{"id":80758,"date":"2017-08-17T10:36:26","date_gmt":"2017-08-17T08:36:26","guid":{"rendered":"http:\/\/novanews.co.za\/rooirose\/?p=80758"},"modified":"2018-10-29T12:50:13","modified_gmt":"2018-10-29T10:50:13","slug":"vergelegen-se-winterrose","status":"publish","type":"post","link":"https:\/\/novanews.co.za\/rooirose\/vergelegen-se-winterrose\/","title":{"rendered":"Vergelegen se ‘winterrose’"},"content":{"rendered":"

Vergelegen se kameliaversameling, wat vandag uit sowat duisend struike en vyfhonderd vari\u00ebteite bestaan, is in 2010 as \u2019n internasionale kameliatuin van uitnemendheid erken<\/em><\/h4>\n

 <\/p>\n

Sou jy op \u2019n wintersdag verby Vergelegen se kanferbome in die rigting van die kameliatuin loop, sal jy moontlik uit die herehuis soet klanke uit die rooshoutklavier hoor. Dit staan musikale besoekers per slot van sake vry om die antieke Broadwood-klawers van tyd tot tyd te olie. En wanneer die winterrose soos \u2019n tapyt onder die kamelias l\u00ea, mag besoekers ook d\u00e1\u00e1rin deel.<\/p>\n

Richard Arm<\/strong>, tuinboukundige by die historiese landgoed, glimlag breed wanneer hy vertel hoe die wasagtige blomme seisoenaal opdoem as koraalpienk bootjies in vywers, of in sirkels langs die paadjies gerangskik word sodat kinders met die \u201crosette\u201d kan speel.<\/p>\n

Dit is juis die gemeenskaplike erfeniswaarde van die tuin wat Richard na aan die hart l\u00ea. Hierdie historiese wisselwerking tussen Suid-Afrika en die Ooste is sigbaar in die formele dele van die tuin, met onder meer kanferbome, rose, krismisrose, bamboesriet en kamelias, terwyl inheemse spesies binne die aangrensende 3 000 ha teruggeplant is.<\/p>\n

Vergelegen se kameliaversameling<\/strong>, wat vandag uit sowat duisend struike en vyfhonderd vari\u00ebteite bestaan, is in 2010 as \u2019n internasionale kameliatuin van uitnemendheid erken met Keith Kirsten se voorlegging aan die International Camellia Society<\/em> (ICS). Daar is slegs een ander voorbeeld in die Suidelike Halfrond: die Melbourne Royal Botanical Gardens<\/em> met sowat 950 kamelias. W\u00eareldwyd is daar 34 soortgelyke tuine.<\/p>\n

Lady Phillips het reeds in die jare twintig die eerste (tradisionele vari\u00ebteite) kamelias op die Vergelegen-landgoed geplant. Verdere aanplantings het in die Barlow-era (1941-1987) gevolg.<\/p>\n

Eric Theron is in 1987 as hortoloog by Vergelegen aangestel, en sy verbintenis met Jan van Bergen se Boskop-kwekery het indirek daartoe gelei dat Van Bergen se unieke kameliaversameling – wat hy as tienjarige in sy oupa se kweekhuis in Holland begin het – in 2005 na Vergelegen geskuif is.<\/p>\n

Hierdie toevoeging het die bestaande kameliaversameling uitstekend aangevul en was kardinaal in die status wat die tuin vandag het.<\/p>\n

Daar word gereeld uit verskeie oorde plante aan die versameling geskenk en besoekers is welkom om die kamelia-ensiklopedie\u00eb (wat drie volumes beslaan) in die biblioteek op die landgoed vir navorsing te raadpleeg.<\/p>\n