{"id":78462,"date":"2017-07-21T15:17:45","date_gmt":"2017-07-21T13:17:45","guid":{"rendered":"http:\/\/novanews.co.za\/rooirose\/?p=78462"},"modified":"2017-07-21T15:17:45","modified_gmt":"2017-07-21T13:17:45","slug":"in-gesprek-met-pierre-van-pletzen","status":"publish","type":"post","link":"https:\/\/novanews.co.za\/rooirose\/in-gesprek-met-pierre-van-pletzen\/","title":{"rendered":"In gesprek met Pierre van Pletzen"},"content":{"rendered":"

Ons het in die Junie 2017-uitgawe van rooi rose<\/em> met Pierre van Pletzen gesels oor oudword (of eerder, oor nie oud word nie!) Hy het gulhartig \u2019n opvolgonderhoud aan ons toegestaan waar ons gesels oor sy vertrek vanuit die sepiew\u00eareld (vir nou) en die veelvuldige opsies wat hom nou in die gesig staar.<\/p>\n

 <\/p>\n

Jy het in \u2019n onlangse onderhoud met rooi rose<\/em> genoem dat jy nog lank nie klaar is met optredes en vertolkings nie. Het jou onlangse ervaring by 7de Laan jou afgeskrik van optree, of dink jy dit skep \u2019n geleentheid om alternatiewe opsies te verken?<\/h4>\n

Nee, ek word nie maklik afgeskrik nie. My ervaring van die afgelope tyd het geen impak op my as akteur of regisseur gemaak nie. Dis my werk en daarmee gaan ek aan. Dit het slegs veroorsaak dat nuwe geleenthede en alternatiewe opsies my kant toe kom – en daaroor is ek uit my vel uit opgewonde!<\/strong><\/em><\/p>\n

 <\/p>\n

Noudat jy nie meer die perke van \u2019n sepie se werksure het nie, voel jy dat dit jou oopstel vir nuwe geleenthede?<\/h4>\n

Ja! Permanente sepie-werk hou jou baie gebonde, en jy het nie eintlik beweegruimte om iets anders te doen nie. Wat mense nie besef nie is dat om aan \u2019n sepie deel te neem van die hardste<\/em> werk is wat jy in ons bedryf k\u00e1n doen. Die ure, die aanhoudendheid,<\/em>\u00a0die elke liewe dag<\/em> se woorde leer – dit alles weeg werklik hard op jou wese dag na dag. Nie enige van die ander variasies in die vermaaklikheidsbedryf kom naby aan daardie druk om elke dag<\/em> nuwe woorde te leer en te act <\/em>nie. Sodra jy vandag jou, s\u00ea maar, 5 tonele klaar opgeneem het, l\u00ea daar… raai wat…\u00a0m\u00f4re\u00a0<\/em>se 5 tonele om te gaan leer. En om nie meer aan d\u00e1\u00e1rdie werksure en druk gebonde te wees nie is vir my op di\u00e9 stadium \u2019n geweldige vryheid en dit duisel my kop as ek dink aan die projekte wat nou voorl\u00ea.<\/p>\n

 <\/p>\n

Sal jy weer in \u2019n sepie wil speel? Of is dit nou deel van die verlede?<\/h4>\n

O, ek sal beslis weer in \u2019n sepie wil speel! Ek hou van sepie-werk; dis binne-in \u2019n ateljee, wat ek verkies, en die dissipline wat daarmee gepaard gaan pas my persoonlikheid. Video, met multi-kamera’s, l\u00ea so halfpad tussen teater en film – en dis vir my lekker.<\/p>\n

 <\/p>\n

As jy op straat herken moes word vir enige karakter wat jy al vertolk het behalwe vir Oubaas, wie sou dit wees?<\/h4>\n

Spike,<\/strong> uit Orkney Snork Nie<\/em>. Mense het my al aangespreek as “Oubaas Spike.” Dis eintlik \u2019n voorreg om onthou te word vir twee sulke nimlike karakters.<\/p>\n

 <\/p>\n

Oubaas is \u2019n huishoudelike naam. Hy is ook \u2019n baie spesifieke komiese persoonlikheid wat jy skerp uitgebeeld het. Is jy al ge-typecast<\/em> en hoe het jy dit probeer te\u00ebwerk?<\/h4>\n

O, ja. Typecasting<\/em> loop saam met \u00e9nige akteur, of jy nou \u2019n Hollywood-ster is of nie. As jy s\u00f3 \u2019n ster is, besit jy natuurlik baie geld en kan jy agteroor sit en rolle kies om jou veelsydigheid aan te dui. Maar dis nie die geval met ons gewone akteurs nie. Die eerste rol wat jy speel wat \u2019n impak maak, word gewoonlik as \u2019n “model” gebruik om jou te typecast<\/em> en dit vat jou letterlik jare om daardie beeld af te skud. Dieselfde geld vir \u2019n rol wat jou baie bekend maak. Al hoe jy dit kan teenwerk is die keuse van jou rolle en ook om die karakters wat jy speel so uiteenlopend as moontlik te vertolk.<\/p>\n

 <\/p>\n

Jy is bekend vir jou komiese rolle. Wat is die belangrikste eienskap van \u2019n komiese akteur, en hoe pak mens so rol aan?<\/h4>\n

Ja, gepraat van type-casting … <\/em>My eerste 10 jaar van toneelspeel was meestal op die verhoog en toe het ek meerendeels “ernstige” rolle vertolk. En toe kom Orkney [Snork Nie]<\/em>. En daarna is ek bekend as \u2019n komiese speler. Maar ja, ek h\u00e9t sekerlik heelwat “komiese gene” wat in my rondhol, want ek glo beslis jy word daarmee gebore en dat dit nie iets is wat jy sommer kan aanleer nie. Natuurlik moet jy “comic timing<\/em>” h\u00ea, maar verder pak jy dit aan soos enige ander rol, met eerlikheid<\/em>.<\/p>\n

 <\/p>\n

Geniet jy meer ernstige rolle ook?<\/h4>\n

Natuurlik<\/em> geniet ek ernstige rolle ook! Omdat ek \u2019n groot deel van my loopbaan komiese rolle gespeel het, is meer dramatiese rolle dit wat ek op hierdie punt sal verkies. Ek is nie getroud aan die idee om snaaks te wees nie, ook veral nie in my gewone lewe nie (alhoewel ek en Sandra verskriklik baie lag). Dis interessant, ek het in my loopbaan m\u00e9\u00e9r vir ernstige rolle nominasies of pryse gewen as vir die komiese goed.<\/p>\n

 <\/p>\n

Beplan jy om weer betrokke te raak by regie?<\/h4>\n

Regie, soos toneelspeel, is in my bloed, ek k\u00e1n en w\u00edl nie daarmee ophou nie. Jou vraag dui half aan asof daar \u2019n onderbreking was in my regie-werk, \u00f3f dat ek \u2018n besluit geneem het om nie meer “betrokke” te raak nie. Dis glad nie die geval nie.<\/em> Niks wat die afgelope tyd gebeur het, het enigsins \u2019n emosionele impak op my gemaak dat ek besluit het om so-en-so nie weer te wil doen nie. Ek wil dit net met ander mense, op ander plekke en onder ander omstandighede voortsit.<\/p>\n

 <\/p>\n

As jy in enige toneelstuk kon speel, wat sou dit wees en watter karakter sal jy wil vertolk?<\/h4>\n

Dis \u2019n interessante\u00a0 vraag. Ek k\u00e9n baie dramas en ek het en moes in my lewe b\u00e1\u00ed\u00e9 daarvan lees, so daar is \u2019n groot hoop van hulle wat ek graag in sal wil speel of die regie van wil doen. Maar niks spring netso uit die bondel uit nie. Ek is 65, en op hierdie ouderdom is jou keuses beperk. Ek weet ook nie of daar in vandag se dae nog gehore is wat werklike goeie teater wil bywoon nie. Ek weet van \u2019n senior akteur wat graag Koning Lear<\/em> wou speel, en toe die geleentheid daarvoor kom, was daar geen bywoning nie. Maar ek sal jou dit s\u00ea, dit sal tien teen een \u2019n ernstige rol bo \u2019n snaakse rol wees wat ek sal kies. Verkieslik ook iets modern en nuut.<\/p>\n

 <\/p>\n

Sal jy graag nog draaiboeke wil skryf? Sou dit verhoog, TV, of \u2019n film wees?<\/h4>\n

Ek hou baie<\/em> van skryf, hetsy vir televisie, verhoog of film. My skryfwerk was meer verhooggerig tot dusver, maar ek het ook al my hand aan televisie en film probeer. As ek so daaroor dink dan reken ek \u2019n toneelstuk of film sal op hierdie stadium voorrang geniet vir my om nou te skryf.<\/p>\n

 <\/p>\n

Dink jy ons sal baat deur amptelike teatergeselskappe te h\u00ea?<\/h4>\n

Ja, ja, ja, ja! Dit is sekerlik een van die grootste tragedies in die Suid-Afrikaanse Teater dat die streeksrade in die negentigs afgeskaf is. Onder \u00e9\u00e9n dak, in \u00e9\u00e9n gebou word Opera, Ballet, Toneel, Musiek aangebied; dit is absoluut wonderlik en geskoei op die Europese geskiedenis van die Uitvoerende Kunste. Ja, hulle kon die hele sisteem verander<\/em>\u00a0het om aan die eise van die nuwe regering en sosiale omstandighede gehoor te gee, by all means, <\/em>en ek was d\u00e9\u00e9l van hierdie oorgangsproses, maar om dit af te stel en toe te maak – dit was \u2019n swak besluit. \u2019n Besluit waaronder ons uitvoerende kunste nog jare gaan ly.<\/p>\n

 <\/p>\n

Sou jy weer betrokke wou wees in die bestuur van geselskappe en tonele, of verkies jy eerder om op die planke te wees?<\/h4>\n

Nee, daarby sal ek nie sommer weer betrokke wil wees nie. Ek was vir 14 jaar Hoof van Toneel (eers by SUKOVS en toe by TRUK), en ek reken ek kan opreg s\u00ea ek het die T-shirt<\/em> en sal met gemak verkies dat iemand anders dit sal doen.<\/p>\n

 <\/p>\n

Watter tipe films vanuit Suid-Afrika wil jy meer sien?<\/h4>\n

Enigiets, solank ons net aanhou en aanhou om dit te maak. Ons aantal kykers is min en dit kortwiek die bedryf, maar as ons \u2019n wye spektrum van stories kan uitbring, sal ek bly wees. Die regering\u00a0m\u00f3\u00e9t meer betrokke raak met befondsing, met ander woorde\u00a0meer\u00a0<\/em>finansies daarstel, ontslae raak van die korrupsie en meer aan die kunste in die algemeen bewillig.<\/p>\n

 <\/p>\n

Waarheen sal jy Suid-Afrikaanse teater, film, en TV wil sien beweeg in die volgende paar jaar?<\/h4>\n

Alle rigtings, met meer hulp van die regering, soos ek bo genoem het. Ek wil ook h\u00ea dat ons net moet deeglik kyk na ons skill-levels<\/em>! Ons m\u00f3\u00e9t ons vaardighede ontwikkel en nie verval in \u2019n mind-set <\/em>van “ons weet alles” nie. Te veel mense, veral regisseurs en skrywers, word aangestel deur individue wat s\u00e9lf nie van beter weet nie en dan ly die eindproduk daaronder. Ons houding spesifiek teenoor skrywers in Suid-Afrika is swak: hulle word te min betaal, en tekste word nie genoeg ontwikkel<\/em>\u00a0nie. Die houding is een van dat die teks nie eintlik belangrik\u00a0<\/em>is nie, dat enige gekrabbel op papier aanvaarbaar is. Ek sien t\u00e9 veel Suid-Afrikaanse films waar ek dink “ek wonder w\u00e1t hulle geskiet het, die eerste of die tweede draft?\u2019”\u00a0<\/em>Dis \u2019n verskriklike situasie! Hulle moet begin besef dat die teks<\/em>\u00a0die \u00e9\u00e9rste en belangrikste stap is tot die sukses van hul films.<\/em><\/p>\n

 <\/p>\n

Wat is jou vrese rakende Suid-Afrikaanse drama?<\/h4>\n

\u2018Skuus, maar ek doen nie vrees nie. Drama is die ontstaan van die Uitvoerende Kunste, toe die eerste storie met liggaamsgebare en taal in oertye vertel is. Dit sal altyd<\/em>\u00a0bestaan, in een of ander vorm. Dit kan nie onderdruk word nie. Daarom moet dit voortbestaan en vertak in al die rigtings waarin dit vandag in ons land gebeur. Ek is gelukkig daarmee. Goeie, briljante werk sal vorendag kom, en ook horrible <\/em>goed. Ek het vertroue in die toekoms daarvan. Dit is\u00a0weliswaar in \u2019n dip, <\/em>en die [Kunste]Feeste is die enigste r\u00earige hulp met die regering wat skitter in hul afwesigheid, maar …the show<\/em>\u00a0will go on.<\/i><\/strong><\/p>\n

 <\/p>\n

Watter maatskaplike rol speel drama in Suid-Afrika, volgens jou?<\/h4>\n

Ek sal hierdie een moet laat oorstaan tot \u2018n tyd waarin ek meer ure in \u2018n dag het om te antwoord. Behalwe dit: die kunstenaar is nog altyd deur die eeue heen die vooraf-waarskuwing, die rooi lig, die alarm wat voor die tyd afgaan, die megafoon van wat gaan kom. Die gemeenskap moet gehoor gee daaraan, en doen gewoonlik, maar die politici n\u00ed\u00e9, en dan beland hulle in die moeilikheid.<\/p>\n

 <\/p>\n

Watter raad sal jy gee vir jong akteurs wat hul loopbane nou begin?<\/h4>\n

Werk hard, hou \u00e1\u00e1n om jouself op te lei (die Dramaskole g\u00e1\u00e1n jou nie\u00a0alles leer wat jy m\u00f3\u00e9t weet nie want t\u00e9 min lektore het ondervinding van die Bedryf self), hou aan om te wil l\u00e9\u00e9r tot aan die einde van jou loopbaan, en wees nederig\u00a0en eerlik.<\/p>\n

 <\/p>\n

Watter akteurs het \u2019n invloed in jou loopbaan en op jou spel gehad?<\/h4>\n

Snaaks genoeg, nie te veel nie. Maar ek het die genie, Charles Chaplin<\/strong>, oor en oor gekyk vandat ek \u2019n klein seuntjie was. Cobus Rossouw<\/strong>, Jack Lemmon<\/strong>, en ander mense h\u00e9t \u2019n invloed gehad en dan na-aap jy hulle onbewustelik, en so. Daar was wel ook \u2019n paar regisseurs wat tegniek by my bevorder het, onder andere die briljante Fran\u00e7ois Swart<\/strong>.<\/p>\n

 <\/p>\n

Watter slaggate dink jy trap akteurs te maklik in, en hoe voel jy kan dit vermy word?<\/h4>\n

Dat hulle dink hulle is alwetend, goed opgelei, die afwesigheid van eerlikheid\u00a0in hul spel, swak voorbereiding, swak dissipline. Ook geen kennis van die beroep se geskiedenis in die algemeen nie (hulle lees min, of g\u00e9\u00e9n, boeke oor Teater nie): vra jy hulle oor Sarah Bernhardt, Laurence Olivier of Elenore Duse dan kyk hulle jou aan asof jy mal is. En hulle verst\u00e1\u00e1n nie eers hoekom\u00a0dit vir hulle nodig is om van di\u00e9 mense en ander te w\u00e9\u00e9t nie. Sorry boys an\u2019 girls, you gotta know the pond you\u2019re swimming in. <\/em>Daar is ook sekere sindrome waarin hulle verval (enige crew <\/em>van \u2018n sepiestel sal dit vir jou uitwys) en dit is die “ek is op die lug,” die “ek is op die voorblad” en die “ek is nou bekend”- sindrome. En hulle dink sodra hierdie drie bereik is w\u00e9\u00e9t hulle als oor toneelspel, tegniek, ensovoorts.<\/p>\n

 <\/p>\n

Jy het onlangs die rockgroep, Harrebaarde<\/em>, begin saam met Frank Opperman, Anton L\u2019Amour en Leon Ecroignard. Was die ervaring van om musikaal op te tree anders as om as akteur op die verhoog te verskyn?<\/h4>\n

Ah, n\u00f3\u00fa vra jy my \u2018n vraag wat my na aan die hart l\u00ea! Ek is s\u00f3 trots op wat ons vier al bereik het die laaste ongeveer 10 weke, en ek is so lief vir hierdie ouens \u2013 man, ons gaan nog baie speel en baie mense verras met ons rock<\/em>-klank. Ons is klaar met opnames vir nou maar Harrebaarde<\/strong>\u00a0<\/em>gaan voort. Ons het \u2018n bestuurder, Giep van Zyl (b\u00e1ie bekend in teater- en musiekkringe) en ons hoop en glo dat ons live-gigs <\/em>sal toeneem. Die tweede deel van die vraag: Nee, ek was al baie op die verhoog in al sy vorme en daar is nie veel verskil tussen die twee, musikaal en toneel, nie. Dit kom altyd neer op dieselfde ding: Jy oefen, jy voer dit wat jy geoefen het uit, en jy geniet dit<\/strong>.<\/p>\n

\n
\n

Great crowd, great line up… GREAT DAY! pic.twitter.com\/LNyqCigM4u<\/a><\/p>\n

\u2014 Park Acoustics\u2122 (@parkacoustics) July 2, 2017<\/a><\/p><\/blockquote>\n