{"id":80916,"date":"2017-08-22T10:12:41","date_gmt":"2017-08-22T08:12:41","guid":{"rendered":"http:\/\/novanews.co.za\/rooirose\/?p=80916"},"modified":"2018-11-12T13:20:01","modified_gmt":"2018-11-12T11:20:01","slug":"inspired-women-blog-ons-reis-deur-china","status":"publish","type":"post","link":"https:\/\/novanews.co.za\/rooirose\/inspired-women-blog-ons-reis-deur-china\/","title":{"rendered":"Inspired Women-blog: Ons reis deur China"},"content":{"rendered":"

As julle nou al ons agtergrond ken, dan weet julle seker niks stop di\u00e9 twee blondies om die w\u00eareld in te vaar en hul drome na te jaag nie!<\/p>\n

\u201cEmirates het \u2019n special<\/em>!\u201d Dit is sulke woorde wat geweldige opgewondenheid veroorsaak in ons huishoudings. \u201cWaarheen gaan ons?” vra Shireen. \u201cEk weet nie! Die w\u00eareld is so groot! Waarheen sal jy nooit regtig wil gaan nie?” vra ek. Asi\u00eb … Ons wik en weeg tussen Ysland, Rusland, Tokyo, en dan besef ons hier is \u2019n bucket list-<\/em>geleentheid. Kom ons gaan na die wall<\/em>.<\/p>\n

So is ons kaartjies geboek, visa\u2019s, hotel, verblyf, alles.<\/p>\n

Met ons aankoms word ons verwelkom met \u2019n oorweldigende warm, drukkende humiditeit. Ons eerste stop is Hong Kong<\/strong>, die stad van liggies. Daar is so baie Westerse mense, dit is besig en warm! Ons moet ons twee dae goed benut en skop ons vakansie af deur die omliggende eilande te besoek. Hong Kong bestaan uit 235 eilande, so veerbote is oral beskikbaar om toegang tot die eilande te verkry.<\/p>\n

\"Inspired-Women-China\"<\/p>\n

Hong Kong is modern en besig en ons was \u2019n bietjie teleurgesteld omdat ons geen tradisionele Chinese geboue of van die kultuur ervaar het nie. In die hoostraat sien jy Zara en Topshop en vergeet jy vir \u2019n oomblik jy is in die Ooste. \u2019n Mens se gedagtes word egter vining onderbreuk wanneer \u2019n Chinese man \u2019n bol neuskabouters uit sy keel trek en langs jou op die pad spoeg \u2026 “Dis heel normaal,” s\u00ea ek vir Shireen wat begin bruis van woede. \u201cWaar is die mense se maniere\u201d? skree sy. \u201cOnthou, jy is nou in hulle land, dis hulle kultuur en hulle re\u00ebls\u201d! Wat vir jou onaanvaarbaar is, is vir hulle heeltemal normaal.<\/p>\n

Die plek spog egter met hemelho\u00eb geboue, besige restaurante en hope gesellige kafee\u2019s. Die strande is pragtig en is bekend vir asemrowende staproetes.<\/p>\n

Op die vliegtuig (histeries van al die opwinding) land ons in Beijing<\/strong>. Ons gooi ons tasse neer en vaar dadelik die strate in – dit is immers ons beste manier om \u2019n plek te verken: ons stap, raak verlore en ontdek dan die beste plekke!<\/p>\n

Beijing is nog \u2019n oerwoud van konkryt, staal en ligte. Maar anders as Hong Kong het jy geen toegang tot sosiale media nie. Vinnig besef \u2019n mens dinge word baie anders hanteer hier in China. Bitter min mense verstaan en praat Engels. Die laaste drie dae in Beijing het ons baie afgesonder gevoel, maar niks keer ons om verlore te raak in die small<\/em> straatjies nie. Dis mos immers hoe \u2019n mens \u2019n plek verken.<\/p>\n

By die Wangfujing-mark<\/strong> ontdek ons \u2019n wye verskeindenheid insekte, kosse en drankies. Alles waarna jy kyk laat jou maag draai. Dit is egter net hier dat ek besluit ek gaan nooit weer die kans kry om \u2019n skerpioensosatie te eet nie … Dit was \u2019n krakerige en souterige aff\u00eare! Nie weer nie, dankie!<\/p>\n

\"Inspired-Women-China\"

Shireen met haar “sosatie”<\/p><\/div>\n

Ons volgende stop is die \u201cForbidden City\u201d en \u201cTianmen Square\u201d. Die geskiedenis is ongelooflik en dateer uit duisende jare terug.<\/p>\n

Die volgende dag val ons vroeg in die pad. Dit is die dag waarvoor ons lank gewag het, die dag wat ons die \u201cGreat Wall Of China<\/strong>\u201d gaan klim. Ons besluit om twee ure verder uit Beijing te ry (blykbaar is dit stiller en is daar minder toeriste.) By ons aankoms was dit egter toe nie so stil nie! Gelukkig was ons kaartjies vooruit bespreek en kon ons van die lang rye verbysteek.<\/p>\n

\"Inspired-Women-China\" \"Inspired-Women-China\"<\/p>\n

Ons eerste tree op die muur is iets wat ons altyd sal bybly. Hoe kon so \u2019n groot struktuur soveel jare terug s\u00f3 gebou word? Die muur is 8 850 km lank, party plekke is reguit en gelyk, ander vervalle en skeef en dan is daar ook baie steil trappe, hoekies en draaie. Ons kon net so 1 km v\u00ear stap. Ons is honderde trappe op en af in 85% humiditeit en warm temperature.<\/p>\n

China was \u2019n ongelooflike ervaring. Van die \u201cCosmopolitan\u201d-stad van Hong Kong tot die \u201cMainland\u201d waar al die fabrieke is, tot Beijing en die \u201cGreat Wall.\u201d Ryk in kultuur en tradisie is China en Hong Kong definitief \u2019n onvergeetlike reis-opsie.<\/p>\n

 <\/p>\n

\u201cTips\u201d wat ons geleer het:<\/h4>\n