{"id":85148,"date":"2017-10-25T12:05:32","date_gmt":"2017-10-25T10:05:32","guid":{"rendered":"https:\/\/novanews.co.za\/rooirose\/?p=85148"},"modified":"2017-10-25T12:05:32","modified_gmt":"2017-10-25T10:05:32","slug":"5-akteurs-wat-ook-outeurs-is","status":"publish","type":"post","link":"https:\/\/novanews.co.za\/rooirose\/5-akteurs-wat-ook-outeurs-is\/","title":{"rendered":"5 akteurs wat ook outeurs is"},"content":{"rendered":"

Tom Hanks<\/strong> is die nuutste toevoeging tot akteurs wat ook skrywers is met \u2019n kortverhaalbundel wat onlangs vrygestel is. Terwyl \u2019n hele klomp akteurs wel ook draaiboekskrywers is, het ons \u2019n lys saamgestel van bekende akteurs wat prosaskrywers is.<\/p>\n

 <\/p>\n

Tom Hanks<\/h4>\n

Tom Hanks<\/strong> het pas sy debuutkortverhaalbundel gepubliseer, genaamd Uncommon Type<\/em>. Die titel verwys na een element wat in al die verhale in die bundel verskyn: tikmasjiene. Hanks is glo baie lief vir tikmasjiene en het \u2019n versameling van ongeveer 300 daarvan. Hoewel \u2019n tikmasjien in elke storie verskyn, is dit gewoonlik nie die spil waarom al die stories draai nie. Die boek het louwarm terugvoer van kritici ontvang, maar tog word dit as \u2019n sjarmante versameling stories erken wat \u2019n meer goedgesinde werklikheid bied – tipies daaran wat mens van \u2019n persoonlikheid soos Tom Hanks sou verwag.<\/p>\n

\"tomhankscover\"<\/p>\n

Lees een van die kortverhale hier<\/a>, eksklusief beskikbaar gemaak deur Penguin Books.<\/p>\n

 <\/p>\n

James Franco<\/h4>\n

James Franco<\/strong> is bekend vir sy lys belangtstellings buite toneelspeel, wat verf en skryf insluit. Hy het \u2019n Meestersgraad in kreatiewe skryfwerk deur UCLA verwerf en is glo ingeskryf vir \u2019n Doktorsgraad by Yale. Sy eerste bundel kortverhale, Palo Alto<\/em>, is vernoem na die stad waar hy grootgeword het. Sy werke, wat verder \u2019n roman (Actors Anonymous<\/em>) en \u2019n digbundel (Directing Herbert White<\/em>) inlsuit, kry meestal negatiewe terugvoer en die oorwegende meerderheid van resensente voel hy moet eerder by toneelspel hou.<\/p>\n

\"paloaltojfranco\"<\/p>\n

 <\/p>\n

B.J. Novak<\/h4>\n

Die komediant B.J. Novak,<\/strong> bekend vir sy rol in die Amerikaanse weergawe van The Office<\/em>, het twee kinderboeke en \u2019n versameling kortverhale gepubliseer, met meestal goeie terugvoer. Sy kortverhale, One More Thing: Stories and Other Stories <\/em>het heelwat goeie resensies gehaal. Met sy twee kinderboeke probeer hy kinders aanmoedig om woorde te geniet en om lief te word vir lees. Sy eerste kinderboek, The Book With No Pictures<\/em>, is soos die naam s\u00ea, \u2019n prentlose boek, met die boodskap dat woorde magtig kan wees. Met sy tweede boek The Alphabet Book with No Pictures<\/em>, leer hy kinders oor die alfabet. Dit bevat ook geen prente nie en hy het grappenderwys in \u2019n verklaring genoem dat hy \u2019n monopolie op die mark in prentlose boeke kry voordat kinders besef dat meeste boeke nie prentjies bevat nie.\u00a0Die belangrikste kritici, kinders, lyk asof hulle mal is oor die boeke, soos die video hieronder laat blyk.<\/p>\n