om \u2019n vollengte film te maak? Vertel ons ook van die Silwerskermtoekenning …<\/h4>\n

kykNET het na die sukses van die kortfilm ontwikkelingsgeld gegee om ons film in \u2019n groter projek te ontwikkel. Hulle wou aanvanklik \u2019n TV-reeks maak, maar ek wou graag \u2019n fliek daarvan maak. Hulle was baie oop vir die idee. Om die toekenning te wen was \u2019n massiewe oomblik in my lewe.\u00a0 Dit het deure baie vinniger oopgemaak as wat ek ooit voor kon wens. Dit is as gevolg van daai klein film wat ek vandag die voorreg het om te doen wat ek doen.<\/p>\n

 <\/p>\n

Wat is jou beste wasgoedwenk?<\/h4>\n

Was jou klere in kussingslope. Dit verniel minder en geen waspoeier kom op jou klere nie.<\/p>\n

Kyk hier na die lokprent van V<\/strong>u<\/em>il Wasgoed<\/strong><\/em>.<\/p>\n