{"id":85774,"date":"2022-10-04T14:20:57","date_gmt":"2022-10-04T12:20:57","guid":{"rendered":"https:\/\/novanews.co.za\/rooirose\/?p=85774"},"modified":"2022-10-04T14:16:41","modified_gmt":"2022-10-04T12:16:41","slug":"algemene-foute-wat-jy-met-jou-sonbril-maak","status":"publish","type":"post","link":"https:\/\/novanews.co.za\/rooirose\/algemene-foute-wat-jy-met-jou-sonbril-maak\/","title":{"rendered":"Algemene foute wat jy met jou sonbril maak"},"content":{"rendered":"

Deur: Susra Matthee.<\/strong> Hooffoto: Noah Black<\/em><\/p>\n

 <\/p>\n

 <\/p>\n

7 algemene foute om te vermy<\/h4>\n

 <\/p>\n

1 Dit verstel nie<\/strong><\/p>\n

Alle gesigte is effens asimmetries, of dit sigbaar is of nie. Die meeste van ons se ore is ook nie presies horisontaal aan mekaar nie. Baie sonbrilwinkels bied gratis paskonsultasies aan om te verseker \u2019n sonbril sit reg op jou gesig voor jy dit koop.<\/p>\n

 <\/p>\n

2 Jy dra nie jou sonbril op bewolkte dae nie<\/strong><\/p>\n

Hoewel die lig nie altyd helder is buite nie, is UV-strale steeds teenwoordig, daarom is dit net so belangrik om jou o\u00eb met \u2019n sonbril te beskerm, al is dit effe bewolk.<\/p>\n

 <\/p>\n

3 Sit dit op jou kop<\/strong><\/p>\n

Hoewel die meeste mense dit doen, is dit een van die maniere hoe jy maklik jou bril kan beskadig. Brille soos die vlie\u00ebnierstyl-sonbril kan die draadneuskussings en brug van die sonbril buig of breek. Dit kan ook die syraam van die sonbril uitrek wat veroorsaak dat dit te los om jou gesig sal pas.<\/p>\n

 <\/p>\n

4 Jy dra sonbrille sonder \u2019n UVA- en UVB-faktor<\/strong><\/p>\n

Ons kies graarg sonbrille gebaseer op die voorkoms, kleur en vorm. Hoewel dit ook belangrik is, moet jy onthou dat sonbrille hoofsaaklik jou o\u00eb moet beskerm. Daar is talle rame waaruit jy kan kies sodat jy terselfdertyd stylvol lyk \u00e9n jou o\u00eb teen skadelike UV-strale beskerm. Gee aandag aan die spesifikasie van die sonbril voordat jy dit koop.<\/p>\n

 <\/p>\n

5 Te donker glase<\/strong><\/p>\n

Dikwels dink mense hulle kan nie \u2019n sonbril dra nie omdat hulle nie daardeur kan sien nie of omdat dit hul sig verdof. As jou glase donker is, beteken dit nie noodwendig dat die beskerming beter is nie. Sonbrille met ligter glase kan net so goed beskerm. Die belangrikheid l\u00ea in die UVA- en UVB-faktor.<\/p>\n

 <\/p>\n

6 Gooi dit in jou handsak<\/strong><\/p>\n

Jy kan jou sonbril in jou handsak b\u00eare – solank dit in \u2019n beskermende houer is. Baie sonbrilwinkels gee \u2019n kissie saam met die sonbril wanneer jy dit koop. Die binnekant van \u2019n handsak, wat dikwels met sleutels en ander los voorwerpe gevul is, rig die meeste skade aan \u2019n sonbril wat nie in \u2019n kassie is nie.<\/p>\n

 <\/p>\n

7 Jy maak dit nie reg skoon nie<\/strong><\/p>\n

Gebruik skoonmaakmiddels wat spesifiek vir sonbrille ontwerp is asook die lappies wat saam met die sonbril kom. Sterk skoonmaakmiddels kan jou lense beskadig en \u2019n kledingsitem of lap het talle materiaalvesels wat jou lense kan krap.<\/p>\n