Die sjirurg is \u2019n ouer man; \u2019n saaklike man. Hy bestudeer die mammogram en die radioloog se verslag vlugtig en stuur my na sy ondersoekkamer toe.<\/p>\n
Ek is amper al gewoond daaraan om kaalbolyf te l\u00ea voor vreemde mans. Sy ondersoek is vinnig verby. Hy vra my hoe lank die knop al daar is. Hy hou nie van my antwoord nie, lei ek af aan sy afgetrekte mondhoeke. Dit is \u2019n onverantwoordelike vrou di\u00e9.<\/p>\n
Terug in die spreekkamer teken hy vir my \u2019n prentjie van \u2019n bors. Die gewas word aangedui deur \u2019n groterige sirkel. Jy gaan beslis jou areola en tepel verloor, s\u00ea hy saaklik vir my, en moontlik jou hele bors. Daar sal van my limfkliere ook verwyder moet word om te kyk of die kanker versprei het.<\/p>\n
Hy laat my toe om \u2019n keuse te maak. Ek kan eers onder die mes gaan, waarna die gewas weggestuur word vir \u2019n biopsie. As daar \u2019n mastektomie gedoen moet word, sal ek weer geopereer word. Die ander opsie is \u2019n \u2018frozen biopsy\u201d waartydens die patoloog in die teater is. Hy sal dadelik \u2019n uitslag gee en as daar \u2019n mastektomie moet wees, sal dit onmiddelik gedoen word. Ek kies die tweede opsie. Wat moet gebeur sal gebeur.<\/p>\n
Dit moet so gou as moontlik gedoen word, s\u00ea die sjirurg. Dadelik. Ek s\u00ea nee. Ek het \u2019n radio-onderhoud wat voorl\u00ea en \u2019n verskyning by die Vryfees in Bloemfontein. Ek sal eers my verpligtinge nakom en dan kan ons voortgaan. Hy stem in. Die datum word vasgemaak. Dit sal die dag n\u00e1 die Vryfees wees. Berei jou voor vir chemoterapie en radiasie na die herstelperiode, waarsku hy my. Daardie middag na werk begin ek navorsing doen oor pruikverskaffers in Johannesburg. Daar is \u2019n hele paar om van te kies.<\/p>\n
Ek werk lang ure daardie week. Daar is baie wat gedoen moet word voor die operasie. Ek moet van my groot projekte oorgee aan kollegas. My kollegas se gebare van ondersteuning nadat die diagnose veldbrandstatus verkry, is oorweldigend. Ek is oukei, verseker ek hulle oor en oor. Niemand glo my nie, al is ek h\u00f3\u00e9 oortuigend.<\/p>\n
Die radio-onderhoud is \u2019n heerlik ontspanne geselsie en die verskyning by die Vryfees ook. My familie in Bloemfontein woon die geleentheid by en dit maak alles dubbel so lekker. Daardie aand kuier ons almal saam en daar word \u2019n foto geneem van my, my ma en my sussie saam. Miskien die laaste foto van ons waarin daar ses boobies <\/em>is, skerts ons. Dit is \u2019n lighartige bymekaarkoms waarin daar baie gelag en geskerts word, maar daar is tog iets anders in die atmosfeer. Ek voel gese\u00ebn om al my mense by my te h\u00ea op hierdie aand.<\/p>\n Die volgende oggend is is my gees boordenstoe gelaai met vrede. Iewers in die nag het die klarigheid in my kop geklouter. Hierdie ervaring is deel van my lewensreis. En dit gaan \u2019n nuttelose ervaring wees as ek dit nie reg benader nie. Ek gaan nuwe dinge van myself leer, nuwe mense ontmoet. En miskien kan ek ander help. Ek weet nog nie hoe nie, maar dit is wat ek gaan doen.<\/p>\n Kanker sal \u2019n instrument wees om ander te bemoedig.<\/p>\n","protected":false},"excerpt":{"rendered":" Die sjirurg is \u2019n ouer man; \u2019n saaklike man. Hy bestudeer die mammogram en die radioloog se verslag vlugtig en stuur my na sy ondersoekkamer toe. Ek is amper al gewoond daaraan om kaalbolyf te l\u00ea voor vreemde mans. Sy […]<\/p>\n","protected":false},"author":4,"featured_media":15338,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[682],"tags":[35,136,762,1804],"class_list":["post-7999","post","type-post","status-publish","format-standard","has-post-thumbnail","hentry","category-blogs","tag-blogs","tag-gesondheid","tag-borskanker","tag-madelein-rust"],"acf":[],"yoast_head":"\n