Na \u2019n week se hanna-hanna om aan die skryf te kom, het ek vanoggend na die soveelste sibbe-oorlog oor snert, met die meesterplan vorendag gekom om die oudste telg agter die stofsuier in te span en die jongste met \u2019n stoflap en bottel meubelpolitoer te beman. Ek sou dan voor die rekenaar kon kom inskuif vir hopelik \u2019n uur se vreedsame dinktyd.<\/p>\n
Na die Worcester-wind sy naam die afgelope drie dae behoorlik gestand gedoen het, was ek al effe keelvol vir die twee stofsuigsessies bedags en \u2019n moppery tussendeur om die ergste boustof van twee erwe langsaan en ingewaaide gemors in toom te probeer hou.<\/p>\n
My meesterplan was suksesvol vir \u2019n volle nege en \u2019n half minute. Want, toe is Kleinsus klaar met haar werkie en Ouboet vererg hom sewe keer per minuut vir die stofsuier wat hy in sy hakskene vassleep. En hy vererg hom meer vir die swaar banke wat hy moet rondskuif. En hy vererg hom bloedig vir die kat- en hondehare wat van n\u00earens af neerdaal presies waar hy sopas gestofsuig het.<\/p>\n
Welkom in my w\u00eareld, dag ek by myself.<\/p>\n
Terwyl ek nog gou my gebruiklike skoologgendplesiertjie van daaglikse \u201cBeter Afrikaans\u201d-toetsies probeer inhaal na \u2019n halwe week se skoolvakansie, kom verklaar Ouboet dat hy dink hy klaar is met die onderste verdieping en dat hy hom nou \u201cbehoorlik in \u2019n kopseer en maagpyn in gewerk het\u201d.<\/p>\n
Tjaag. Welkom in my w\u00eareld.<\/p>\n
Ek oortuig Kleinsus dat dit in ons almal se beste belang sal wees as s\u00fd gou die boonste verdieping gaan stofsuig. Terwyl sy met graad 3-wiskunde nog \u2019n rat voor o\u00eb gedraai kan word dat die boonste verdieping se oppervlak heelwat kleiner is as die onderste een, moet ek seker die kans gebruik \u2026<\/p>\n
Skoorvoetend drentel sy toe agterna sodat ek die stofsuier bo vir haar kan gaan inprop. Ek noem dat ek nog nie \u2019n enkele woord geskryf het nie en daar al \u2019n volle vyf-en-veertig minute verby is.<\/p>\n
Halfpad af met die trap hoor ek hoe haar stemmetjie nootvas bo die stofsuier se gebrom uitstyg. Want, sien, Kleinsus is na \u2019n bangmaakjeugboek wat sy onlangs gelees het, skielik bang om alleen op die boonste verdieping te wees. My geterg dat sy en haar boetie die enigste weerwolwe en monsters is wat ek ken, word met grootoog-oogrolle begroet.<\/p>\n
So, Sus loop en sing kliphard juniorkoorliedjies in Xhosa terwyl sy skoonmaak.<\/p>\n
Ek skuif weer voor die rekenaar in met Ouboet wat oor my skouer loer en help met vanoggend se \u201cBeter Afrikaans\u201d-toets.<\/p>\n
Ons bespiegel nog oor ons 75%-uitslag, toe dartel sy sussie by die studeerkamerdeur in en verklaar dat sy ook nou \u201cfinish en klaar is\u201d bo.<\/p>\n
Ek spot dat ek die Guinness-mense gaan laat weet van di\u00e9 singende landspoedrekord, want nie eers in al my jare ondervinding, kon ek s\u00f3 vinnig \u2019n verdieping takel nie.<\/p>\n
Toe ek die stofsuier gaan uitprop word my vermoedens bevestig dat sy erg vinnig gewerk het en gedwe\u00eb hardloop ek maar gou weer deur die slaapkamers met die stofsuier.<\/p>\n
\u2019n Hele uur en \u2019n half na die aanvang van die meesterplan, maak ek uiteindelik \u2019n Word-dokument oop. Die kroos is soos muise. Te bang om te roer vir in geval hulle ma dalk nog \u2019n werkie uitdink.<\/p>\n
Ek val weg en begin tik. Na twee minute sien ek uit die hoek van my oog hoe eers een kind met \u2019n boek insluip en op die bank agter my kom sit. Toe nog een. En toe kom die jaaroue spanjoel met haar nuwe veeartsbeen in die bek ook \u2019n l\u00eaplek soek op die bank.<\/p>\n
\u201cSjoe, Mamma tik vinnig!\u201d waag een dit na \u2019n paar minute. \u201cSjuuuut!\u201d waarsku die ander een.<\/p>\n
Die spanjoel beskou dit as \u2019n teken dat haar nuwe kouding bedreig word en sy begin diep uit haar maag uit grom. So \u2019n staccato gegrom wat naderhand in snorkgromme verander soos haar o\u00eb toe val. \u2019n Kind begin saggies giggel. \u201cSjuuut!\u201d waarsku die ander een, maar giggel saam.<\/p>\n
\u201cEk kan myself nie hoor dink met julle hier nie. Ek bly in \u2019n sirkus,\u201d sug ek.<\/p>\n
\u201cMaar, dis darem nou \u2019n gestofsuigde sirkus,\u201d troos die een wysneus.<\/p>\n","protected":false},"excerpt":{"rendered":"
Om jouself te kan hoor dink is \u2019n onhaalbare luukse in \u2019n skoolvakansie … Blog deur Ina Genade. Foto Pixabay<\/p>\n","protected":false},"author":8,"featured_media":84658,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[682,55176,3476],"tags":[134,1245,23444,23450],"class_list":["post-84654","post","type-post","status-publish","format-standard","has-post-thumbnail","hentry","category-blogs","category-ina-genade","category-ontspanning","tag-ouerskap","tag-bloggers","tag-parenting","tag-entertainment"],"acf":[],"yoast_head":"\n