{"id":86064,"date":"2017-11-08T11:53:59","date_gmt":"2017-11-08T09:53:59","guid":{"rendered":"https:\/\/novanews.co.za\/rooirose\/?p=86064"},"modified":"2017-11-08T11:57:13","modified_gmt":"2017-11-08T09:57:13","slug":"ontmoet-almero-welgemoed","status":"publish","type":"post","link":"https:\/\/novanews.co.za\/rooirose\/ontmoet-almero-welgemoed\/","title":{"rendered":"Ontmoet Almero Welgemoed"},"content":{"rendered":"

Daar is iemand nuut op die Afrikaanse musieklandskap wat reeds golwe maak. Almero Welgemoed<\/strong>, liedjieskrywer en sanger, het sopas saam met Bouwer Bosch<\/strong> \u2019n digbundel getiteld\u00a0Liefde Wen<\/em> saamgestel. Maar dis nie al nie, hy tree ook saam met bekende plaaslike musikante op en is besig om te werk aan sy debuut solo-album. Ons het met di\u00e9 skerpsinnige jong man gesels om uit te vind waaroor die bundel handel en watter ander planne hy in die mou voer.<\/p>\n

 <\/p>\n

Vertel ons meer van die digbundel Liefde Wen<\/strong><\/em>.<\/strong><\/h4>\n

Die bundel het begin as \u2019n digkompetisie<\/strong>. Digters moes hul beste gedigte wat oor liefde handel vir ons stuur.\u00a0Die skrywers wissel van amateurskrywers tot bekroonde Afrikaanse skrywers. Ons het die beste gedigte (in ons opinie) gekies en die wengedigte verskyn in die bundel. Die hele bundel handel oor een tema: liefde.<\/p>\n

 <\/p>\n

Jy is die dryfkrag agter die bundel. Waarom wou jy \u2019n digbundel saamstel?<\/h4>\n

Ek wou graag die kompetisie loods en \u2019n bundel saamstel om Afrikaanse skrywers die kans te gee om gepubliseer te word, asook om te hoor wat van ons land se diepdenkers se opinie oor die liefde is.<\/p>\n

 <\/p>\n

Is dit net die wenners se gedigte wat in die bundel verskyn?<\/h4>\n

Nee, daar is ook \u2019n paar bekende name wat bygedra het, onder andere: Deon Meyer, Deon Meiring<\/strong> en Bouwer Bosch<\/strong>. Die digters wissel van rugbyspelers tot ho\u00ebrskool-onderwysers.<\/p>\n

 <\/p>\n

Hoekom is die bundel juis saam met Liefde Wen gedoen?<\/h4>\n

Liefde Wen<\/a> wou graag iets terugsaai in die Afrikaanse literatuurgemeenskap en die bundel was die perfekte geleentheid daarvoor.<\/p>\n

 <\/p>\n

Watter gedig is jou gunsteling in die bundel?<\/h4>\n

Dit is vir my onmoontlik om \u2019n gunsteling te kies, aangesien elke een so briljant en treffend is. Tog is Kansvatter<\/em> deur Niel Cloete<\/strong>\u00a0\u2019n gedig wat die hele essensie van die bundel saamvat.<\/p>\n

\"Liefde

Voorblad van die nuwe Liefde Wen-digbundel, uitgegee deur Naledi<\/p><\/div>\n

Vertel ons meer van jouself.<\/h4>\n

Ek is op die oomblik 20 jaar oud. Ek het grootgeword en skoolgegaan in Bloemfontein, en het in 2016 saam met my broer, Nico<\/strong>, Johannesburg toe verhuis. Ons doen meestal filmwerk en videografie. My hooffokus is musiekmaak en skryf. Ons is betrokke by Liefde Wen as content creators<\/em>\u00a0en verder doen ons ook saam live<\/em> optredes.<\/p>\n

Ek is lief vir die see, liewer vir stories, en die liefste vir semi-soet witwyn.<\/p>\n

 <\/p>\n

Hoe is dit om saam met jou broer te werk?<\/h4>\n

Ek en Nico verskil twee jaar. Ons maak al van skool af saam video’s en musiek en ons idees werk gelukkig goed saam. Ons is beste vriende, so dit is verskriklik lekker om saam met hom te werk en te skep. Hy is my voice of reason<\/em>\u00a0en \u2019n steunpilaar as die winde van die lewe my wil omwaai.<\/p>\n

 <\/p>\n

Vertel ons van jou gesin.<\/h4>\n

My pa is \u2019n onderwyser en predikant. My ma is \u2019n administratiewe beampte by \u2019n prokureursfirma. Albei het \u2019n groot liefde vir musiek en kuns, en hulle moedig my en my broer aan om elke dag ons droom uit te leef.<\/p>\n

Ons het drie honde in Bloemfontein en hulle is net soveel deel van die familie as ek en my broer.<\/p>\n

 <\/p>\n

Is daar iemand spesiaal in jou lewe?<\/h4>\n

My ouma, ja.<\/p>\n

 <\/p>\n

Watter instrumente bespeel jy als en hoe en waarom het jy begin musiekmaak? En gedigte skryf?<\/h4>\n

Ek speel klavier, kitaar, ukelele, tjello en mense se hartsnare. (Haha). Ek het klavier begin speel in graad 3 omdat die klavier in my ouma se huis vir my die mooiste ding in die w\u00eareld was. Ek het op ho\u00ebrskool die ander instrumente leer speel en ook in die geheim gesing. Musiek was nog altyd iets wat verligting bring vir my. Ek maak musiek om te lewe. Ek het van kleintyd af ook geskryf en stories opgemaak en vir die hele gesin voorgelees. Gedigte was iets wat eers vir my bekend geraak het op ho\u00ebrskool. Iets daarvan om \u2019n paar woorde in \u2019n ry te vleg is vir my aanloklik en bekoorlik.<\/p>\n

\"AlmeroWelgemoed2\"<\/p>\n

 <\/p>\n

Waarmee is jy op die oomblik besig?<\/h4>\n

Ek sit en antwoord hierdie vrae. (Haha).\u00a0Ek en my broer is besig met \u2019n klompie musiekvideo’s vir ander kunstenaars en ons werk ook aan een van my nuwe enkelsnitte. Ons is betrokke by die bemarking van die rolprent\u00a0Vuil Wasgoed<\/a> (wat 8 Desember 2017 begin draai) en ons is hard aan die werk met bemarking vir die digbundel.<\/p>\n

 <\/p>\n

Jy werk gereeld saam met Bouwer Bosch. Hoe het julle ontmoet en saam begin werk?<\/h4>\n

Bouwer<\/strong> het ons gekontak nadat hy een van my liedjies op YouTube raakgeloop het. Hy het ons vir \u2019n week Johannesburg toe genooi, en \u2019n paar maande daarna het ek en my broer soontoe verhuis. Van toe af werk ons gereeld saam. Ons beskou hom as \u2019n mentor en \u2019n vriend.<\/p>\n

 <\/p>\n

Julle het ook die temaliedjie vir die fliek Nul is Nie Niks Nie<\/em> geskryf en gesing. Vertel ons meer van hierdie ervaring.<\/h4>\n

Ons het die liedjie geskryf tydens ons eerste week in Johannesburg saam met Bouwer. Ons het sonder verwagtinge die liedjie voorgel\u00ea vir oorweging as die temalied, maar toe \u2019n paar maande later gehoor dat die regisseur en vervaardigers gaande was oor die lied. Dit was \u2019n droom wat waar geword het toe ek die liedjie aan die einde van die film hoor speel.<\/p>\n