Magriet se foon het drie-uur die oggend gelui. Dit was Mariaan. Sy het vreesbevange en huilerig geklink. \u201cJy en Erik moet my kom help!\u201d Magriet kon harde houe teen \u2019n deur hoor, \u00a0\u2019n knarsgeluid en toe word Mariaan se foon doodgedruk. Lam van skok het sy vir Erik gebel. \u201cDink jy ons moet die polisie bel? Dalk is dit \u2019n huisroof!\u201d<\/p>\n
Met hul aankoms in Rossstraat, Darrenwood, was die huis se ligte almal aan en die voordeur het oopgestaan. Erik het Magriet in die kar laat wag en met sy pistool ingegaan. Hy het Mariaan in die badkamer gekry. Die deur was oopgeskop. Sy het in die klein gaping tussen die toilet en die muur ingekruip. Sy was flenters geslaan.<\/p>\n
\u201cWaar is Willem? Is julle beroof?\u201d<\/p>\n
\u201cWillem het gery. Waar is Magriet?\u201d Mariaan het gebewe soos iemand wat aan skok ly.<\/p>\n
\u201cWas hier rowers?\u201d Mariaan het haar kop ontkennend geskud.<\/p>\n
\u201cWat het dan gebeur?\u201d<\/p>\n
\u201cWillem. Julle moet my hier uit kry voor hy terugkom.\u201d<\/p>\n
Erik het Mariaan in \u2019n kombers toegedraai en Magriet gaan roep.<\/p>\n
\u201cHier is groot moeilikheid, Grieta. Ek dink Willem het Mariaan geslaan.\u201d<\/p>\n
Magriet was geskok. Nie Willem nie. Nie gawe vreedsame Willem nie. Willem is \u2019n kerkman. \u2019n Pilaar van sy gemeenskap. \u2019n Liefdevolle man.<\/p>\n
Mariaan het onbedaarlik begin huil toe sy haar vriendin sien.<\/p>\n
\u201cWillem het weer uitgehaak,\u201d het sy verduidelik.<\/p>\n
\u201cHoe bedoel jy weer uitgehaak?\u201d<\/p>\n
Mariaan se damwal het gebreek. Sy het vertel van die jarelange emosionele en fisieke mishandeling agter die toe deure van haar en Willem se \u201cwhite picket fence\u201d-huis. Sy het die geheim dig bewaar en vir die gemeenskap, kollegas en vriende het dit gelyk of Willem en Mariaan die ideale paartjie is. Jan-Hendrik het ook onder sy pa deurgeloop, maar nooit \u2019n woord teenoor sy beste maat, Jaco, of enigiemand gerep nie.<\/p>\n
Magriet het ontnugter en geskok na haar vriendin se tsoenami van woorde geluister. Sy het Mariaan al die jare haar wonderlike man beny. Dit het gelyk of Willem vir Mariaan aanbid.<\/p>\n
Mariaan was hewig onsteld toe die polisie opdaag.<\/p>\n
\u201cHoekom het julle dit gedoen? Willem gaan woedend wees!\u201d<\/p>\n
Hulle kon die vrees op haar gesig sien.<\/p>\n
\u201cHy het jou aangerand en verniel! Ons sal jou hospitaal toe moet neem en hulle sal ook wil weet wat gebeur het.”<\/p>\n
\u201cWillem het \u2019n doktersvriend. Ek gaan altyd na hom toe. Laat die polisie asseblief gaan. Dit sal dinge vererger.\u201d<\/p>\n
Erik het Mariaan probeer oortuig om \u2019n klag van aanranding te l\u00ea, maar sy wou nie. Sy wou ook nie hospitaal toe gaan nie. Sy wou die volgende oggend na Willem se doktersvriend gaan. Hy lap altyd weer haar lyf aanmekaar.<\/p>\n
\u201cHy sal verstaan, hy help my altyd. Kan ek net vanaand by jou kom slaap tot Willem bedaar het? Asseblief, Magriet. M\u00f4re is Willem weer kalm en dan is als weer ok<\/em>.\u201d<\/p>\n Magriet het haar vriendin styf vasgedruk. \u201cHoe lank gaan dit al so aan? Hoekom het jy nooit gepraat nie?\u201d<\/p>\n Mariaan het op haar wittebrood haar eerste \u201ctugtiging\u201d gekry. Dis soos Willem dit genoem het. Sy jong bruid het haar tanbeborsel en tandepasta op die wasbak gelos. Vir die pynlik netjiese Willem was dit reg om sy bruid oor sy skoot trek en haar \u2019n paar harde houe op die agterstewe gee. Daarna het hy sy huweliksreg opgee\u00efs asof niks verkeerd is nie. Mariaan het daarna geweet sy moet lig trap om Willem. Sy het van die begin af geweet dat sy,die huis, en Jan-Hendrik eksie perfeksie moet wees. Sy het geweet as sy uitpraat, sal sy getugtig word. Haar selfbeeld was later so laag dat sy begin dink het sy is die slordigste mens op aarde en sy het iemand soos Willem nodig om haar in toom te hou. Willem het altyd n\u00e1 \u2019n tugtiging \u2019n geskenk of bederfie gebring. Dis hoekom sy so \u2019n unieke versameling juweliersware het.<\/p>\n \u201cEk is met goud en diamante beloon vir my goeie gedrag. Ek het die kuns bemeester om elke keer weer te kan aangaan na \u2019n strafsessie. Willem het re\u00ebls gehad wat ek en Jan-Hendrik moes gehoorsaam. Elke middag, voor Willem huis toe kom, het ek en my kind deur die huis geloop en elke mat se rafels reggetrek. Die ketel moes perfek van oos na wes wys. Die speserybottels alfabeties, die koffiebekers soos soldate almal met die oor na wes, presies reg gespasieer. \u2019n Vars handdoek vir Willem elke dag. Elke dag vars lakens op die bed. Sy hemde se nate met presisie volgens sy voorskrifte gestryk. Ek mag nooit \u2019n bediende aangehou het nie. Willem kan nie iemand anders in sy persoonlike ruimte verduur nie.\u201d<\/p>\n Erik en Magriet het geskok gesit en luister. Magriet het Mariaan se wonde probeer dokter. Mariaan het \u2019n ongelooflik volledige eerstehulpkissie gehad. Gereed vir die dokter van snye en kneusings.<\/p>\n Die polisie is weg en het \u2019n ope uitnodiging gelaat dat Mariaan welkom is om die volgende dag \u2019n klag te kom l\u00ea.<\/p>\n Die lig het skielik vir Magriet aangegaan. Sy kon nie glo dat sy al die jare so blind was vir haar vriendin se omstandighede nie. In hul vriendekring was dit al \u2019n gespot dat Mariaan die grootste ongeluksvo\u00ebl denkbaar is. Sy is die een wat altyd in deurkosyne vasloop en van trappe af val.<\/p>\n \u201cSy is mos altyd haastig en kyk nie waar sy loop nie. \u2019n Regte ou lomperd, my Mariaan. \u2019n Ongeluk wat \u2019n plek soek om te gebeur,\u201d so het Willem altyd oor sy vrou se wonde en blou kolle gespot.<\/p>\n Erik het Mariaan probeer oortuig om van Willem te skei en \u2019n interdik teen die vroueslaner te kry. As prokureur het hy al \u2019n hele paar gevalle soos Mariaan hanteer.<\/p>\n \u201cJy weet hy sal nooit ophou nie? Hy sal jou weer slaan. Moenie toelaat dat hy jou so verniel nie. Jy is nie \u2019n uitsondering nie, Mariaan. Jy verdien nie om so deur \u2019n boelie mishandel te word nie. Allamagtag, ek kan nie glo hy dink wat hy doen is reg nie. Asseblief, Mariaan, ek weet hoe om jou te help.\u201d<\/p>\n By Magriet se huis het hulle Mariaan in die bed gesit en Erik het oorgebly ingeval Willem Mariaan kom soek.<\/p>\n Hy en Magriet het lank by die kombuistafel gesit en \u2019n paar potte tee gedrink. Magriet het haar pyp gestop om die skokkende gebeure van die aand te verwerk.<\/p>\n \u201cEk wens ek kan hom gaan voorl\u00ea en hom donner. Die opperste vark. Skeinheilige vreksel. Kamma altyd so voorbeeldig. Verfoeilike front teenoor die gemeenskap en by die huis verniel hy sy vrou en kind. Ons moet aan haar werk om uit die ding te kom. Ek sal aan \u2019n paar planne dink, Grieta.\u201d<\/p>\n Magriet het haar pyp vir Erik aangegee. Hy het \u2019n paar trekke gemaak om sy senuwees ook te kalmeer.<\/p>\n \u201cOnthou jy hoe ek en jy en Mariaan een aand in ons jonger dae gaan uiteet het om iets te vier? Daardie aand toe ons so effe gekletter geraak het op sangria by Nino\u2019s?\u201d<\/p>\n Magriet kon die aand goed onthou. Stoffel was woedend oor sy n\u00e1 twaalf eers by die huis gekom het en het haar uitgetrap oor haar slegte vriende.<\/p>\n \u201cDaardie volgende middag het ek Kaap toe gevlieg. Ek het Mariaan op die lughawe gekry. Jy weet mos hoe baie sy by haar suster in die Kaap gaan kuier? Gereeld? Sommer onverwags?”<\/p>\n Magriet het ge-puff puff<\/em> aan haar pyp. Dinge het vir haar baie duideliker geword.<\/p>\n \u201cMariaan was nogal skaam toe ek haar op die lughawe raakloop. Sy het my eers probeer vermy. Sy het \u2019n donkerbril gedra en haar arm was in gips. Sy het van al die sangria weer nie gekyk waar sy loop nie. Toe val sy van hulle huis se trappe af \u2026 Die bliksem.\u201d<\/p>\n Magriet het steeds aan haar pyp ge-puff<\/em>. Trane het by haar wange afgeloop. Sy en Mariaan het hul kinders saam grootgemaak. Hulle het soveel wonderlike tye saam gehad.<\/p>\n \u201cSy het nooit gepraat nie. Ek kan dit nie verstaan nie, Erik. Sy het nooit gepraat nie.\u201d<\/p>\n <\/p>\n","protected":false},"excerpt":{"rendered":" Magriet se foon het drie-uur die oggend gelui. Dit was Mariaan. Sy het vreesbevange en huilerig geklink. \u201cJy en Erik moet my kom help!\u201d Deur Martie Swanepoel<\/p>\n","protected":false},"author":8,"featured_media":79465,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[43452,3476],"tags":[1518,2053,3975,4119],"class_list":["post-79462","post","type-post","status-publish","format-standard","has-post-thumbnail","hentry","category-lees","category-ontspanning","tag-kortverhaal","tag-huwelik","tag-mishandeling","tag-vervolgverhaal"],"acf":[],"yoast_head":"\n