Magriet se foon het drie-uur die nag gelui. Die stem was sag en swak.<\/p>\n
\u201cMeisiekind?\u201d<\/p>\n
Haar bloed het gestol. Sy kon hoor Klaus bel vanaf \u2019n internasionale lyn en sy stem was baie swak.<\/p>\n
\u201cKlaus? Waar is jy? Ek dog jy is kwaad vir my?\u201d<\/p>\n
Klaus het\u00a0\u2019n paar kugge gegee. Sy kon hoor sy asem jaag.<\/p>\n
\u201cWat makeer? Waar is jy? Het jy hulp nodig?\u201d<\/p>\n
Klaus se stem was skaars hoorbaar.<\/p>\n
\u201cEk moes net jou stem hoor. Elke oomblik wat ek by my bewussyn is, dink ek aan jou. Ek is so bang ek verloor jou. Bang daar kom\u00a0\u2019n misverstand tussen ons.\u201d<\/p>\n
Sy stem het by tye weggeraak. Sy kon dowwe stemme in die agtergrond hoor.<\/p>\n
\u201cKlaus? Het jy hulp nodig?\u201d<\/p>\n
Sy kon aan die stemme hoor hy is iewers in die Ooste.<\/p>\n
\u201cEk kan nie lank praat nie. Ek is te swak. Ek wou net aan jou verduidelik hoekom ek weg is. Na die aanval het ek\u00a0\u2019n epileptiese aanval gekry. Met die sonars het hulle\u00a0\u2019n breingewas ontdek. Jou barbaarse vriend het my dus\u00a0\u2019n guns bewys. Dis\u00a0\u2019n vinnige kanker, Meisiekind. My enigste hoop was behandeling in China. Ek moes vinnig kom. Daar was nie tyd om met jou te praat nie. Ek is jammer.\u201d<\/p>\n
Magriet se brein het gestoei om al die emosies te verwerk. Daar was verligting, maar ook nog die knaende twyfel. Sy was geskok oor Klaus se diagnose. Arme Klaus. Niemand verdien pyn en siekte nie. Niemand verdien kanker nie. Sy weet hoe dit voel as jy met kanker gediagnoseer word.<\/p>\n
Sy kon hoor hoe Klaus hoes en iemand met hom praat.<\/p>\n
\u201cDit het klaar versprei. Dis in my longe. As hierdie behandeling nie help nie, is als verby. Maar daar is hoop, die gewas het al gekrimp. Die behandeling is duur, maar dit gaan my lewe red. Dit gaan. Ek moet dit net glo.\u201d<\/p>\n
Klaus het begin huil. Magriet het ongemaklik gevoel. Klaus het altyd selfvertroue uitgestraal. Hierdie sensitiewe Klaus het sy nie geken nie.<\/p>\n
\u201cEk bel net om te s\u00ea ek dink elke oomblik wat ek kan aan jou. Dit hou my aan die gang. Niemand het nog ooit so\u00a0\u2019n invloed op my lewe gehad soos jy nie. Jy is die lewensmaat na wie ek al soveel jare smag. Jy is presies wat ek nodig het. Nou wil hierdie wrede siekte my van jou wegneem. S\u00ea asb. jy voel ook soos ek. Gee my iets om aan vas te hou terwyl ek hierdie behandeling ondergaan.\u201d<\/p>\n
Magriet se emosies was\u00a0\u2019n draaikolk. Na weke se stilte van Klaus se kant het sy aanvaar hy stel nie in haar belang nie. Sy het haar emosioneel op\u00a0\u2019n plek geplaas waar sy aanvaar het sy’t\u00a0\u2019n fout gemaak deur Klaus te vertrou. Maar nou … sy wil haar emosies\u00a0\u2019n U-draai laat maak. Sy wil van die twyfel ontslae raak en Klaus glo. Daar was nog\u00a0\u2019n paar vrae wat sy beantwoord wou h\u00ea. Hoekom het Erik Klaus by die uitstalling geslaan? Wat het gebeur? Sy het vermoed dit het dalk iets met die kontrak te doen. Sy wou Klaus graag vra oor die geld, maar hoe vra mens \u2019n ernstige siek man waar is die geld wat hy jou skuld?<\/p>\n
Asof hy haar gedagtes kon lees, het Klaus na die geld verwys.<\/p>\n
\u201cJou geld vir die uitstalling. Jy sal dit kry as ek weer op die been is. Ek moes inderhaas alle los kontant vir my behandeling gebruik. Ek moes reeds\u00a0\u2019n paar van my kunswerke verkoop en sal die galery verloor. Al moet ek elke kunswerk in my versameling verkoop, ek sal nie opgee nie. Onthou jy hoe jy my vertel het hoe jy kanker gewen het? Jy is my inspirasie. Ek glo jy het met\u00a0\u2019n doel oor my pad gekom. Al roei hierdie siekte my finansieel uit.”<\/p>\n
Klaus se woorde is telkens deur\u00a0\u2019n hoesbui onderbreek. Sy kon hoor hy raak swak.<\/p>\n
\u201cVan my vriende is besig om my kunswerke te laat waardeer vir\u00a0\u2019n veiling. Ek moet nog R500\u00a0000 insamel vir my behandeling. Ek glo ek sal dit regkry. Ek moet net. Dit is my enigste hoop, Meisiekind.\u201d<\/p>\n
Magriet het met hartseer gedink aan al Klaus se kunswerke. Hy was so trots daarop. Hy het dit met moeite oor die jare versamel. Dit is vreeslik om te dink hy sal dit moet verloor om sy lewe te red.<\/p>\n
\u201cKlaus? Kan ek na jou toe kom om jou by te staan?\u201d<\/p>\n
Klaus het gekeer. Hy is in isolasie omdat sy behandeling hom baie sensitief maak vir kieme.<\/p>\n
\u201cEk lyk baie sleg op die oomblik. Ek is maer en al my hare het uitgeval na die eerste aggressiewe behandeling. Ek sal verkies dat niemand my so sien nie. Nie eens jy nie. Trouens, ek wil alleen wees met my gedagtes. Ek wil fokus op herstel.\u201d<\/p>\n
Magriet kon nie slaap na Klaus se oproep nie. Hy het alleen iewers in China in\u00a0\u2019n hospitaal gel\u00ea en veg teen\u00a0\u2019n wrede siekte. Sy kon aan sy stem hoor hy is baie siek. Na haar eie stryd teen kanker het sy geweet hoe dit voel om vir jou lewe te veg. Sy het so gewens sy kon Klaus help. Op daardie oomblik het dit nie meer aan haar saak gemaak dat hy haar geld skuld nie. Sy wou hom help.<\/p>\n
Magriet het geweet hoe kort en broos die lewe kan wees. Sy het teruggedink aan die aand met die uitstalling. Klaus was die lewe van die partytjie. Sy onthou hoe hy gelag en gesels het. Hy kon met enigiemand oor enigiets gesels. Dit is\u00a0\u2019n vreeslike gedagte om te dink hy l\u00ea uitgeteer in\u00a0\u2019n hospitaal.<\/p>\n
Deur die newels van kommer het sy bly wonder wat tussen Klaus en Erik gebeur het. Sy is seker Erik sal sleg voel as hy weet hy het\u00a0\u2019n man met\u00a0\u2019n aggressiewe breingewas gemoker. Magriet het haar voorgeneem om haar beste vriend te bel en op te maak. Die lewe is kort, het sy opnuut besef. Sy het skuldig gevoel dat sy aan Klaus getwyfel het.<\/p>\n
Met sonopkoms het Magriet haar pyp gestop. Sy het antwoorde gesoek. Sy het gewens sy kon na Klaus toe vlieg om hom by te staan. Sy het magteloos gevoel. In haar gedagtes het Klaus se woorde by maal, \u201cAs ek hier opstaan, kom ek na jou toe. Dan begin ons\u00a0\u2019n nuwe toekoms saam. Ek en jy. Dan brei ons die galery uit. Ons sal reis, lang aande sit en net gesels. Net ek en jy.\u201d<\/p>\n
Na haar ervaring met Stoffel het sy gesukkel om te vertrou. Sy weet Erik wou haar ook net beskerm teen nog hartseer. Maar nou weet sy. Nou is sy seker dat Klaus haar as sy toekomstige lewensmaat sien.\u00a0\u2019n Nuwe opwinding het in haar begin groei. As Klaus eers gesond is, sal daar\u00a0\u2019n nuwe lewe begin. Sy sal iemand h\u00ea wat aan haar kuns glo en iemand wat haar bederf en soos\u00a0\u2019n vrou laat voel. Sy het Klaus se geselskap geniet en dit was\u00a0\u2019n bonus dat hy onweerstaanbaar aantreklik is. Klaus moet net gesond word.<\/p>\n
Magriet het by haar skootrekenaar gaan sit. Sy het na die sosiale foto\u2019s gekyk wat die aand van die uitstalling van haar en Klaus geneem is. Op elkeen is sy arm beskermend om haar. Op een kan sy sien hoe hy met liefde na haar kyk. Die warm gevoel in haar hart het oor haar gemoed versprei.<\/p>\n
R500\u00a0000 is\u00a0\u2019n goeie belegging vir\u00a0\u2019n gelukkige toekoms, het sy gedink toe sy die banktransaksie voltooi. Sy het ook stilletjies geglimlag. Dit was Stoffel se geld. Dis niks minder as reg dat Stoffel se geld\u00a0\u2019n belegging betaal vir haar gelukkige toekoms nie.<\/p>\n","protected":false},"excerpt":{"rendered":"
\u201cEk kan nie lank praat nie. Ek is te swak. Ek wou net aan jou verduidelik hoekom ek weg is. Na die aanval het ek\u00a0\u2019n epileptiese aanval gekry …” Deur Martie Swanepoel. Foto Pexels<\/p>\n","protected":false},"author":8,"featured_media":85557,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[43452,3476],"tags":[1393,1471,3230,23450],"class_list":["post-85554","post","type-post","status-publish","format-standard","has-post-thumbnail","hentry","category-lees","category-ontspanning","tag-books","tag-kortverhale","tag-vervolgverhale","tag-entertainment"],"acf":[],"yoast_head":"\n