\u2019n Talentsoeker kon haar nie miskyk nie en van toe af het modelkontrakte haar w\u00eareldwyd laat reis.<\/p>\n
Maar in 2009 het sy die boerpot geslaan met die vroulike hoofrol in die fliek District 9<\/em>. Di\u00e9 toekomsprent van die Suid-Afrikaner Neill Blomkamp was \u2019n wegholsukses by die loket, het vier Oscar-benoemings gekry en meer as $210 miljoen verdien. Vanessa was Wikus van der Merwe (Sharlto Copley) se vrou, Tania, in die fliek wat hom in Johannesburg afspeel. Sy was daarna ook in prente soos Sweet Shop<\/em>, Blood Diamond<\/em> en Hey Boy<\/em> te sien.<\/p>\n Drama is in Vanessa se bloed. Sy was op vier al in \u2019n teater-produksie op die verhoog. N\u00e1 skool het sy met diplomas in bemarking en besigheidsbestuur in haar sak drama gaan swot.<\/p>\n Dit was net die regte agtergrond vir haar werk as aanbieder van Groen (kykNET), Top Billing (SABC3), AgriTV (SABC1), Superdance (e.tv) en Wildlife Video Cast (Asia).<\/p>\n \u201cDit was \u2019n baie opwindende tyd in my lewe, maar dit is \u2019n wisselvallige beroep en ek wou graag by \u2019n positiewe bedryf betrokke wees.<\/p>\n \u201cIewers het ek ook begin voel iets skort \u2013 ek het my sport gemis. Ek het terselfdertyd besef dat ek nooit my ideale lewensmaat onder akteurs en modelle gaan ontmoet nie en meer by sport betrokke geraak.\u201d<\/p>\n Sy het op skool provinsiale kleure vir netbal en atletiek gekry, maar tussen haar studie en internasionale modelwerk deur was daar nie veel tyd vir oefening nie. Hierdie plaasmeisie uit Mpumalanga kry toe \u2019n bergfiets en begin naweke deelneem. \u201cEn ek was reg: dis \u2019n sport-soort wat plesierige mense aantrek en ek het wonderlike vriende gemaak.\u201d<\/p>\n Tog was dit nie onder die bergfietsgemeenskap waar sy haar hart se punt sou raakloop nie. Sy het die w\u00eareldberoemde SA veldhardloper van Gobi-woestyn-faam, Ryan Sandes<\/strong>, in 2010 by die Knysna-oesterfees ontmoet waar sy die \u201cBig Five\u201d vir liefdadigheid gedoen het. Dit was \u2019n behoorlike geval van liefde met die eerste oogopslag.<\/p>\n Hulle is sedertdien bymekaar en het onlangs met \u2019n blinkblou tanzanietring verloof geraak: \u201cOns beoog om aan die einde van 2014 te trou,\u201d vertel Vanessa met blink o\u00eb.<\/p>\n Di\u00e9 aktrise en aanbieder is deesdae bekender as semi-professionele bergfietsryer. Sy en Ryan het albei \u2019n passie vir sport, maar hoe maak twee sulke aktiewe mense wat boonop twee verskillende sportsoorte beoefen, tyd vir mekaar? Veral as die een Ryan is wat hoeka op al sewe vastelande aan ultra-veldwedlope deelneem \u00e9n die eerste atleet ter w\u00eareld is wat al sewe gewen het! (Sien sy spoglysie onder.)<\/p>\n \u201cGelukkig werk ons albei van die huis af en kry ons mekaar deur die dag te siene, want ek is maar altyd aan die gang,\u201d vertel Ryan wat tussen oefensessies en \u2019n besoek aan die biokinetikus tyd afknyp vir die onderhoud \u00e9n \u2019n groot bord kos wat hom aan die gang moet hou.<\/p>\n \u201cEk hardloop gewoonlik tussen 12 en 25 uur per week en bestee nog vyf uur aan krag- en ander oefening.\u201d Vanessa bestuur op haar beurt haar eie maatskappy, Blue Fox Marketing and Media Solutions, waardeur sy fietsry- en sportbyeenkomste saam met borge bedryf.<\/p>\n Ryan neem w\u00eareldwyd deel en as hy lank weg moet wees, gaan Vanessa saam. \u201cOns probeer om nooit langer as drie weke weg van mekaar te wees nie.\u201d<\/p>\n Daar bly nie veel tyd vir ontspanning oor nie, maar hulle gaan stap gereeld met hul hond, Thandi, en oefen so nou en dan saam. En hoewel albei baie kompeterend is, is \u2019n oefensessie iets wat hulle vir die pret saam doen. Hulle laat dit nooit in \u2019n wedloop ontaard nie, verseker hulle my laggend.<\/p>\n Hulle is altwee baie gefokus en gemotiveerd en ook mekaar se grootste ondersteuners – albei ken die leefstyl en die uitdagings en verstaan wat die ander een deurmaak. Veral as dinge moeilik raak.<\/p>\n Vanessa vertel hoe sy so byna-byna in die vorige Absa Cape Epic-bergfietswedren tou opgegooi het.<\/p>\n \u201cEk het gedog ek gaan dood en kon net nie meer nie.\u201d<\/p>\n Sy het n\u00e1 \u2019n asma-aanval in die mobiele kliniek beland en die volgende dag haar bewussyn in die wedren verloor toe sy weer \u2019n paar aanvalle gehad het.<\/p>\n \u201cMy krag was \u00f3p! Ek kon net nie verder nie. Maar toe Ryan s\u00ea hy het as \u2019n verrassing my ma na die eindpunt laat vlieg, het ek darem met nuwe ywer weggespring, hoor!\u201d<\/p>\n \u201cOns het dieselfde soort persoonlikheid \u2013 opgee bestaan nie vir ons nie. Omdat ons so eenders is, verstaan ons mekaar. Boonop is ons mekaar se beste vriende. Hy is die eerste mens wie se raad ek oor enige probleem sal vra. Dis vir ons belangrik om dinge saam te doen en ons is \u2019n goeie span, maar dis net so belangrik dat elkeen sy eie ruimte met sy eie belangstellings het,\u201d s\u00ea Vanessa.<\/p>\n Hoewel sport nog altyd deel van haar lewe was, was dit Ryan wat haar oortuig het om vir die Absa Cape Epic-bergfietswedren in te skryf. (Sy het al twee voltooi.)<\/p>\n Sport en -uitdagings het haar lewe gevorm. In 2011 moes sy weens \u2019n nekbesering wat sy in die proses opgedoen het, haar aan die Survivor \u201cPlebs and Celebs\u201d-wedren onttrek.<\/p>\n \u201cDit was die ongelooflikste ervaring: Dit het my laat besef hoe sterk my gees is en hoe lank ek kan uithou en aanhou. Sy s\u00ea sy gebruik altyd weer hierdie insig om haar te motiveer wanneer sy \u2019n groot uitdaging aanpak.<\/p>\n Sy is lid van Ryan se ondersteuningspan vir ultra-wedlope en weet intu\u00eftief hoe om sy gees weer sterk te kry.<\/p>\n Die jaar 2013 was Ryan se annus horribiles. Hy het die eerste keer in die ses jaar wat hy internasionaal deelneem, met hardnekkige beserings gesukkel.<\/p>\n Dis \u2019n frustrasie wat Vanessa maar alte goed verstaan en sy weet hoe om hom moed in te praat.<\/p>\n \u201cEk is gewoonlik vreeslik chilled maar op die oomblik is ek nie die maklikste ou om mee saam te leef nie,\u201d s\u00ea Ryan met \u2019n verle\u00eb glimlag toe ons n\u00e1 sy onsuksesvolle Leadville 100 Mile Trail Run gesels. \u201cHierdie skielike gesukkel met beserings frustreer my geweldig.\u201d<\/p>\n Aan die ander kant is wedrenstres weer iets wat hulle heeltemal verskillend hanteer, vertel Vanessa.<\/p>\n \u201cEk raak opgewen voor \u2019n groot wedren terwyl Ryan afgetrokke word namate hy al hoe meer op die wedren fokus en die verloop daarvan visualiseer.\u201d<\/p>\n Maar met die troue wat vir die einde van die jaar beplan word, is daar uitdagings van \u2019n ander aard waaraan daar gedink moet word.<\/p>\n \u201cJa, ons sal baie graag kinders wil h\u00ea. Maar uithourenne gooi jou hormone deurmekaar – my lewe sal eers rustiger moet word.\u201d<\/p>\n Toe ek n\u00e1 die onderhoud huis toe ry, bly ek wonder of die babas uit die Haywood-Sandes- genetiese poel ooit vir \u2019n oomblik stil gaan sit \u2026<\/p>\n Ryan Sandes (die uitspraak is \u201csands\u201d) was sewe jaar gelede \u2019n finale jaar-student in bourekenkunde toe sy pelle hom by die Knysna-oesterfees uitdaag om die halfmarathon te hardloop. Maar die 21 km was vol en hy moes maar vir die marathon van\u00a042 km inskryf. Di\u00e9 het hy in \u2019n blitsige 3 uur 16 sek. voltooi. Met byna geen oefening nie.<\/p>\n Wat hom die meeste verbaas het, was dat hy dit so baie geniet het … Kort daarna het hy veldhardloop \u201contdek\u201d en sedertdien was daar geen keer aan hom nie. Tans word hy gereken as een van die heel beste ultra-hardlopers op die planeet en hy is die eerste ultra-veldhardloper ter w\u00eareld wat al \u2019n wedloop\u00a0op al sewe kontinente gewen het.<\/p>\n Lees meer op sy blog:\u00a0www.ryansandes.com<\/a><\/p>\n![\"\"](\"https:\/\/novanews.co.za\/rooirose\/wp-content\/uploads\/2015\/12\/JANVanessa02RR.jpg\")
<\/div>\n\n
\n<\/strong><\/span><\/span>Ons motiveer mekaar<\/span><\/h4>\nBeste vriende<\/span><\/h4>\n
Ryan Sandes die atleet<\/span><\/h4>\n
Ryan se\u00a0oorwinnings <\/span><\/h4>\n