Magriet het vir weke nie van Klaus gehoor nie. Die nommer waarvan hy haar af gebel het, was afgeskakel. Sy het nagte om geworstel met die gedagte van \u2019n sterwende Klaus in\u00a0\u2019n Oosterse hospitaal. Sy het van sy vriende probeer kontak, maar hulle het ges\u00ea Klaus het dit duidelik gemaak dat sy reis na China privaat en vertroulik is en dat hy verkies om met niemand kontak te h\u00ea nie. Sy kon nie uitvind wie die veiling van sy kunswerke re\u00ebl nie. Sy het weer na die galery gery. Dit was verlate en leeg. Die gordyne by sy huis was dig toegetrek en die tuin verlate. Sy het nie eintlik geweet hoe sy oor die misterie van Klaus se bestemming moet voel nie. Hy het nie eens met haar kontak gemaak nadat sy die geld oorbetaal het nie. Klaus wat altyd so gemanierd en hoflik is? Hy was baie swak tydens hul laaste gesprek. Miskien het hy\u00a0\u2019n terugslag gehad?<\/p>\n
Die onsekerheid het haar mal gemaak en sy het \u2019n bietjie skaam gevoel om dit met Marian of Erik te bespreek. Iets het haar skuldig laat voel asof sy iets verkeerd gedoen het. Diep in haar agterkop het sy gehoop dat Klaus nie besig is om haar te bedrieg nie. Al sy vriende se lippe was gesnoer, behalwe vir Dawie Rietman, wat sy mond vir\u00a0\u2019n sekonde verbygepraat het.<\/p>\n
\u201cEk het geweet Klaus gaan homself vasdraai,\u201d het hy ges\u00ea, voor hy besef het hy het te veel verklap.<\/p>\n
Magriet het begin wonder of Klaus nie met onwettige bedrywighede doenig is nie. Hy het baie hoog geleef vir \u2019n man wat net \u2019n kleinerige galery besit. Sy het dit oorweeg om \u2019n privaat speurder aan te stel om die saak te ondersoek, maar sy het geweet Erik is die regte man vir die taak aangesien hy reeds in Klaus se sake gevroetel het. Sy het geweet sy sal haar trots moet sluk en vir Erik kontak.<\/p>\n
Erik het by haar huis opgedaag asof niks verkeerd is nie. Hy het \u2019n paar bottels van haar gunstelingwyn, twee vet steaks en sy saksofoon saamgebring.<\/p>\n
\u201cVanaand braai ek vir jou die beste steak in die stad. Waar is daardie groot kristalglase wat Stoffel so suinig was om te gebruik?\u201d<\/p>\n
Hy het\u00a0\u2019n vuurtjie in Stoffel se stoepbraai aangesteek. Stoffel het nooit toegelaat dat enigiemand anders sy braai gebruik nie. Nie eens Jaco nie. Jaco het dit sy pa se \u201cheilige altaar\u201d genoem en dis hoekom dit vir Erik elke keer soveel vreugde gee om soos die baas van die plaas voor Stoffel se braai te staan.<\/p>\n
Na die tweede glas wyn het Magriet aangedui sy wil ernstige sake oor Klaus met Erik bespreek.<\/p>\n
Erik het haar glas vol yskoue bukettraube gegooi en sy lang vinger op haar mond gesit.<\/p>\n
\u201cNie vanaand nie, Griet, ek het aangeneem jy wil oor die slymbol praat en ek het reeds m\u00f4reoggend al my afsprake gekanselleer sodat ons oor hom kan praat. Terloops, hoe gaan dit met sy neus? Hy het seker dadelik na\u00a0\u2019n plastiese chirurg gehol vir\u00a0\u2019n\u00a0nose job<\/em>! Ek hoor hy is in China?\u201d<\/em><\/p>\n Magriet was uit die veld geslaan. Erik het meer van Klaus se nuutste bewegings geweet as wat sy gedink het.<\/p>\n \u201cM\u00f4re, my liewe Griet, sal ek en jy die nuutste drama in jou lewe uitsorteer, maar vanaand drink ek en my beste pel saam wyn. Ons gaan\u00a0\u2019n ongeskikte klomp wyn drink, lekker lag en mooi musiek luister.\u201d<\/p>\n Die bukettraube het gevloei. En Erik het sy saksofoon repertoire met horte en stote gespeel. Hy was nie die beste saksofoonspeler nie, maar hoe meer wyn gevloei het, hoe mooier was sy musiek vir Magriet<\/p>\n Tim Cappello se \u201cI Still Believe\u201d; Gerry Rafferty se \u201cBaker Street\u201d; die Beastie Boys se \u201cBrass Monkey\u201d; en George Michael se \u201cCareless Whisper\u201d.<\/p>\n Erik het sy lang lyf met passie rondgegooi terwyl hy sy hart uitspeel het. Magriet het agteroor gesit met\u00a0\u2019n glas wyn in die hand. Die musiek het al haar spanning van die afgelope weke laat verdwyn. Sy het Erik dopgehou terwyl hy speel. Selfs met sy ongeoefende spel was dit vir haar nektar vir die siel. Sy het dit nog nooit aan iemand beken nie, maar Erik is vir haar onweerstaanbaar aantreklik as hy saksofoon speel.<\/p>\n Die steak was sag en sappig en Erik het dit in sulke dun snytjies gesny en die sappigstes op haar bord gesit.<\/p>\n Magriet het lanklaas so lekker gelag en gesels. Dit was asof die weke se stilte tussen hulle nooit bestaan het nie. Erik het haar glas vol wyn gehou en \u2019n CD met tango-musiek opgesit.<\/p>\n \u201cKom, Grietjie. Kom dans met my. Ek sal my tone uit jou pad hou. Hierdie een is maklik om te dans.\u201d<\/p>\n Hy het. <\/strong>C. Gardel en A. Le Pera se “El Dia Que Me Quieras” en daarna M. Mores en E. Santos\u00a0 se “Uno” gespeel. Dit was asof dit haar halsstarrige dansspiere geolie het. Haar voete het veerlig geraak en haar lyf was\u00a0\u2019n gewillige dansmaat in Erik se arms.<\/p>\n Hulle het al die stoepmeubels weggeskuif en J. Sanders en C. Vedani se “Adios Muchachos” en Enrique Santos se “Cambalache” het ritmies en polsend deur hul lywe gevloei.<\/p>\n Magriet het met haar kop teen Erik se bors gel\u00ea en gedink hoe dankbaar sy kan wees dat hy altyd daar is as sy hom nodig het. Hy was die een mens by wie so nog altyd gemaklik kon voel.<\/p>\n Laatnag het hulle saam op die stoepbank gesit en oor die lewe gefilosofeer. Magriet het styf onder Erik se vlerk gesit met haar kop gemaklik teen sy borskas. Sy het veilig en geborgd gevoel.\u00a0\u2019n Emosie wat sy jare laas gevoel het. As sy mooi dink, kry sy die gevoel net wanneer sy by Erik is.<\/p>\n Hoeveel wyn nog deur die nag gevloei het, weet sy nie, maar ligdag het die vo\u00ebls haar wakker gesing. Sy het styf in Erik se arms op haar stoepbank gel\u00ea. Haar eerste reaksie was skok, maar toe besef sy alles voel vir haar so honderd persent reg. Sy het na sy rustige asemhaling l\u00ea en luister. Sy naskeermiddel het soos sandelhout en muskus geruik. Teen haar voorkop kon sy sy stoppelbaard voel steek. Hy het sag in sy slaap gekreun. Dit het haar kop laat rondomtalie draai. Sy wou red wat te redde is en opspring. Erik is ten minste haar jarelange vriend. Haar steunpilaar. Hy was nog altyd soos\u00a0\u2019n broer vir haar! Maar die gemaklike sagtheid van sy lyf teen hare het haar vasgehou. Sy wou nie die oomblik versteur nie. Sy wou net nog\u00a0\u2019n rukkie l\u00ea.<\/p>\n Sy het eers weer wakker geword toe die son op haar gesig begin skyn. Sy was alleen op die bank. Uit die kombuis het aromas van spek gekrul. Sy kon hoor hoe Erik vrolik fluit.<\/p>\n Haar lyf het tot stilstand geskok toe sy regop sit. Sy het net Erik se wit kantoorhemp aangehad! Haar kop het in trurat probeer teruggaan want sy kon nie onthou hoe sy in Erik se hemp beland het nie. Haar Jean en hempie het eenkant op\u00a0\u2019n hopie gel\u00ea! Langs Erik se jean! Wat het sy en Erik die vorige nag als aangevang?<\/p>\n Haar blaas het haar gewaarsku dat dit tyd is om toilet toe te gaan, maar sy was te versteen om te beweeg. S\u00ea nou Erik sien haar so halfkaal in sy hemp?<\/p>\n Sy het die hemp so lank moontlik oor haar kniekoppe probeer trek en in die gang af gesluip. Sy het gevoel soos\u00a0\u2019n skooldogter wat iets vreeslik verkeerd gedoen het.<\/p>\n Maar wat het die vorige aand gebeur tussen haar en Erik? Sy het nie geweet hoe sy hom ooit weer in die o\u00eb gaan kyk nie.<\/p>\n Sy wou nog vanaf die gaste badkamer tot by haar slaapkamer sluit om\u00a0\u2019n japon te kry toe Erik in die gang verskyn.<\/p>\n \u201cO, daar is jy? Ek het vir jou\u00a0\u2019n stewige brekfis gemaak. Jy is seker vrek honger!\u201d<\/p>\n Magriet se mond was kurkdroog. Sy het gewens die aarde sluk haar in. Sy het vergeefs haar onstuimige hare probeer regdruk. Sy het gewens sy het haar gesig in die badkamer afgevee. Daar het soveel dinge deur haar kop gevlieg. Maar al haar gedagtes het opgedroog toe sy Erik aan die punt van die gang sien. Sy maer rankerige bolyf was kaal. En, sy het nooit kon dink sy sal Erik in\u00a0\u2019n\u00a0tighty whitey <\/em>sien nie!<\/p>\n \u201cDrie hoera\u2019s vir Calvin Klein!\u201d het haar hormone luidkeels geskreeu.<\/p>\n \u201cAg sharrap!\u201d het die ou Magriet blosend probeer keer.<\/p>\n","protected":false},"excerpt":{"rendered":" \u201cVanaand braai ek vir jou die beste steak in die stad. Waar is daardie groot kristalglase wat Stoffel so suinig was om te gebruik?\u201d Lees hoofstuk 21 van Martie Swanepoel se vervolgverhaal, Grieta, hier. Foto Pixabay<\/p>\n","protected":false},"author":8,"featured_media":85919,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[43452,3476],"tags":[1258,1393,1471,3230,23450],"class_list":["post-85916","post","type-post","status-publish","format-standard","has-post-thumbnail","hentry","category-lees","category-ontspanning","tag-lees","tag-books","tag-kortverhale","tag-vervolgverhale","tag-entertainment"],"acf":[],"yoast_head":"\n